Jẹnẹsisi 35:5 - Ika

⁵ Ya wẹ nọ buli; egun Osolobuẹ nọ tụ obodo ile fihunmẹni wẹ, hụn wụnị onwọnni onyẹ chụnị wẹ.

Jẹnẹsisi 35:5 ပူးပေါင်းရင်းမြစ်များ

Ọpụpụ 23:27

“M k'e zi egun m buruni ụnụ ọzọ, bu isusu che anị ọwụlẹ ụnụ k'a banye. M k'e mẹ ndị iṅẹnrẹn ụnụ gbehutọ gbama ọsọ.

Ihiẹn Mẹni Nke Ẹbụọ 17:10

Ya kẹ egun Osolobuẹ nọ tụma alị-eze ile nọhunmẹ alị Juda, nke wụnị a lụsọnni wẹ Jehoshẹfatị agha.

Ẹbụ-ọma 14:5

Okẹn egun rị nwan a tụ wẹ ebe wẹ rị, makẹni Chuku rị ndị ezi-omumẹ azụụn.

Joshụa 5:1

Ogẹn ndị-nze ndị Amọ ile rị nfetu Iyi-Jọdanị ẹbamịn ọdịdan-ẹnyanwụn lẹ ndị-nze Kenaanị ile rị mkpẹnrẹn Ohimin Mẹditerenia gi nụ nị Osolobuẹ mẹ mirin Iyi-Jọdanị kọrọhịnị ndị Izrẹlụ, e we wẹ fetuchanrịn, obi nọ dẹnhin wẹ, ndụn ehulehu arịzị wẹ yeni egun ndị Izrẹlụ.

Ditrọnọmi 11:25

Onwọnni onyẹ k'a s'ẹka che ụnụ ọgụn. Osolobuẹ wụ Chuku ụnụ k'e mẹ k'o dọn kwe ụnụ nkwa, bu egun ụnụ, okẹn egun, che ndị ile rị alị hụ ẹnya ebe-lẹ-ebe ụnụ jẹn.

Ọpụpụ 34:24

M k'a chụpụnị ụnụ ndị alị ọzọ, mẹ alị ụnụ shịshịapụ; onwọnzikwọnị onyẹ ọwụlẹ ẹnya a sikọ d'a ban alị ụnụ mgbe ẹtọ hụ ụnụ e gi latọ ebe ile ụnụ bi alị ụnụ d'e zu ihun Osolobuẹ wụ Chuku ụnụ ahụa-ahụa.

Ihiẹn Mẹni Nke Ẹbụọ 14:14

Wẹ nọ tikpọchanrịn mmụ alị ile nọhunmẹ Gẹra, makẹni egun Osolobuẹ a nwụngụọ ndị bi imẹ wẹ. Ndị Juda nọ kwarị ihiẹn rị ụmụ alị ndị ahụn ile, makẹni ihiẹn w'a kwarị imẹ wẹ e hikẹ.

Samuẹlụ Nke Ibuzọ 14:15

Ya kẹ okẹn egun nọ nwụn ndị-agha Filistia ile, kẹ ndị rị ebe ọdụ agha w'a nọdị kẹ ndị wẹ butọsọnmẹ ebe rị ichẹn-ichẹn kẹ ndị rị ọnụ-agha; ẹhụ a mama wẹ nni, alị nọ mẹhunmẹ. Okẹn ẹhụ-ọmụma nni hụn gha ẹka Osolobuẹ bịa rọ.

Samuẹlụ Nke Ibuzọ 11:7

Ọ nọ gbu okẹn-efin ọrụn a ẹbụọ wẹ kẹngbama, jakịka wẹ, kpọn wẹ ye ndị ozi d'e we wẹ ghagbarị Izrẹlụ ile, ebe-lẹ-ebe wẹ ru, wẹ sị wẹ, “Ọnwan wụ ihiẹn jẹnkọ d'e mẹ okẹn-efin onyẹ ọwụlẹ jụ n'o sọnkọ Sọlụ lẹ Samuẹlụ jẹn agha.” Ya kẹ egun Osolobuẹ nọ bịa Izrẹlụ ile, wẹ ile nọ pụhachanrịn.

Jẹnẹsisi 34:30

Ya Jekọpụ nị sị Simiọnụ lẹ Livaị, “Ụnụ e buhẹgụọnị m nsọngbu, gi m họnrin eje-ịhịan ẹnya ndị Kenaanị lẹ ndị Pẹrẹzi. Ẹnyi ebuni ọda; wẹ ile kịgbama hụ lụsọn m ọgụn, e gbucharịn wẹ mmẹ lẹ ezi-lẹ-ụlọ m.”

Jẹnẹsisi 35:4

Ya wẹ nọ wechanrịn mmọn ile wẹ gi lẹ ihiẹn-ntịn wẹ ye Jekọpụ, ọ nọ li wẹ ile ye ukun osisi okuu hụn rị obodo Shẹkẹm.

Ditrọnọmi 2:25

Gha tannị jẹnmẹ, m k'e mẹ egun ụnụ tụma alị ile rị okpuru igwere. Wẹ jẹnkọ d'a nụ ukwere ụnụ, ẹhụ a mama wẹ nni, obi erukọzị wẹ alị.

Ẹbụ-ọma 105:14

Kanị, onwọnni onyẹ Chuku nị bịangbu wẹ; o gidẹ ufiri wẹ a jụgbọ ndị-nze,

Ihiẹn Mẹni Nke Ẹbụọ 14:13

Asa lẹ ndị-agha a nọ chụrụ wẹ, chụ wẹ d'e rukwọrị Gẹra. Ndị Kushi bugbu enwẹn wẹ ọda hụ a nwụntọ ụzọ, asazịnị wẹ ẹka kokomẹ lụ agha; Osolobuẹ lẹ ndị-agha a e tigungwọn wẹ. Ikẹnnyẹ Juda nọ kwarị ihiẹn bu ọda.