Jẹnẹsisi 34:20 - Ika

²⁰ Hamọ lẹ Shẹkẹm nwa a nọ shi ọgwa alị wẹ nị wẹ lẹ ibe wẹ ku.

Jẹnẹsisi 34:20 ပူးပေါင်းရင်းမြစ်များ

Jẹnẹsisi 22:17

m k'a gọzi i ọhụnma-ọhụnma, mẹ ụmụ ị bu ọda nọkẹ kokisẹ rị elu-igwere lẹ ẹjan rị mkpẹnrẹn ohimin; ụmụ ị k'e mẹri ndị-iṅẹnrẹn wẹ, kị wẹ;

Jẹnẹsisi 23:10

Ẹfrọnụ nọdị alị imẹ igunrun ndị Hẹti ibe ẹ ebahụn. Ọ nọ nọ ebẹhụ shịarị Ebraham, idẹnya ndị Hẹti lẹ ndị ile rị ebẹhụ ịhịan ile n'e zu ọnụ-mgbọn obodo Ẹfrọnụ, sị a,

Jẹnẹsisi 34:19

Ya kẹ okorọbịa ahụn wụ Shẹkẹm nọ jẹnmẹ ozigbo d'e mẹ ihiẹn ahụn wẹ ku — makẹni ihiẹn Daịna sụọ a ọda-ọda. Shẹkẹm kẹ wẹ kachanrịn a gbaye iwe nẹdi ẹ ile.

Jẹnẹsisi 34:21

E ru w'ẹ, wẹ nọ sị, “Ndịnị wụ ndị wẹ gi e mẹ ẹhụ, ẹlẹ wẹ ndị oku. Nị ẹnyi nị nị wẹ biri alịnị, nọ ebeni zụ afịa, nị alị ẹnyi a shịaghọ hụn e ru ẹnyi lẹ wẹ biri; nị ẹnyi lụrụ ụmụ wẹ, wẹ nwẹn a lụrụ ụmụ ẹnyi.

Samuẹlụ Nke Ẹbụọ 15:2

Ọ tẹnhinkẹnrin d'e wuzo mkpẹnrẹn ụzọ hụn pụ ọnụ-mgbọn obodo hụ. Onyẹ ọwụlẹ bula oku d'e kinghọsị eze n'o dọnzi, Absalọm a hị a, jụ a, sị, “Elee obodo k'ị gha bịa?” Ọ gwagụ Absalọm ebọn wẹ imẹ Izrẹlụ,

Jobu 29:7

Ogẹn m gi e jẹn ọgwa ọnụ-mgbọn obodo, e weri ocho m ebe ịhịan ile nọ e zu.

Ẹbụ-ọma 127:5

O k'a rịnị onyẹ nwọn wẹ ọda mma, nọkẹ onyẹ ọbara-ụta jun ẹkpa-ọbara a; ifẹnrẹn emẹkọ a ọgwa omẹni ikpe seni ya lẹ ndị-iṅẹnrẹn.

Itẹn 31:23

Di ẹ wụ onyẹ wẹ marịn amarịn ọgwa obodo ebe ya lẹ ndị-isi ibe ẹ rị.

Emọsụ 5:10

Onyẹ jụgbọ wẹ lẹ ntụ wẹ ọgwa ize ẹ a ban wẹ; onyẹ ku ezioku, ize ẹ e zemẹ wẹ.

Emọsụ 5:12

makẹni a marịnghọ m isi ile ụnụ rị e nupụ lẹ okẹn njọ ụnụ rị e mẹ — kẹ ụnụ dọn e mẹshi ndị ezi-omumẹ ikẹn, a narịn egho-azụụn, a napụ ndị ẹka-rulẹni ihiẹn runi wẹ ọgwa.

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.

Zẹkaraya 8:16

“Ka lee ni ihiẹn ndị ụnụ k'e mẹ: A gwa nị ibe ụnụ ezioku; a han nị ezigbo eṅẹn imẹ ọgwa ụnụ ile — eṅẹn udọn gi a rị;

Ditrọnọmi 17:5

ụnụ e we okẹnnyẹ mọbụ okpoho ahụn mẹ eje-ihiẹnni shi ọnụ-mgbọn alị ụnụ, nọ ebahụn magbu ẹ.

Rutu 4:1

Bụazị nkẹ nọ shi ebe wẹ nọ e zu ọgwa, ọnụ-mgbọn obodo hụ; ọ nọ weri oche. Ya kẹ onyẹ hụ o ku oku ẹ nị ya k'o ru nọ ghapụha. Ya Bụazị nọ kpọ a, sị a, “Yee, d'a nọdị alị ndọọ.” Okẹnnyẹ hụ nọ jẹnhẹn, nọdị alị.