Jẹnẹsisi 32:4 - Ika

⁴ Jekọpụ sị wẹ, “Lee ni ihiẹn ọnụ k'a gwa Isọ di-nwọnni m: ‘Odibo i wụ Jekọpụ sị, “Iwe Labanị kẹ m rị kete-ele-mgbe; ebahụn kẹ m rị nwan d'e ru kikẹnni.

Jẹnẹsisi 32:4 ပူးပေါင်းရင်းမြစ်များ

Jẹnẹsisi 23:6

“Diọkpa, dodo gọn ntịn: okẹn-ịhịan Osolobuẹ kẹ ị wụ imẹ ẹnyi; họrị nwan ili kachanrịn mma imẹ ili-okporo ndịnị ile ẹnyi gutọ, n'i liye onyẹ nwụnnahịnnị ị; imẹ ẹnyi ile, onwọnni onyẹ k'a jụ n'o yekọ ị ili ọwụlẹ ị k'a họrị n'i liye onyẹ nwụnnahịnnị ị.”

Jẹnẹsisi 25:30

Isọ nọ sị Jekọpụ, “Dodo, yebeye m ẹgwa ahụn rị e nwun ufie-ufie ri, nị ẹgụn e d'e gbu m!” (Ya kẹ wẹ gi kpọ Isọ “Ẹdọm” hụn wụ “Ufie.”)

Jẹnẹsisi 27:29

Ndị alị ichẹn-ichẹn wẹ wụrụ idibo i, alị ichẹn-ichẹn wẹ kụn'ị isi alị; umunẹ i wẹ rị okpuru i — ẹghẹẹ, ụmụ ile nnẹ i mụ wẹ kụn'ị isi alị. Ọbụbụ-ọnụ ya rịnị onyẹ ọwụlẹ hụn k'a bụ ị ọnụ; ngọzi ya rịnị onyẹ ọwụlẹ hụn k'a gọzin'i.”

Jẹnẹsisi 27:37

Aziki nị sị Isọ, “E gigụọlẹ m'a họnrin di-nwọnni i; gi umunẹ ẹ ile họnrinsọnmẹ ndị idibo ẹ; ye ẹ ihiẹn-oriri lẹ ihiẹn-ọrịra hụn o gi bi; kẹ m k'e mẹzini i nwan, nwa m?”

Jẹnẹsisi 31:41

Ẹrịra k'o mẹ m ọrọgbọ ahụa ọgụnnị m nọ iwe i. M gi ahụa mmẹnọ fe i kẹni m lụrụ ụmụ ị ikpoho ẹbụọ, m nọzị gi ahụa isin fe i kẹni i gi ihiẹn-uriri i kwamanị m, kanị y'e mẹgbu m — gbehutọ ụgwọ ị te k'a kụ m mgbe iri!

Jẹnẹsisi 32:18

Sị a, ‘Jekọpụ nwa ị nwọn wẹ ile; ihiẹn ọ sị wẹ ye di-nwọnn'ẹ ẹ wụ Isọ rọ; ya nwẹn lala ibe azụụn.’ ”

Jẹnẹsisi 32:5

M nwọn nwan efin lẹ jaki, atụnrụn lẹ ewu, idibo-ikpoho lẹ idibo-ikẹnnyẹ. M zihẹn'i nwan ozini, di-nwọnni m kẹn'i gi ẹnya rị mma lee m.” ’ ”

Jẹnẹsisi 33:14

Jẹnmẹ ni nwan, Diọkpa, nị odibo i lala; nị m tu udọn e jẹn makẹ anụ lẹ ụmụ-ẹka ndịnị zelẹni mmẹ lẹ wẹ wị, d'e ru nị a bịa m alị Sẹẹ d'e kunrun i Diọkpa.”

Jẹnẹsisi 33:8

Ya Isọ nị sị Jekọpụ, “Kị wụ igunrun anụ ndị ahụn ile m hụn kẹ m lala?” Jekọpụ nọ sị a, “M sị nị m gi ẹ rịọ ị.”

Jẹnẹsisi 36:8

Isọ (hụn wụzị Ẹdọm) nọ jẹn d'e biri alị Sẹẹ hụn rị elu òke.

Jẹnẹsisi 36:9

Ọnwan wụ akịkọ Isọ nẹdi ndị Ẹdọm, ndị bi alị Sẹẹ hụn rị elu òke:

Jẹnẹsisi 4:7

I mẹ ihiẹn rị mma, anabanhankọ m'ị? Kanị, omẹni y'e gini ẹka rị mma sọn ihiẹnni, lẹhụ, njọ warị ọnụmụzọ; ọ rị a chọ ị. Mẹrikwọ a!”

Ndị-nze Nke Ibuzọ 20:32

E jerigụ wẹ ẹkpa ukun, gi eriri kẹnmẹ isi, wẹ nọ jẹn d'e kunrun eze Izrẹlụ; wẹ nọ sị a, “Odibo i wụ Bẹn-Hadadị sị, ‘Dodo egbulẹ m.’ ” Eze wụ Ehabụ nọ sị wẹ, “Echẹn k'ọ rị ndụn? Nwẹnẹ m rọ.”

Ọpụpụ 32:22

Ẹrọnụ nọ sị a, “Diọkpa, dodo ekpelẹ. Y'a marịnghọ kẹ eje-ihiẹn a dụ ndịnị.

Itẹn 15:1

Wẹ welụa ọnụ shịarị ịhịan oku, olulu a rọ; kanị wẹ weshi ọnụ elu gwa ịhịan oku, ọ kpasu ẹ iwe.

Itẹn 25:15

Ndidin kẹ wẹ gi a s'ẹka a gwa onyẹ-ọkịkị oku, o gi ẹ dọn; ọnụ-ọma k'a sadẹ ẹka kpagi ọkpụkpụ.

Itẹn 6:3

Mẹ nwan ihiẹnni nwa m — n'ị hụn ụzọ gbụrụ isi i, ebe o mẹni y'a danbangụọ ibe i ẹka: Jẹnmẹ; d'e welụa enwẹn i alị — y'a rịọ a, rịọ a, rịọ a!

Ẹkịliziastisi 10:4

Omẹni onyẹ rị a kịnị rị e buni i olulu, alatọlẹ ọrụn ị, ịgba-nkịtịn e dọnzidẹ mmẹfie bu ọda jọgbu enwẹn ẹ.

Azaya 21:11

Ọnwan wụ ihiẹn Chuku ku banyeni Duma wụ alị Ẹdọm. Onyẹ ohu gha obodo Sẹẹ alị Ẹdọm hị m, “Onyẹ-nche, ebe eki fọnru? Onyẹ-nche, ebe eki fọnru?”

Luku 14:11

“Makẹni onyẹ weshi enwẹn ẹ elu, e welụa w'ẹ alị; onyẹ welụa enwẹn ẹ alị, e weshi w'ẹ elu.”

Pita Ibuzọ 3:6

Ẹrịra kẹ Sẹra dọn gbaye Ebraham, a kpọ a “nna m.” Ụmụ a ikpoho kẹ ụnụ wụ omẹni ụnụ e mẹsọnmẹ ihiẹn rị mma, nị ụnụ anịnị egun mẹri ụnụ.

Ndị Han Eṅẹn 5:4

Euu Osolobuẹ, ogẹn i gi gha Sẹẹ buli, ogẹn i gi gha alị Ẹdọm jẹnpụha, alị nọ zinzin, igwere nọ zue mirin; igwere nọ hutu mirin.

Samuẹlụ Nke Ibuzọ 26:17

Sọlụ a marịnghọ olu Defidi, ọ nọ sị, “Defidi nwa m, ọhụn wụ olu i?!” Defidi gha sị a, “Ẹghẹẹ eze nwọnni m!”