Jẹnẹsisi 32:30 - Ika

³⁰ Ya Jekọpụ nọ kpọ ebẹhụ Pẹniẹlụ, sị, “Makẹni a hụnọlẹ m Chuku elee-m elee-i, anwụnnị m.”

Jẹnẹsisi 32:30 ပူးပေါင်းရင်းမြစ်များ

Jẹnẹsisi 16:13

Ya Haga nọ kpọ Osolobuẹ hụn gwa a oku “Ẹl-rọị”, hụn wụ “Chuku hụn rị e leghanị”, makẹni ọ sị, “Mmẹ gidẹ nwan ẹnya m hụn Onyẹ-hụn-e-leghanị m ra?”

Jẹnẹsisi 28:19

Ọ nọ kpọ ebahụn “Bẹtẹlụ” hụn wụ “Ụlọ-Chuku”. Kanị ihiẹn w'a kpọ obodo ahụn mbụ wụ “Luzu”.

Jẹnẹsisi 35:9

Ogẹn Jekọpụ gi ghagụ Padan-aram lụaha, ya Chuku nọ bịazị d'e kunrun ẹ, gọzi ẹ,

Ndị-nze Nke Ibuzọ 12:25

Jerobụam hụn rị a kị Izrẹlụ Ẹbamịn-ugu nọ dọnzi obodo Shẹkẹm hụn rị elu ugu Ifrem, biri ebẹhụ, a kị. Omẹgụ, ọ nọ gha ebẹhụ pụ d'a tụndọnzi obodo Pẹniẹlụ.

Ọpụpụ 33:14

Osolobuẹ nọ sị a, “Mmẹ lẹ enwẹn m k'e sọnjẹn i; m k'e mẹ obi ru i alị.”

Azaya 6:5

Ya m nọ yimẹ, “Ụya e gbuẹ m! Nke m a gụ! Makẹni, mmẹ hụn wụ onyẹ njọ ọnụ a rụ, hụn bizikwọ imẹ igunrun ndị njọ ọnụ wẹ rụ, e gigụọ ẹnya hụn Eze, Osolobuẹ Nwọn Ikẹn Ile!!”

Azaya 9:5

Akpụkụ ile ndị-agha gi lụ ọgụn lẹ ẹwuru-agha ile mẹ ẹdeke-ẹdeke sikọ imẹ ọkụn, wẹ sikọ d'e họnrin ihiẹn ọkụn gi a dụn.

Ọgụngụn 12:8

M'e du ẹ e ku elee-m elee-i, a kpọpụ ihiẹn ẹfan, m'a ra gi ilu gwa a oku; Ọ hụndẹ kẹ Osolobuẹ nọ. Ya kẹ egun nọ nwan a nị ụnụ e kuja oku odibo m wụ Mozizi?”

Jọnụ 1:18

Onwọnni onyẹ hụntu Osolobuẹ, kanị akpụ Nwa ohu ọ mụ sụọ, hụn wụ Osolobuẹ, hụn ya lẹ Nẹdi ẹ rị, e mẹgụọ ẹnyi marịn Osolobuẹ.

Ndị Kọrẹntị Ibuzọ 13:12

Ogẹnni ẹnyi a hụn bishi-bishi nọkẹ onyẹ rị e lee ughegbe rịlẹni mma. Kanị, o ru ogẹn hụ, o k'a wụ elee-m, elee-i; kikẹnni, ẹnyi amarịnzuni, kanị ogẹn hụ, m k'a marịnchanrịn ihiẹn ile kẹ Osolobuẹ dọn marịnchanrịn m.

Ndị Kọrẹntị Nke Ẹbụọ 3:18

Ẹnyi ile wẹ kpupụgụ ẹkwa hụ ihun rị nwan e legha ọghọ Di-nwọnni-ẹnyi nọkẹ onyinyọn rị imẹ ughegbe; wẹ hụ e nwọnhutọ ẹnyi, e mẹ ẹnyi a rị kẹ Onyẹ ẹnyi rị e legha, e nwọn ọghọ a e nwọnwaye. Ihiẹnni gha ẹka Di-nwọnni-ẹnyi hụn wụ Mmọn-nsọ a bịa.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Galeshịa 1:6

Ọ tụka m ẹnya nị o ke mẹ emẹ ụnụ a latọma onyẹ ahụn gi ufiri ẹfọma Kraịstị kpọ ụnụ, nabanhanma “oziọma ọzọ;”

Ndị Ẹfẹsọsụ 1:17

m'a rịọsọnmẹ Osolobuẹ Di-nwọnni-ẹnyi Jesu Kristi, Nẹdi hụn kachanrịnnị, n'o ye ụnụ mmọn ịghọta-ihiẹn, a ghọsịsọnmẹ ụnụ ihiẹn, kẹ ụnụ dọn rị a marịnwaye ẹ.

Ditrọnọmi 34:10

O ke nwọnzi onyẹ-amụma nọ kẹ Mozizi imẹ Izrẹlụ, hụn ya lẹ Osolobuẹ e mẹ ihiẹn elee-m elee-i,

Ditrọnọmi 5:24

Ụnụ nọ gha ọnụ wẹ sị, “Osolobuẹ wụ Chuku ẹnyi a ghọsịgụọ ẹnyi ọghọ a lẹ ikpẹn ẹ; ẹnyi a nụgụọzị olu ẹ rị a gha imẹ ọkụn a hanpụha. Ẹnyi a hụngụọ a nwan tannị nị ịhịan k'a s'ẹka rị ndụn, ọsụọn'a nị ya lẹ Osolobuẹ wị kutarị.

Ndị Kolosị 1:15

Ẹnya hụn Nwa a nị wụ Kraịstị a hụngụọ Osolobuẹ wẹ ghalẹni e legha; Kraịstị wụzịkwọ Nwa-ibuzọ, Onyẹ-isi hụn ihiẹn ile wẹ ke rị okpuru ẹ.

Timoti Nke Ẹbụọ 1:10

ọ nọ mẹ ẹ pụha ifọn ogẹnni ghahanị ọbịbịa Kraịstị wụ Jizọsị Onyẹ-nzụọpụha ẹnyi bịa imẹ ụwa. Kraịstị wụ Jizọsị e mẹrigụọ ọnwụn, napụ a ikẹn. O gigụọ Oziọma wepụha ndụn lẹ ibi-jẹnrin-ejẹn ifọn.

Hibru 11:27

Okukwe k'o gi gha Ijiptu pụ, o gini egun ihiẹn Fẹro k'e mẹ ẹ nọdị, kama, o dinsọnmẹ ndidin nọkẹ sị ọ rị e legha Onyẹ ahụn wẹ ghalẹni e legha.

Joshụa 5:13

Ogẹn Joshụa gi rị ẹhụ Jẹriko, o lee ẹnya, e lee okẹnnyẹ ohu turu ẹ ihun! Okẹnnyẹ hụ e sepụhagụọ ọpịa-agha kwọndọn. Joshụa nọ jẹnburu ẹ, sị a, “Ẹnyi k'i bịa d'e yeni ẹka ra ndị-iṅẹnrẹn ẹnyi?”

Ndị Han Eṅẹn 13:17

Manụa nọ sị a, “Kị wụ nwan ẹfan ị, kẹni ẹnyi kpanmịn ị ogẹn ihiẹn i ku e gi mẹ.”

Ndị Han Eṅẹn 13:18

Mmọn-ozi Osolobuẹ nọ sị a, “K'ị rị a jụnị m ẹfan m? Ẹfan m ẹlẹ hụn w'a ghọta.”

Ndị Han Eṅẹn 8:17

Ọ nọzị kụtu ụlọ-nche uku hụ rị Pẹniẹlụ, gbu ikẹnnyẹ obodo hụ.

Ndị Han Eṅẹn 8:8

Ọ nọ gha ebẹhụ shi Pẹniẹlụ, rịọzị wẹ ihiẹn ohu ahụn, wẹ nọ shịarịzịkwọ a ihiẹn ohu hụ ndị Sukọtụ shịarị a.