Jẹnẹsisi 31:3 - Ika

³ Ya kẹ Osolobuẹ nọ sị Jekọpụ, “Lakin alị ndị nẹdi i wẹ; laburu ndị nke i; m k'a nọyen'i.”

Jẹnẹsisi 31:3 ပူးပေါင်းရင်းမြစ်များ

Jẹnẹsisi 13:15

M k'e we alịnị ile ị rị e legha ye yụ lẹ mmụ ị werichanrịn.

Jẹnẹsisi 21:22

Ogẹn ahụn, Abimẹlẹkị lẹ Fikọlụ hụn a kịn'a ndị-agha nọ sị Ebraham, “Osolobuẹ nọyeni i anọyeni imẹ ihiẹn ile y'e mẹ;

Jẹnẹsisi 26:24

Uhinhin ahụn daị, Osolobuẹ nọ bịa d'e kunrun ẹ, sị a, “Mmẹ wụ Chuku Ebraham nẹdi i; atụlẹ egun, nị mmẹ lẹ yụ wị; m jẹnkọ d'a gọzi i, mẹ ụmụ ị barahị — m jẹnkọ d'e mẹ ihiẹn ndịnị makẹ ufiri odibo m wụ Ebraham.”

Jẹnẹsisi 28:13

O legha Osolobuẹ k'o turu mkpọnụnụ obe ahụn. Osolobuẹ nọ sị a, “Mmẹ wụ Osolobuẹ, Chuku Ebraham nẹdi i kanị lẹ Chuku Aziki; m jẹnkọ d'e ye yụ lẹ ụmụ ị alịnị i dinẹ.

Jẹnẹsisi 28:15

Lee ẹnya, mmẹ lẹ yụ wị! M k'e chemẹ i ebe ọwụlẹ i k'e jẹn; m k'e wekinhẹnzi i alịnị. Onwọnni ogẹn m'e gi la ị tọ d'e ru n'e mẹzuchanrịn m ihiẹn m kwe i nkwa a.”

Jẹnẹsisi 28:4

Ya ye i ngọzi Ebraham, kẹ yụ kẹ ụmụ ị, kẹni alịnị ị nọ nwan wụ otumunyẹ hụn ụzọ wụrụ nke i, alị hụn Osolobuẹ ye Ebraham.”

Jẹnẹsisi 30:25

Ogẹn Rechẹlụ gi mụgụ Josẹfụ, ya kẹ Jekọpụ nọ sị Labanị, “Ha m ụla, nị m lakin alị m.

Jẹnẹsisi 31:13

Mmẹ wụ Chuku, hụn bịa d'e kunrun i alị Bẹtẹlụ, ebẹhụ i nọ bu ọmụma tumẹ, hu udẹn-olivu ye elu ẹ, nọ ebẹhụ kwe m nkwa. Gha nwan alịnị pụ ozigbo; lakin alị ị.’ ”

Jẹnẹsisi 31:18

wechanrịn ihiẹn-uriri ẹ ile che ihun, burukwama ihiẹn ile o nwọnhẹn imẹ alị Padan-aram n'ọ hụn ụzọ laburu Aziki nẹdi ẹ imẹ alị Kenaanị.

Jẹnẹsisi 31:2

Jekọpụ e lepụhazị nị Labanị e gbehutọgụọ ẹka o te gi e sọn ẹ.

Jẹnẹsisi 31:4

Ya Jekọpụ nọ zi wẹ d'a kpọha Rechẹlụ lẹ Lia, nị wẹ bịa ọfịa ebẹhụ ọ rị e lepụ anụ a ẹnya.

Jẹnẹsisi 32:10

Efuruni m onyẹ i k'e mẹyeni ẹnịna, onyẹ i k'e mẹni ihiẹn ndịnị ile i gi a ghọsị n'i furu onyẹ wẹ gi e dọn ẹnya — ihiẹn ndịnị ile ị rị e mẹni mmẹ wụ odibo i. Ọkpọ m sụọ rị m ẹka isi mbidọn kẹ m fetu Iyini wụ Jọdanị, kanị e họnringụọ m nwan itu ẹbụọ!

Jẹnẹsisi 32:5

M nwọn nwan efin lẹ jaki, atụnrụn lẹ ewu, idibo-ikpoho lẹ idibo-ikẹnnyẹ. M zihẹn'i nwan ozini, di-nwọnni m kẹn'i gi ẹnya rị mma lee m.” ’ ”

Jẹnẹsisi 32:9

Ya Jekọpụ nọ mẹ ekpere, sị, “Euu Chuku Ebraham nẹdi m kanị, Chuku Aziki nẹdi m; Euu Osolobuẹ, Onyẹ hụn sị m ‘Lakin alị ị; laburu ndị nke i, m k'e mẹ ihiẹn ile ghan'ị’.

Jẹnẹsisi 35:1

Ya Osolobuẹ nọ sị Jekọpụ, “Buli nị shi Bẹtẹlụ d'e biri, y'a nọ ebẹhụ rụnnị Chuku ukpo nchụn-ẹjan — Chuku hụn pụha d'e kunrun i kẹ ị gbakọnị Isọ nwẹnẹ i.”

Jẹnẹsisi 35:3

Nị ẹnyi shi ni Bẹtẹlụ, ebe m k'a nọ rụnnị Osolobuẹ ukpo nchụn-ẹjan, Osolobuẹ hụn za m ekpere ogẹn m gi rị imẹ nsọngbu, a nọyeni m ebe ọwụlẹ m jẹn.”

Jẹnẹsisi 50:24

Ya Josẹfụ nọ sị umunẹ ẹ “M'e d'a nwụn; kanị Chuku jẹnkọ d'a bịarịrị d'e yeni ụnụ ẹka, gha alịnị wepụ ụnụ, bu ụnụ che alị hụ o kun enwẹn ẹ kwe ndị nẹdi ụnụ wụ Ebraham, Aziki lẹ Jekọpụ nkwa a.”

Ẹbụ-ọma 46:1

Osolobuẹ wụ ikẹn ẹnyi lẹ onyẹ ẹnyi e gbọnni; eyemẹka a rịchanrịn ẹhụ-nsue ogẹn nsọngbu k'ọ wụ.

Ẹbụ-ọma 50:15

kpọku m ogẹn nsọngbu, m k'a zụọpụha ị, y'a ja m mma.

Ẹbụ-ọma 90:15

Mẹ nwan ẹnyi ghọghọ akpọhịn ole ahụn i ye ẹnyi afụnfụn, ahụa ole ahụn ẹnya hụn ẹnyi ihiẹn.

Ọpụpụ 3:12

Chuku nọ za sị, “M jẹnkọ d'a nọyen'i. Ihiẹn sikọ d'a ghọsị ị nị mmẹ zi i wụ ọnwan: ị ghagụ Ijiptu wepụha wẹ, ụnụ k'a nọ uguni fe m.”

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Hibru 13:5

Anịkwọlẹ ni egho a sụọ ụnụ; a nị nị ihiẹn ụnụ nwọn e jun ụnụ ẹfọ. Makẹni, Osolobuẹ e kuọlẹ, sị, “Ahapụkọ m ụnụ; alakọ m ụnụ tọ.”