Jẹnẹsisi 31:12 - Ika

¹² Ọ nị sị m, ‘Lee ẹnya n'ị hụn nị mkpịn ile rị a gba anụ ndịnị wụ ndị vin ugbẹnrẹn lẹ ndị tụ ẹkịrịka mọbụ ntụpọ, makẹni a hụngụọ m ihiẹn ile Labanị rị e mẹ i.

Jẹnẹsisi 31:12 ပူးပေါင်းရင်းမြစ်များ

Jẹnẹsisi 31:10

“Ogẹn anụ gi a gba, o nwọn nrọ m rọ, m nọ hụn nị mkpịn ndị rị a gbasọnmẹ anụ ndịnị wụsọnmẹ ndị vin ugbẹnrẹn lẹ ndị tụ ẹkịrịka mọbụ ntụpọ.

Jẹnẹsisi 31:42

Omẹni ẹlẹ hụn Chuku hụn nẹdi m e fe nọyeni m — Chuku Ebraham, Chuku hụn Aziki nẹdi m a tụ egun ẹ, o te nwọnni ihiẹn nkẹ y'e ye m! Chuku a hụngụọ afụnfụn ile m rị a ta lẹ okẹn ọrụn m ile, ya haịn o gi jụgbọ ị hụn uhinhin.”

Ẹbụ-ọma 10:14

Kanị yụ wụ Osolobuẹ hụ a hụnkwọ kẹ nsọngbu kẹ ẹkwan — n'i mẹgwarị. Onyẹ wẹ rị a bịangbu sikọ d'e bu enwẹn ẹ che i ẹka; ịyụ e yeni ndị nwọnlẹni nẹdi ẹka.

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 139:3

Kẹ m pụkọ apụkọ kẹ dinẹ edinẹ, y'a marịnghọ; y'a marịnghọ ihiẹn ile m'e mẹ.

Ọpụpụ 3:7

Osolobuẹ nọ sị, “A hụngụọ m ụya ndị nke m rị e ri imẹ alị Ijiptu. A nụọlẹ m ẹkwan wẹ rị a kwan ẹka ndị rị a kpa wẹ nọkẹ igbọn. A marịngụọ m afụnfụn wẹ rị a ta.

Ọpụpụ 3:9

A nụọlẹ m nwan ẹkwan ndị Izrẹlụ rị a kwan; a hụngụọzị m kẹ ndị Ijiptu gi rị a bịangbu wẹ.

Ẹkịliziastisi 5:8

Ị hụn alị wẹ nọ a bịangbu ogbẹnnyẹ, e mẹgbu ịhịan, a napụ wẹ ihiẹn runi wẹ, ya atụlẹ i ẹnya; makẹni onyẹ ọrụn rị e mẹn'ẹ rị e lee onyẹ-isi ẹ; onyẹ-isi rịzịkwọ e lee onyẹ hụn ka ya nwẹn.

Lẹvitikọsụ 19:13

Emẹgbulẹ ibe i mọbụ zun ẹ ohin. Anịlẹ egho onyẹ i we ọrụn nọ ị ẹka nị eki fọn.

Ọrụn Ndị-ozi 7:34

Gọn ntịn: a hụnchanrịngụọ m eje-afụnfụn ndị nke m rị a ta imẹ Ijiptu; a nụọlẹ m udẹn wẹ rị a sụn; a bịaọlẹ m nwan d'a zụọpụha wẹ. Bịa nwan nị m zijẹn i Ijiptu.’

Ndị Ẹfẹsọsụ 6:9

Ndị ịhịan rị okpuru wẹ, e gizi nị ẹka rị mma ẹrịra e sọn wẹ. Erọnzilẹ ni wẹ egun. Ụnụ a marịnghọ nị ụnụ lẹ wẹ rị okpuru Nna ohu hụn rị elu-igwee hụn ghalẹni e tu onyẹ ịhịan wụ.

Ditrọnọmi 24:15

A kụ a ụgwọ ọrụn a ụhụọhịn-ụhụọhịn anwụn gini d'a rọ, makẹni ogbẹnnyẹ rọ, ụgwọ-ọrụn ahụn k'ọ rị e lee ẹnya. Amamgbe ọ kwanghọsị Osolobuẹ ihiẹn i mẹ ẹ, ikpe a ma ị.