Jẹnẹsisi 31:1 - Ika

¹ Jekọpụ a nụ nị ụmụ-ikẹnnyẹ Labanị rị a sị, “Jekọpụ e werichanrịn ihiẹn ile nẹdi ẹnyi nwọn; ẹka nẹdi ẹnyi k'ọ nọ nwọn ihiẹn ndịnị ile o nwọn.”

Jẹnẹsisi 31:1 ပူးပေါင်းရင်းမြစ်များ

Jẹnẹsisi 30:43

Ẹrịra kẹ Jekọpụ gi hi okẹn-ọdanfịn, ihiẹn-uriri ẹ lẹ idibo ẹ nọ barapụ, kẹ idibo-ikpoho kẹ idibo-ikẹnnyẹ, lẹzi anyịnyan-mkpukpuke ẹ lẹ jaki ẹ.

Jẹnẹsisi 31:2

Jekọpụ e lepụhazị nị Labanị e gbehutọgụọ ẹka o te gi e sọn ẹ.

Jẹnẹsisi 31:43

Ya Labanị nọ sị Jekọpụ, “Ikpoho ndịnị wụ ụmụ m; ụmụ ndịnị yụ nị wẹ wị wụ ụmụ m; ihiẹn-uririni ile wụ nke m; ihiẹn ile ị rị a hụn ebeni wụ nke m. Kanị, kị m'e mẹ nwan banyeni ụmụ m ndịnị lẹ ụmụ ndịnị wẹ mụ?

Jẹnẹsisi 45:13

Gwa nị nẹdi m mgbaye ile wẹ rị e ye m imẹ alị Ijiptu, ụnụ a gwazị a ihiẹn ile ụnụ gi ẹnya hụn. Ụnụ e wẹhẹ nẹdi m ebeni ozigbo-ozigbo.”

Ẹsta 5:11

Ọ nyanma ishi, gwama wẹ k'o hihan ọdanfịn, k'ọ mụhan ikẹnnyẹ, kẹ eze dọn e yesọnmẹ ẹ ọghọ, k'o dọn bushi ẹ elu karị ndị-isi ile lẹ ndị-ọrụn ile.

Jobu 31:31

Omẹkwọnị ndị rị iwe m asịtuni, ‘Onyẹ wụ onyẹ hụn kelẹni ri ihiẹn-oriri Jobu rijun ẹfọ?’ Nkẹ ọ rị ichẹn.

Ẹbụ-ọma 17:14

Gi ikẹn i zụọpụha m ẹka ndị nọ ẹrịra, ẹka ndị-ụwa ụgwọ-ọrụn wẹ rị elu-ụwanị! Ịyụ hụn e yejun ndị i bu obi ẹfọ; ụmụ a hụn ri, a latọnị ụmụ-ụmụ!

Ẹbụ-ọma 57:4

M rị nwan imẹ igunrun ẹwọrọ; m dịnọ nwan imẹ igunrun ẹwọrọ ndị e ri ịhịan; obo lẹ ọbara-ụta kẹ eze wẹ wụ, ire wẹ wụ ọpịa-agha tụ nkọ!

Itẹn 14:30

Obi ru alị e ye ẹhụ ikẹn, kanị iwe-ẹnya e mẹdẹ ọkpụkpụ ịhịan e rehi.

Itẹn 27:4

Olulu jọ njọ, ọnụma e tikpọ ihiẹn, kanị isi onyẹ k'a s'ẹka che ẹnya-ụfụ?

Ẹkịliziastisi 4:4

M nọ hụn a nị nlụkpọ ile lẹ nka ile ịhịan e mẹ wụ makẹ ibe ẹ gha a karị a. Kanị ọnwan wụzịkwọ ihiẹn ọlaliwi, ịchụ ufere rọ.

Azaya 5:14

Ili rị nwan e lue ẹkpịrị e che we ọda-ọda, ọ shịapụchanrịngụọ ọnụ; ndị-isi lẹ ndị-mmaka rịn'a sikọ d'a danye imẹ ẹ, wẹ lẹ ndị ọgụn-lẹ-mkpọtụ wẹ lẹ ndị oriri-lẹ-ọrịra wẹ.

Jerimaya 9:23

Osolobuẹ sị, “Onyẹ marịn ihiẹn y'e gilẹ amamihiẹn ẹ nyan isi; dikẹn y'e gilẹ ikẹn o nwọn nyan isi; ọdanfịn y'e gilẹ efe ẹ nyan isi,

Izikẹlụ 16:44

“ ‘Ndị a tụ ilu jẹnkọ d'a tụn'ị iluni, “Ẹhụhụọ ewu kpari kẹ nwa a a kpari.”

Matiu 4:8

Ekwensụ nọ werizi ẹ shi elu-ugu jẹngbu enwẹn ẹ elu, ghọsịkwama a alị-eze ile rị ụwa lẹ ọghọ wẹ,

Timoti Ibuzọ 6:4

ọ rịhụ a pache; onwọnni ihiẹn ọ marịn; ndọndọ a sụọka a, ọ dọsọnmẹ akpụrụ oku. Eje-ndọndọnị e buhẹ iwe-ẹnya, ikpe, ikuja oku ịhịan lẹ ibuo-ofo

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.

Pita Ibuzọ 1:24

Makẹni, Ẹkụkwọ-nsọ sị, “Ịhịan ile nọhụ kẹ ẹfịfịa; ọghọ ile rị ịhịan ẹhụ nọhụ kẹ obobo ẹfịfịa. Ẹfịfịa shinwụn, obobo a danpụ!