Jẹnẹsisi 3:24 - Ika

²⁴ Osolobuẹ a chụpụgụ ịhịan, ọ nọ bu Chẹrobu ẹbụọ nwọn nku lẹ ọpịa-agha rị e nwun ọkụn e fehunmẹ ohi-ohi che azụụn ọwụwa-ẹnyanwụn ugbo ahụn, gi chekin ebe wẹ gha e jẹn ukun osisi ahụn e ye ndụn.

Jẹnẹsisi 3:24 ပူးပေါင်းရင်းမြစ်များ

Jẹnẹsisi 3:23

Osolobuẹ wụ Chuku nọ nwan chụpụ a imẹ ugbo ahụn rị alị Idẹni, kẹni ọ rụnma ugbo akpakalị nwẹn Osolobuẹ wụ Chuku nọ weri ẹ.

Jẹnẹsisi 4:1

O mẹgụ, Adam lẹ nwunyẹ ẹ wụ Ivu nọ ranhịn, Ivu nọ tụrụ imẹ, mụ okẹnnyẹ, kpọ a “Keni,” sị, “Osolobuẹ e yegụọnị m ẹka mụ okẹnnyẹ.”

Jẹnẹsisi 4:14

Y'e gigụọ m nwan họnrin onyẹ akpakalị jụ; y'a chụpụgụọzị m ebe ị rị; m k'a gha nwan a gba ọsọ-ọsọ nọkẹ onyẹ wẹ chụkọ; m k'a rị a wahunmẹ elu-ụwa. Onyẹ kunrun m tan, o gbupụ m!”

Ẹbụ-ọma 104:4

Y'e gi ufere e họnrin ndị-ozi i, e gi ọkụn rị e nwunni e họnrin ndị-ọrụn ị.

Ẹbụ-ọma 80:1

Dodo, gọn ẹnyi ntịn, Onyẹ-ndu Izrẹlụ, ịyụ hụn e du ẹnyi ndị ebọn Josẹfụ nọkẹ atụnrụn! Ịyụ hụn nọdị alị elu chẹrobu ẹbụọ ahụn nwọn nku; dodo, ghọsị ẹka ị!

Ẹbụ-ọma 99:1

Osolobuẹ wụ eze, egun ya tụma alị ile! Ọ rị ukpo-eze ẹ elu chẹrobu ndị ahụn nwọn nku, alị ya zinzinmẹ!

Ọpụpụ 25:2

“Gwa ndị Izrẹlụ wẹ wẹhẹsọnmẹni m oyiye. Obi ịhịan gba n'o ye ihiẹn y'a narịnnị m'a ya.

Izikẹlụ 10:1

E lezi m ẹnya, m nọ hụn ihiẹn rị e nwun bru-bru kẹ ọmụma safaya elu okpukpu hụ nọ kẹ igwere hụn ndị chẹrobu hụ rị okpuru ẹ; ọ nọ kẹ ukpo-eze.

Izikẹlụ 31:11

M k'e bu ẹ che ẹka onyẹ a kị alị ichẹn-ichẹn. O k'e mẹshirịrị a ikẹn, kẹ njọ a han. A chụpụọlẹ m'a.

Ọgụngụn 22:23

Ogẹn jaki ẹ gi hụn mmọn-ozi Osolobuẹ k'o bu ọpịa-agha o sepụhagụ wuzo ụzọ, ọ nọ gha ụzọ pụ, kụye ugbo rị ebẹhụ, Balaam nọ fịan a ihiẹn, kẹn'ọ pụhazị ụzọ.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Hibru 1:7

Nke ndị mmọn-ozi, ihiẹn Osolobuẹ ku wụ nị “Chuku e mẹ ndị mmọn-ozi ẹ e họnrin ufere; o mẹ idibo ẹ e họnrin ọkụn rị e nwunni.”

Joshụa 5:13

Ogẹn Joshụa gi rị ẹhụ Jẹriko, o lee ẹnya, e lee okẹnnyẹ ohu turu ẹ ihun! Okẹnnyẹ hụ e sepụhagụọ ọpịa-agha kwọndọn. Joshụa nọ jẹnburu ẹ, sị a, “Ẹnyi k'i bịa d'e yeni ẹka ra ndị-iṅẹnrẹn ẹnyi?”

Samuẹlụ Nke Ibuzọ 4:4

Wẹ nọ zi ikẹnnyẹ, wẹ nọ jẹn Shilo d'e buhẹ Ẹkpẹti-nsọ Osolobuẹ, Onyẹ hụ nwọn ikẹn ile, Onyẹ hụ ukpo ẹ rị ẹgbata mmọn-ozi ẹbụọ rị elu Ẹkpẹti hụ. Ụmụ Ẹlaị ẹbụọ hụ wụ Hof'ni lẹ Finẹhasị sọnhẹn Ẹkpẹti-nsọ Chuku.