Jẹnẹsisi 3:14 - Ika

¹⁴ Osolobuẹ wụ Chuku nọ sị agwọ, “Ufiri ihiẹnni i mẹ, m rị nwan a bụ ị ọnụ — ịyụ sụọ, imẹ anụ-ụlọ ile lẹ anụ-ọfịa ile. Ẹfọ kẹ y'e gi a kpụn alị; ẹjan kẹ i k'a gha e ri — y'e we nwụn.

Jẹnẹsisi 3:14 ပူးပေါင်းရင်းမြစ်များ

Jẹnẹsisi 3:1

Imẹ anụ-ọfịa ile Osolobuẹ wụ Chuku ke, agwọ kachanrịn akọ e nwọn. Ọ nọ sị okpoho hụ, “Osolobuẹ sịdẹ nwan ụnụ erilẹ mkpụrụ osisi ọwụlẹ imẹ ugboni ra?”

Jẹnẹsisi 4:11

Gha kikẹnni jẹnmẹ, y'e họnringụọ onyẹ wẹ bụ ọnụ: akpakalị a jụgụọ ị: alị, hụn shịapụ ọnụ narịn ẹdeke nwẹnẹ i hụn i gbu.

Jẹnẹsisi 9:6

Onyẹ gbu ịhịan, ịhịan k'e gbu ẹ, makẹni Osolobuẹ ke ịhịan n'o yi Osolobuẹ lẹ enwẹn ẹ.

Ẹbụ-ọma 72:9

Ndị bi imẹ atụ wẹ gbuzịkwọn'a osekpu; ndị-iṅẹnrẹn ẹ wẹ kụn'a isi alị.

Azaya 29:4

Ị k'a danbanchanrịn imẹ alị, nọ alị e ku; olu i a gha ebe ị rị imẹ alị a han kẹ onyẹ olu gwọ, olu i a gha alị a han kẹ olu ndị-mmọn, a han kẹ olu onyẹ rị a ka ụka.

Azaya 65:25

Eje-anụ wụ wofu lẹ atụnrụn k'a kpagbama nni; ẹwọrọ k'a gha e ri ẹfịfịa nọkẹ efin; agwọ nkẹ k'a gha e ri ẹjan; arụkọ wẹ onyẹ ọwụlẹ ẹhụ mọbụ wiwi ihiẹn ebe ọwụlẹ elu Ugu nsọ m.” Ya kẹ Osolobuẹ ku.

Lẹvitikọsụ 20:25

“Ụnụ k'a ghọsịrịrị nwan nị ihiẹn rị ichẹn rị imẹ anụ rị ụchan lẹ hụn rụnị lẹ imẹ nnụnụ rị ụchan lẹ hụn rụnị. Egikwọlẹni anụ ọwụlẹ mọbụ nnụnụ ọwụlẹ mọbụ ihiẹn ọwụlẹ a rịhunmẹ alị mẹrụ enwẹn ụnụ, ihiẹn ndị ahụn m họpụ nị uwẹ kẹ ụnụ k'a gha a sọ.

Maịka 7:17

a ra wẹ uzunzun nọkẹ agwọ nọkẹ ihiẹn a rịnị; a ma wẹ piripiri rụpụhasọnmẹ ebe wẹ te gi dọn ẹnya, gi egun buruhẹ Osolobuẹ, Chuku ẹnyi, a tụ egun ụnụ.