Jẹnẹsisi 29:8 - Ika

⁸ Wẹ nị sị, “Ẹnyi as'ẹka ye wẹ mirin, sụkpan nị ịhịan ile duhẹgụ anụ wẹ, e nupụgụ wẹ ọmụmanị wẹ gi dọkin ọnụ ọmị — ogẹn ahụn kẹ ẹnyi e gi ye atụnrụn mirin.”

Jẹnẹsisi 29:8 ပူးပေါင်းရင်းမြစ်များ

Jẹnẹsisi 29:3

Ịhịan ile duhẹgụ anụ wẹ ebẹhụ wẹ kebe nupụ ọmụma ahụn, a dọrịsọnmẹ wẹ mirin ye anụ ndị ahụn. Wẹ yegụ wẹ, e gizi wẹ ọmụma ahụn dọkin ọnụ ọmị ahụn.

Jẹnẹsisi 29:7

Ọ nị sị wẹ, “Lee ni ẹnya: echẹn kẹ eki rị elu; ogẹn e k'e ru wẹ gi e dulụa anụ; ye ni nwan anụ ụnụ mirin ra, nị ọnụ wekin wẹ ebe wẹ nọ a kpa nni.”

Jẹnẹsisi 29:9

Ebe Jekọpụ lẹ ndịnị rị e ku oku, Rechẹlụ dula atụnrụn nẹdi ẹ ọmị hụ nọ pụha ebẹhụ, makẹni Rechẹlụ e du anụ.

Jẹnẹsisi 34:14

sị wẹ, “Ọnwan anịkọ ẹnyi mẹ; ẹnyi as'ẹka we nwẹnẹ ẹnyi ye okẹnnyẹ kwalẹni ugun lụrụ, makẹni ụya rọ ebe ẹnyi rị.

Jẹnẹsisi 43:32

Wẹ nọ bucheni Josẹfụ nke ẹ ichẹn, buche nke umunẹ ẹ ichẹn, bucheni ndị Ijiptu a nọ iwe ẹ e ri nke wẹ ichẹn — makẹni ndị Ijiptu ara sọn ndị Hibru ri ihiẹn-oriri ụzọ ohu, agwa k'ọ wụ ebe ndị Ijiptu rị.

Makị 16:3

Wẹ hụ a jụ ibe wẹ, “Onyẹ jẹnkọ d'e nupụnị ẹnyi ọmụma rị ọnụ ili?”

Luku 24:2

Wẹ nọ hụn a nị e nupụgụọ wẹ ọmụma wẹ te gi nukin ọnụ ili hụ.

Samuẹlụ Nke Ibuzọ 9:11

Hụn Sọlụ lẹ odibo ẹ gi bankọ nwan obodo hụ rị elu òke, wẹ nọ zu ịgbagba pụla d'a kwọ mirin. Ya wẹ nọ jụ wẹ, sị, “Ebeni kẹ onyẹ nẹi a hụn ọhụn rị?”