Jẹnẹsisi 29:30 - Ika

³⁰ Jekọpụ nọzị sọn Rechẹlụ ranhịn. Ihiẹn Rechẹlụ sụọ Jekọpụ karị ihiẹn Lia. Jekọpụ nọ fezi Labanị ahụa ẹsa.

Jẹnẹsisi 29:30 ပူးပေါင်းရင်းမြစ်များ

Jẹnẹsisi 31:41

Ẹrịra k'o mẹ m ọrọgbọ ahụa ọgụnnị m nọ iwe i. M gi ahụa mmẹnọ fe i kẹni m lụrụ ụmụ ị ikpoho ẹbụọ, m nọzị gi ahụa isin fe i kẹni i gi ihiẹn-uriri i kwamanị m, kanị y'e mẹgbu m — gbehutọ ụgwọ ị te k'a kụ m mgbe iri!

Matiu 10:37

“Onyẹ hụn nwọn ihiẹn-ọsụsụọ nẹdi ẹ mọbụ nnẹ ẹ karị hụn o nwọnni m efuruni m; onyẹ ọwụlẹ nwọn ihiẹn-ọsụsụọ nwa a okẹnnyẹ mọbụ nwa a okpoho karị hụn o nwọnni m efuruni m.

Jẹnẹsisi 44:27

“Ya odibo i wụ nẹdi m nọ sị ẹnyi, ‘Ụnụ a marịngụọ nị wẹ rị ikẹnnyẹ ẹbụọ nwunyẹ m mụnị m;

Jẹnẹsisi 29:20

Ya Jekọpụ nị gi ufiri Rechẹlụ fe Labanị ọrọgbọ ahụa ẹsa, kanị ahụa ẹsa ahụn nọ a kẹ akpọhịn ole, makẹni ihiẹn Rechẹlụ sụọ a ọda.

Jẹnẹsisi 29:18

Makẹni ihiẹn Rechẹlụ sụọ Jekọpụ, Jekọpụ nọ sị Labanị, “Nị m fe i ahụa ẹsa n'i ye m Rechẹlụ nwa ị hụn nta lụrụ.”

Jọnụ 12:25

Onyẹ ndụn a a sụọ k'e tuhu ẹ, kanị onyẹ e legberi ndụn a elu-ụwanị rị e dọnmẹ ẹ a tọnị ndụn itẹbitẹ.

Hosia 12:12

Jekọpụ gbashi alị Aram Siria, nọ ebẹhụ fe ịhịan n'ọ lụrụ nwunyẹ, o duni wẹ atụnrụn gi lụrụ nwunyẹ.

Ditrọnọmi 21:15

Omẹni okẹnnyẹ lụ inyẹnmẹ ẹbụọ, ihiẹn ohu hụ a sụọ a, ihiẹn hụn ẹbọ ara sụọ a, bụ wẹ ẹbụbụọ mụn'a ikẹnnyẹ, kanị hụn ihiẹn ẹ rịlẹni a sụọ a mụn'a okẹnnyẹ ibuzọ,

Jẹnẹsisi 44:20

Ẹnyi nọ sị ị, ‘Ẹnyi e nwọnghọ nẹdi hụn kagụ ẹgẹdi lẹ nwata okẹnnyẹ, hụn nẹdi ẹnyi gi ẹhụ ẹgẹdi mụ. Hụn nnẹ ohu mụ ya lẹ nwata-okẹnnyẹ ahụn a nwụnhụngụọ; ya sụọ họdụ imẹ ụmụ nnẹ ẹ; nẹdi ẹ e mẹn'ẹ nwa.’

Jẹnẹsisi 31:15

O werigụọ nị ẹnyi nwan kẹ abịamabịa? Ẹlẹdẹ orire sụọ k'o re ẹnyi, o rigụọdẹ ihiẹn wẹ gi ṅọnrin ẹnyi.

Jẹnẹsisi 29:31

Ogẹn Osolobuẹ gi hụn a nị ihiẹn Lia asụọnị Jekọpụ, ya ọ nị kpupụ ẹkpa-nwa Lia, kanị Rechẹlụ a wụrụ agan.

Luku 14:26

“Onyẹ bịa d'e kunrunni m bụ ihiẹn m asụọn'a karị ihiẹn nẹdi ẹ lẹ nnẹ ẹ lẹ nwunyẹ ẹ lẹ ụmụ a lẹ umunẹ-ẹ-ikẹnnyẹ lẹ umunẹ-ẹ-ikpoho, ẹghẹẹ, karịdẹ ndụn a, ọ sakọ ẹka wụrụ onyẹ nsọnmazụụn m;

Matiu 6:24

“Onwọnni onyẹ a saẹka e fe madụ ẹbụọ: makẹni, ọ k'a gbakitọ ohu azụụn, bu obi che hụn-ẹbọ, mọbụ o we enwẹn ẹ kwanị ohu, legberi hụn-ẹbọ: y'a sakọ ẹka fe Osolobuẹ lẹ egho.

Jẹnẹsisi 29:17

Lia amakanị mma hụn a la ẹnya; kanị Rechẹlụ ma mma, la ẹnya.

Jẹnẹsisi 29:29

(Labanị nọ gi Bil'ha nwata-okpoho rị iwe ẹ du Rechẹlụ n'ọ hụn ụzọ e jẹnn'ẹ ozi.)