Jẹnẹsisi 29:18 - Ika

¹⁸ Makẹni ihiẹn Rechẹlụ sụọ Jekọpụ, Jekọpụ nọ sị Labanị, “Nị m fe i ahụa ẹsa n'i ye m Rechẹlụ nwa ị hụn nta lụrụ.”

Jẹnẹsisi 29:18 ပူးပေါင်းရင်းမြစ်များ

Jẹnẹsisi 24:67

Ya Aziki nọ webanhan Rebika iwe nnẹ ẹ wụ Sẹra. Aziki nọ lụrụ Rebika; ihiẹn ẹ sụọ Aziki ọhụnma-ọhụnma. Aziki nọ gi ẹ nwọnrin nrọkọ-obi banyeni ọnwụn nnẹ ẹ.

Jẹnẹsisi 29:19

Ya Labanị nị sị a, “Ọ ka mma nị m we ẹ ye i lụrụ hụn nkẹ onyẹ ọzọ e gi lụrụ a; du m nwan nọdị.”

Jẹnẹsisi 29:20

Ya Jekọpụ nị gi ufiri Rechẹlụ fe Labanị ọrọgbọ ahụa ẹsa, kanị ahụa ẹsa ahụn nọ a kẹ akpọhịn ole, makẹni ihiẹn Rechẹlụ sụọ a ọda.

Jẹnẹsisi 29:30

Jekọpụ nọzị sọn Rechẹlụ ranhịn. Ihiẹn Rechẹlụ sụọ Jekọpụ karị ihiẹn Lia. Jekọpụ nọ fezi Labanị ahụa ẹsa.

Jẹnẹsisi 30:26

Ye m inyẹnmẹ m lẹ ụmụ m, kẹni m hụn ụzọ lama n'e gigụọ m ufiri wẹ fe i. Y'a marịngụọ nị e fegụọ m'ị ọhụnma-ọhụnma.”

Jẹnẹsisi 31:41

Ẹrịra k'o mẹ m ọrọgbọ ahụa ọgụnnị m nọ iwe i. M gi ahụa mmẹnọ fe i kẹni m lụrụ ụmụ ị ikpoho ẹbụọ, m nọzị gi ahụa isin fe i kẹni i gi ihiẹn-uriri i kwamanị m, kanị y'e mẹgbu m — gbehutọ ụgwọ ị te k'a kụ m mgbe iri!

Jẹnẹsisi 34:12

Ku ni egho ọwụlẹ ụnụ chọ nị m bu lẹ ihiẹn ọwụlẹ ọnụ sị nị ya kẹ w'e buche — m k'a kụ ihiẹn ọwụlẹ ọnụ sị m kụ, kasị a mẹ ni ọnụ ye m nwata-okpohoni lụrụ.”

Samuẹlụ Nke Ẹbụọ 3:14

Defidi nọ zi ozi jẹnni Ish'boshẹti nwa Sọlụ, sị a, “Ye m Mikalụ nwunyẹ m, hụn m gi ihiẹn m kwapụha ugun hụn m kwa ikẹnnyẹ Filistia ọgụn-isẹn m gbu imẹ agha lụrụ.”

Hosia 12:12

Jekọpụ gbashi alị Aram Siria, nọ ebẹhụ fe ịhịan n'ọ lụrụ nwunyẹ, o duni wẹ atụnrụn gi lụrụ nwunyẹ.

Hosia 3:2

Ya kẹ m nọ jẹn d'a kụ egho-ọrụn akpọhịn mmisẹn lẹ ẹkpa ọka-bali kachanrịnnị, buzi ọka-bali ọzọ chen'ẹ, weri ẹ.