Jẹnẹsisi 28:3 - Ika

³ Chuku hụn nwọn ikẹn ile ya gọzi i, mẹ i mụba, kẹni i wụrụ igunrun ịhịan.

Jẹnẹsisi 28:3 ပူးပေါင်းရင်းမြစ်များ

Jẹnẹsisi 1:28

Chuku nọ gọzi wẹ: ọ sị wẹ, “Mụ nị ụmụ; mụba nị; jun ni elu-ụwa, ụnụ e bu elu-ụwa che okpuru ụnụ. We ni azụn rị imẹ mirin lẹ nnụnụ rị elu lẹ ihiẹn ile rị ndụn a kpa elu-ụwa che okpuru ụnụ.”

Jẹnẹsisi 13:16

M k'e ye i ụmụ bu ọda nọkẹ ẹjan rị alị, omẹni a sa wẹ ẹka gụn ẹjan rị alị, ya wụ nị a sa wẹ ẹka gụnmarịn ụmụ ị.

Jẹnẹsisi 17:20

“Kanị, o mẹ nke Ishmẹlụ, a nụgụọ m ihiẹn i ku. M k'a gọzi ẹ, mẹ ẹ mụba, mụba ọhụnma-ọhụnma; ọ k'a mụ ndị-nze mmẹbụọ; m k'e gi ẹ họnrin okẹn alị.

Jẹnẹsisi 24:60

Wẹ nọ gọzi Rebika n'o d'a lama, sị a, “Nwẹnẹ ẹnyi, i k'a mụ nnụ-nnụ lẹ ijẹri-ijẹri; ụmụ ị k'e mẹri ndị-iṅẹnrẹn wẹ, kị wẹ.”

Jẹnẹsisi 26:24

Uhinhin ahụn daị, Osolobuẹ nọ bịa d'e kunrun ẹ, sị a, “Mmẹ wụ Chuku Ebraham nẹdi i; atụlẹ egun, nị mmẹ lẹ yụ wị; m jẹnkọ d'a gọzi i, mẹ ụmụ ị barahị — m jẹnkọ d'e mẹ ihiẹn ndịnị makẹ ufiri odibo m wụ Ebraham.”

Jẹnẹsisi 26:4

M k'e mẹ ụmụ ị barahị rịkẹ kokisẹ rị elu-igwere; m k'e we alị ndịnị ile ye ụmụ ị; alị ile rị elu-ụwa k'a gha ẹka nwa ị nwọnrin ngọzi wẹ —

Jẹnẹsisi 27:33

Ẹhụ nọ mama Aziki nni ọda-ọda, ọ sị, “Onyẹ wụ nwan onyẹ ahụn gbuhẹni m anụ n'ị d'a banhan? E rigụọ m anụ ahụn, gọzigụ onyẹ ahụn n'ị d'a banhan! A gọzigụọlẹ m'a; ngọzi ahụn k'e sọn ẹ!”

Jẹnẹsisi 35:11

Chuku nọ sị a, “Mmẹ wụ Chuku Hụn nwọn ikẹn ile; mụba; alị k'a gha ẹhụ ị pụha — alị hụn nwọnsọnmẹ alị ichẹn-ichẹn; ndị-nze k'a gha ẹhụ ị pụha.

Jẹnẹsisi 41:52

Ọ nọ gụn hụn ẹbọ Ifrem, gi ẹ sị, “Makẹni Osolobuẹ e mẹgụọ m ba ụba imẹ alị m nọ hụnjun ẹnya.”

Jẹnẹsisi 43:14

Chuku Nwọn ikẹn ile ya mẹni ụnụ omikẹn, mẹ okẹnnyẹ ahụn kweri hatuni ụnụ nwẹnẹ ụnụ o kwọndọn lẹ Bẹnjamini, nị wẹ hụn ụzọ lụaha. O mẹ nke m, omẹni ọnwụn ụmụ e kunrungụọ m, o kunrungụọ m!”

Jẹnẹsisi 48:3

Ya Jekọpụ nọ sị Josẹfụ, “Chuku Nwọn ikẹn ile bịa d'e kunrun m ogẹn m gi rị Luzu hụn rị alị Kenaanị, nọ ebahụn gọzi m.

Jẹnẹsisi 48:4

Ọ sị m, ‘Lee ẹnya, m k'e mẹ i mụba, ba ụba ọda-ọda; m k'e gi i họnrin alị hụn nwọn alị ichẹn-ichẹn; m k'e we alịnị ye ụmụ ị n'ọ wụrụ nke wẹ jẹnrin-ejẹn.’

Jẹnẹsisi 49:25

makẹni Chuku ahụn nẹdi i e fe e yen'i ẹka; makẹni Onyẹ ahụn nwọn ikẹn ile a gọzi i agọzi: kẹ ngọzi rị igwere kẹ ngọzi rị ohimin kẹ ngọzi ọmụmụ lẹ ọzụnzụn.

Jẹnẹsisi 9:1

Osolobuẹ nọ gọzi Nụa lẹ ụmụ a, sị wẹ, “Mụ nị ụmụ; ba nị ụba; jun ni ụwa.

Ẹbụ-ọma 127:1

Omẹni Osolobuẹ atụnnị ụlọ, ndị rị a tụnn'a rị a tụn mmaka. Omẹni Osolobuẹ echeni obodo nche, onyẹ rị e che nche rị e chu ụran mmaka.

Ẹbụ-ọma 127:3

Ẹka Osolobuẹ kẹ ụmụ gha a bịa; ịya e ye ịhịan nwa.

Ọpụpụ 1:7

Kanị ụmụ wẹ, ndị Izrẹlụ, hụ a mụ ọmụmụ-ọmụmụ, a ba ụba, barahị, alị hụ nọ mẹ wẹ wẹ.

Ọpụpụ 6:3

Kẹ m we enwẹn m ghọsị Ebraham lẹ Aziki lẹ Jekọpụ, m ghọsị wẹ nị m wụ Chuku Nwọn Ikẹn Ile, kanị, egini m ẹfan m wụ Osolobuẹ ghọsị wẹ enwẹn m.

Ndị Kọrẹntị Nke Ẹbụọ 6:18

a wụrụ m nẹdi ụnụ, ụnụ a wụrụ ụmụ m ikẹnnyẹ lẹ ikpoho. Ịya kẹ Osolobuẹ nwọn ikẹn ile ku.”

Rẹvẹleshọnụ 21:22

Ahụnnị m ụlọ-nsọ imẹ obodo hụ — makẹni Di-nwọnni-ẹnyi Osolobuẹ hụn nwọn ikẹn ile lẹ enwẹn ẹ wụ ụlọ-nsọ obodo hụ, ya lẹ Nwa-ebulu hụ.

Rutu 2:4

Imẹ ugbo ebẹhụ k'ọ rị kẹ Bụazị gha imẹ obodo Bẹt'lẹhẹm bịa. Bụazị nọ kele ndị-ọrụn a, sị wẹ, “Osolobuẹ ya nọyeni ọnụ-o!” Wẹ nọ za a, “Osolobuẹ ya gọz'i-o!”