Jẹnẹsisi 28:22 - Ika

²² ebeni m tumẹ ọmụma-nnyanhannị k'a wụrụ ụlọ Chuku; m sikọ d'e kebe ihiẹn ile i ye m ụzọ iri, ye i ụzọ ohu.”

Jẹnẹsisi 28:22 ပူးပေါင်းရင်းမြစ်များ

Jẹnẹsisi 12:8

Omẹgụ, ọ nọ kwarịzị, jẹnmẹ azụụn mẹ oke-oke hụn rị ibẹka ọwụwa-ẹnyanwụn obodo Bẹtẹlụ. Ọ nọ tumẹ ọdụ w'e bi, ụlọ w'a kpụkpọrị, ye ẹgbata Bẹtẹlụ lẹ Aị, Bẹtẹlụ rị a azụụn ọdịdan-ẹnyanwụn, Aị rị a azụụn ọwụwa-ẹnyanwụn. Ọ nọ rụnzịnị Osolobuẹ ukpo wẹ n'a chụn ẹjan ebahụn, kpọku ẹfan Osolobuẹ.

Jẹnẹsisi 14:20

Ịja-mma y'a rịnị Chuku hụn kachanrịnnị, hụn ye i mmẹri ebe ndị iṅẹnrẹn i rị.” Ebram nọ kebe ihiẹn o bukinhẹn ụzọ iri, we ụzọ ohu ye Mẹkizẹdẹkị.

Jẹnẹsisi 21:33

Ebraham nọ gbọ osisi Tamarisi ye Biẹshẹba, nọ ukun osisi ahụn ọ gbọma fe Osolobuẹ, Chuku Itẹbitẹ.

Jẹnẹsisi 28:17

Egun nọ tụma a, ọ nị sị “Ebeni a tụkakwọ egun! Onwọnni ihiẹn ọzọ ebeni wụ karị ụlọ Chuku; ebeni wụ ọnụ-mgbọn elu-igwee!!”

Jẹnẹsisi 33:20

Ọ nọ rụn ukpo nchụn-ẹjan ye ebẹhụ, kpọ a Ẹl-Ẹlohi-Izrẹlụ hụn wụ “Chuku Izrẹlụ Ehikẹ”.

Jẹnẹsisi 35:1

Ya Osolobuẹ nọ sị Jekọpụ, “Buli nị shi Bẹtẹlụ d'e biri, y'a nọ ebẹhụ rụnnị Chuku ukpo nchụn-ẹjan — Chuku hụn pụha d'e kunrun i kẹ ị gbakọnị Isọ nwẹnẹ i.”

Jẹnẹsisi 35:7

Ọ nọ ebẹhụ rụn ukpo nchụn-ẹjan, kpọ ebẹhụ Ẹl-Bẹtẹlụ, makẹni ebahụn kẹ Osolobuẹ nọ we enwẹn ẹ ghọsị a ogẹn o gi gbakọnị nwẹnẹ ẹ.

Jẹnẹsisi 47:24

Kanị, ihiẹn-ugbo pụha, ụzọ ohu imẹ ụzọ isẹn k'a wụrụ nke Fẹro, ụzọ ẹnọ a wụrụ nke ụnụ, hụn ụnụ k'a kụnzị lẹ hụn ụnụ lẹ ezi-lẹ-ụlọ ụnụ lẹ ụmụ ụnụ ndị ntịtị k'e ri.”

Jẹnẹsisi 47:26

Ya Josẹfụ nọ gi ẹ hi uhi imẹ alị Ijiptu ile: nị Fẹro nwọn ụzọ ohu imẹ ụzọ isẹn imẹ ihiẹn-ugbo ile wẹ ghọ alị Ijiptu. Ẹrịra k'ọ rịkwọ nwan d'e ru tannị. Alị ndị ohẹn-mmọn sụọ kẹ Fẹro werilẹni.

Malakaị 3:10

Wẹhẹchanrịn nị nwan ụzọ-ohu-imẹ-ụzọ-iri ebe w'e butọ a — kẹni ihiẹn-oriri jun Ụlọ m. Gi n'ẹ leledẹle m, mmẹ wụ Osolobuẹ ku ẹ — omẹni agụnpụkọnị m ụnụ windo elu-igwee, hutuni ụnụ ngọzi ụnụ jẹnkọlẹni d'a sa ẹka bu;