Jẹnẹsisi 28:18 - Ika

¹⁸ Eki e fọn, ụzọ-ọtụntụn biribiri, ya Jekọpụ nọ weri ọmụma ahụn o gi firi isi, bu ẹ tumẹ n'ọ wụrụ ihiẹn wẹ gi a nyanhan ebahụn; ọ nị hu udẹn-olivu ye elu ẹ.

Jẹnẹsisi 28:18 ပူးပေါင်းရင်းမြစ်များ

Jẹnẹsisi 21:14

Ya Ebraham nọ zọtẹnhin, buru ihiẹn-oriri lẹ ẹkpoko mirin, bu wẹ ye Haga. O bu wẹ che Haga isi uvun; ọ nọ sị ya lẹ nwa a pụ. Ya Haga nọ gha iwe Ebraham pụ, wahunmẹmẹ imẹ atụ Biẹshẹba.

Jẹnẹsisi 22:3

Ya Ebraham nọ zọtẹnhin, kwademẹ jaki ẹ; ọ nọ weri madụ ẹbụọ imẹ ndị idibo ẹ, werizi Aziki nwa a; ọ nọ begiri nkụn wẹ k'e gi chụn ẹjan; ya wẹ nọ jẹnmẹ ebahụn teni hụn Chuku ghọsị a.

Jẹnẹsisi 28:11

O ru ebe ohu, makẹni anwụn a dangụọ, ọ nọ kụsị n'ọ ranhịn ebẹhụ uhinhin ahụn; ya ọ nọ gha imẹ ọmụma ndị rị ebẹhụ buru ohu, dinẹ alị, gi ọmụma hụ firi isi, ranhịn.

Jẹnẹsisi 31:13

Mmẹ wụ Chuku, hụn bịa d'e kunrun i alị Bẹtẹlụ, ebẹhụ i nọ bu ọmụma tumẹ, hu udẹn-olivu ye elu ẹ, nọ ebẹhụ kwe m nkwa. Gha nwan alịnị pụ ozigbo; lakin alị ị.’ ”

Jẹnẹsisi 31:45

Ya Jekọpụ nọ bu ọmụma tumẹ.

Jẹnẹsisi 35:14

Ya Jekọpụ nị bu ọmụma sueni tumẹ ebahụn Osolobuẹ nọ gwa a oku, hu manya ye elu ẹ, huzi udẹn ye elu ẹ.

Jẹnẹsisi 35:20

Ya Jekọpụ nọ bu ọmụma sueni tumẹye ili Rechẹlụ. Ọmụma ahụn hụ ebẹhụ d'e ru tannị.

Samuẹlụ Nke Ẹbụọ 18:18

Ogẹn Absalọm gi rị ndụn, o zumẹgụọlẹ ọmụma ohu ye Ọdanmgbugbu-Eze kẹni w'e gi ẹ a nyanhan a, makẹni ọ sị enwẹn ẹ, “Amụnị m okẹnnyẹ hụn w'e gi a nyanhan ẹfan m.” Ya ọ nọ gụn ọmụma hụ ẹfan a. Ihiẹn w'a kpọkwọ a nwan d'e ru tannị wụ “Ịnyanhan Absalọm.”

Ẹbụ-ọma 119:60

M'e mẹ ihiẹn ndị i ku ozigbo-ozigbo, m'a ra lọkpụn.

Ẹkịliziastisi 9:10

Gi ikẹn i ile rụn ihiẹn ọwụlẹ ị hụn ị k'a rụn, makẹni, imẹ ili ebe ị lakọ, kẹ ọrụn kẹ iroro kẹ ịmarịn-ihiẹn kẹ akọ-lẹ-uche arịa.

Azaya 19:19

O ruzi ogẹn hụ, ukpo wẹ nọ a chụnyeni Osolobuẹ ẹjan k'a rị etintinnaị alị Ijiptu, a rụn wẹ ihiẹn wẹ e gi a nyanhan Osolobuẹ ye ebe alị Ijiptu ru.

Ọgụngụn 7:1

Ogẹn Mozizi gi tumẹgụ Ọdụ-nsọ, fekpugụ a udẹn-ntumẹ, dọngụ ya lẹ ihiẹn ile rị imẹ ẹ nsọ, fekpugụzị ukpo nchụn-ẹjan lẹ ihiẹn ile sọnn'ẹ udẹn, dọngụ wẹ nsọ,

Joshụa 4:9

Joshụa e tumẹzighọ ọmụma mmẹbụọ etintinnaị Iyi-Jọdanị ebẹhụ ndị nchụn-ẹjan bu Ẹkpẹti-nkwerigbama te wuzo. Ọmụma ndị ahụn hụkwọ nwan ebẹhụ d'e ru tannị.

Samuẹlụ Nke Ibuzọ 7:12

Ya Samuẹlụ nọ buru ọmụma ohu zumẹ ẹgbata obodo Mizpa lẹ Shẹni. Ọ nọ gụn a “Ebeniza”, hụn wụ “Ọmụma Eyemẹka” — makẹni ọ sị, “Osolobuẹ eyeọlẹ ni ẹnyi ẹka d'e rukwọ ogẹnni!”