Jẹnẹsisi 27:29 - Ika

²⁹ Ndị alị ichẹn-ichẹn wẹ wụrụ idibo i, alị ichẹn-ichẹn wẹ kụn'ị isi alị; umunẹ i wẹ rị okpuru i — ẹghẹẹ, ụmụ ile nnẹ i mụ wẹ kụn'ị isi alị. Ọbụbụ-ọnụ ya rịnị onyẹ ọwụlẹ hụn k'a bụ ị ọnụ; ngọzi ya rịnị onyẹ ọwụlẹ hụn k'a gọzin'i.”

Jẹnẹsisi 27:29 ပူးပေါင်းရင်းမြစ်များ

Jẹnẹsisi 12:3

M k'a gọzi ndị hụn gọzini i, kanị, onyẹ bụ ị ọnụ, a bụ m'a ọnụ. Ịyụ kẹ ebọn ile rị elu-ụwa k'a gha nwọnhẹn ngọzi.”

Jẹnẹsisi 25:33

Kanị Jekọpụ sị a, “Kungụnị m Osolobuẹ.” Ya kẹ Isọ wụ nwa-ibuzọ nọ kunni Jekọpụ Osolobuẹ gi re ọkwa nwa-ibuzọ ye ẹ.

Jẹnẹsisi 27:30

Aziki a gọzigụ Jekọpụ, hụn Jekọpụ gihụ gha ebe Aziki nẹdi ẹ rị pụ, Isọ nwẹnẹ ẹ nọ gha ebe o jẹn ọfịa anụ lụaha.

Jẹnẹsisi 27:37

Aziki nị sị Isọ, “E gigụọlẹ m'a họnrin di-nwọnni i; gi umunẹ ẹ ile họnrinsọnmẹ ndị idibo ẹ; ye ẹ ihiẹn-oriri lẹ ihiẹn-ọrịra hụn o gi bi; kẹ m k'e mẹzini i nwan, nwa m?”

Jẹnẹsisi 27:40

Ọpịa-agha ị kẹ y'e gi bi; ị k'a wụ odibo nwẹnẹ i — kanị, ogẹn ndụn elu i e gi gụ ị, ị k'a lụbepụ agbụn a olu i.”

Jẹnẹsisi 37:10

Ogẹn o gi ziẹngụnị nẹdi ẹ lẹ mmunẹ ẹ ya, nẹdi ẹ nọ jụgbọ a, sị a, “Elee ụdị nrọ wụ hụnnị ị rọ? Mmẹ lẹ nnẹ i lẹ mmunẹ i ile k'a bịadẹ d'a kụn'ị isi alị ra?”

Jẹnẹsisi 37:7

Ebe ẹnyi nọ rị e kẹnmẹ ukun ọka ndị ẹnyi be imẹ ugbo, idẹnmizi hụn m kẹnmẹ nọ turu ọtọ, tịnpụ ọhụnma-ọhụnma; nke ụnụ ile nọ fihunmẹ nke m, a kụn'a isi-alị.”

Jẹnẹsisi 9:27

Chuku ya mẹ Jafẹtị gha ihun; Jafẹtị ya sọn Shẹm ri ihiẹn ẹ. Kenaanị ya wụrụ igbọn Jafẹtị.”

Ndị-nze Nke Ibuzọ 22:47

Alị Ẹdọm enwọn eze nke wẹ ogẹn hụ, onyẹ rị ebẹhụ rị okpuru Jehoshẹfatị a kidọnn'ẹ.

Ndị-nze Nke Ibuzọ 4:21

Solomọnụ kịchanrịn alị-eze ile rị gha Iyi-Yufretisi d'e ru alị ndị Filistia gbegbegbe, d'e rukwọrị okẹn alị Izrẹlụ lẹ alị Ijiptu. Wẹ tụhasọnmẹni Solomọnụ ụtụ, rịsọnmẹ okpuru ẹ, o we nwụn.

Ihiẹn Mẹni Nke Ibuzọ 5:2

K'o mẹlẹru nị Juda wụ nwan ndị ka ọda imẹ umunẹ wẹ ile lẹni ẹka wẹ kẹ eze gha pụha, ọnọdị nwa-ibuzọ wụkwọ nwan nke Josẹfụ.)

Ẹbụ-ọma 72:8

Eze ya kịma ụwa ile, gha Ohimin d'e ru Ohimin, gha Iyi Yufretisi d'e ru ebe ụwa ru.

Azaya 45:14

“Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Azaya 49:7

Lee ihiẹn Osolobuẹ ku, Osolobuẹ, Onyẹ-mgbapụha lẹ Onyẹ-nsọ Izrẹlụ: ọ rị a gwa onyẹ hụn alịnị ile legberi, jụ, onyẹ hụn wụ igbọn ndị-nze: ọ sị, “Ndị-nze k'a hụn ị, lihin'i ọtọ; ndị-ọkịkị k'a hụn ị, kụn'ị isi alị, makẹni Osolobuẹ hụn furu wẹ gi e dọn ẹnya k'e mẹ ẹ, Onyẹ-nsọ Izrẹlụ hụn họrịn'ị k'e mẹ ẹ.”

Azaya 60:12

Ẹghẹẹ, alị mọbụ alị-eze ọwụlẹ hụn jụ n'o fekọ ụnụ k'a la iwi — wẹ k'e gbuchanrịn ndị rịn'a.

Azaya 60:14

Ụmụ ndị te bịangbu ụnụ k'a bịa d'a kụnị ụnụ isi-alị; ndị ile e legberi ụnụ k'a kụzịkwọnị ụnụ isi alị; wẹ k'a kpọ ụnụ Obodo Osolobuẹ, Zayọnụ hụn wụ nke Onyẹ-nsọ alị Izrẹlụ.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Ọgụngụn 23:8

“Ndị Osolobuẹ bụlẹni ọnụ — nanị m'a dọn bụ wẹ ọnụ? Ndị Osolobuẹ kpọlẹni iyi, nanị m'a dọn kpọ wẹ iyi?

Ọgụngụn 24:18

O k'e mẹri ndị Ẹdọm; o k'e mẹri wẹ wụ ndị alị Sẹẹ, ndị-iṅẹnrẹn ẹ, kanị Izrẹlụ k'a kawaye ẹhụ.

Ọgụngụn 24:9

Izrẹlụ a makpuru, o dinẹ, nọkẹ ẹwọrọ, rịkẹ onyẹnnyẹ-ẹwọrọ: onyẹ kẹ egun a nị kpọtiẹn ẹ?! Ngọzi ya rịnị ndị gọzini ụnụ, ịbụ-ọnụ ya rịnị ndị bụ ụnụ ọnụ!”

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Matiu 25:45

O jẹnkọ d'a za wẹ, sị, ‘Ezioku kẹ m rị a gwa ụnụ, ebe ụnụ nọlẹni mẹni onyẹ hụn kachanrịndẹ ntịn imẹ ndịnị ya, ụnụ emẹnini m'ẹ.’

Ndị Rom 9:12

nị ẹlẹ oku ọrụn kanị onyẹ ọ chọ n'ọ kpọ: ọ sị Rebika, “Hụn kanị sikọ d'e fe hụn-nta.”

Rẹvẹleshọnụ 19:16

Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”