Jẹnẹsisi 27:28 - Ika

²⁸ Osolobuẹ ya hukpu i igirigi elu-igwere; ya mẹ alị mẹn'i ihiẹn ọhụnma-ọhụnma; ya mẹ i nwọn ihiẹn-oriri lẹ ihiẹn w'a ra ọhụnma-ọhụnma.

Jẹnẹsisi 27:28 ပူးပေါင်းရင်းမြစ်များ

Jẹnẹsisi 27:37

Aziki nị sị Isọ, “E gigụọlẹ m'a họnrin di-nwọnni i; gi umunẹ ẹ ile họnrinsọnmẹ ndị idibo ẹ; ye ẹ ihiẹn-oriri lẹ ihiẹn-ọrịra hụn o gi bi; kẹ m k'e mẹzini i nwan, nwa m?”

Jẹnẹsisi 27:39

Ya kẹ Aziki nẹdi ẹ nọ sị a, “Lee ẹ, ebe i k'e bi ẹlẹ ebe alị a nọ mẹ ihiẹn ọhụnma-ọhụnma mọbụ ebe wẹ n'e nwọnhẹn igirigi elu-igwere.

Jẹnẹsisi 45:18

d'e wẹhẹni m nẹdi ụnụ lẹ ikpụlọ ụnụ ile, nị m hụn ụzọ ye ụnụ ebe kachanrịn mma imẹ alị Ijiptu, ụnụ e ri uru rị alịnị.’

Jẹnẹsisi 49:20

“Nke Asha, alị a k'e yejun ẹ ihiẹn-oriri ẹfọ; o k'e wepụha ezigbo ihiẹn-oriri furu ndị-nze.

Jẹnẹsisi 49:25

makẹni Chuku ahụn nẹdi i e fe e yen'i ẹka; makẹni Onyẹ ahụn nwọn ikẹn ile a gọzi i agọzi: kẹ ngọzi rị igwere kẹ ngọzi rị ohimin kẹ ngọzi ọmụmụ lẹ ọzụnzụn.

Samuẹlụ Nke Ẹbụọ 1:21

“Euu Ugu Gil'bụa, kẹ igirigi kẹ mirin-ozuzue eruzilẹ i; ugbo i y'e mẹzilẹ ihiẹn-ugbo hụn w'e gi ye oyiye. Makẹni elu i ebẹhụ kẹ wẹ nọ mẹrụ akpaịn ndị dikẹn, akpaịn Sọlụ; w'a ra fichanzị akpaịn Sọlụ, w'a ra tezi ẹ udẹn.

Ndị-nze Nke Ibuzọ 17:1

Ya kẹ Ẹlaịja onyẹ obodo Tishibẹ alị Gilẹdị nọ sị Eze wụ Ehabụ, “Ma Osolobuẹ wụ Chuku Izrẹlụ hụn m wụ onyẹ-ọrụn a, igirigi eziẹnkọ, mirin ezuekọ d'e ru ahụa m sị a mẹ!”

Ndị-nze Nke Ibuzọ 5:11

Ahụa-ahụa, Solomọnụ nkẹ hụ e buye Hiram ẹkpa ọka-witi uku nnụ-uku ọgụn (20,000) ndị rị obi-eze Hiram k'e ri lẹ drọm ofigbọn-olivu nnụ-uku ọgụn (20,000).

Ihiẹn Mẹni Nke Ẹbụọ 2:10

“Lee ihiẹn m k'a kụ ndị nke i hụn jẹnkọ d'e gbu osisi ndị hụ: ọka-witi wẹ gwe, ẹkpa kachanrịnnị, nnụ-uku ọgụn (20,000); ọka-bali, ẹkpa kachanrịnnị, nnụ-uku ọgụn (20,000); manya-vaịnị, drọm kanị, nnụ-uku ọgụn (20,000); ofigbọn-olivu drọm kanị, nnụ-uku ọgụn (20,000).”

Ẹbụ-ọma 104:15

kẹni ịhịan hụn manya ẹfọ gi a sụọ a ụsụọ kẹni ịhịan hụn udẹn-olivu a kwọ, ihun ẹ e dẹn, kẹni wẹ hụn ihiẹn wẹ e ri ndụn a ban wẹ.

Ẹbụ-ọma 133:3

Ọ nọ kẹ ebe igirigi hụn ziẹntọ Ugu Hẹmọnụ rị e ziẹnye Ugu Zayọnụ, ebẹhụ Osolobuẹ sị ngọzi ẹ k'a rị, ngọzi hụn wụ ndụn itẹbitẹ.

Ẹbụ-ọma 36:8

Ihiẹn jun imẹ ụlọ ị kẹ wẹ ile e ri; y'e ye wẹ mirin iyi i a sụọnị a ra.

Itẹn 19:12

Olulu eze nọ kẹ ebe ẹwọrọ rị e dẹn, kanị ọhụnma a nọ kẹ igirigi ziẹnye elu irurue.

Itẹn 3:20

ihiẹn ọ marịn k'o gi mẹ mirin gha imẹ-imẹ alị tikpọpụha isi mbidọn; ịya k'o gizi e mẹ orukpu e ziẹntu igirigi.

Azaya 45:8

“Elu-igwere, ihiẹn furuni ya gha imẹ i zuetu! Ya gha orukpu-igwere zue kẹ mirin! Alị ya shịapụzịkwọ ọnụ ra a — nzụọpụha ya gi ẹ pupụha, ezi-omumẹ ya gizikwọ a suepụha. Mmẹ wụ Osolobuẹ e mẹgụ a rị ẹrịra.

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Juwẹlụ 2:19

Ọ za wẹ, sị, “M zila nị ụnụ ọka lẹ manya lẹ ofigbọn-olivu hụn k'e jun ụnụ ẹfọ; emẹkọzị m ụnụ wụrụ ihiẹn alị ndị ọzọ e legberi.

Maịka 5:7

Ogẹn hụ, ndị ebọn Jekọpụ k'a họdụnị k'a rị imẹ igunrun alị ndị ọzọ nọkẹ igirigi Osolobuẹ zihẹ; wẹ k'a nọ kẹ mirin zueye irurue hụn ghalẹni e cheri ịhịan, hụn ghalẹni e che ịhịan-mmaka.

Zẹkaraya 8:12

Mba! M jẹnkọ d'a kụn ọrịrịmma nọkẹ mkpụrụ; osisi vaịnị k'a mị mkpụrụ a; alị k'e mẹ ihiẹn; igwere k'e ye mirin ẹ. M k'e mẹ ndịnị họdụ imẹ ndị Juda nwọnrin ihiẹn ndịnị ile.

Zẹkaraya 9:17

Alị wẹ k'a rịchanrịn mma, a la ẹnya! Ọka k'e jun, ikorọbịa hụ e gi ẹ a ban ihiẹn; manya-vaịnị e jun, ịgbagba hụ e gi ẹ a ban ihiẹn.

Ọgụngụn 13:20

Nanị kẹ alị ahụn nọ? O mẹ ihiẹn ugbo ra ara mẹ? Osisi hụ a ra ọ rịa? Lịlịma nị welụa mkpụrụ alị ahụn mị.” (Ogẹn wẹ gi a ghọ vaịnị ibuzọ k'o gi zipụ wẹ.)

Ọgụngụn 18:12

“E yegụọzị m ụnụ udẹn-olivu ile kachanrịn mma lẹ manya ọhụn ile kachanrịn mma lẹ ọka ile wẹ gi e ye Osolobuẹ oyiye-ọka ibuzọ.

Ndị Rom 11:17

Omẹni wẹ kwapụsọnmẹ agala olivu wẹ kụn, we ụnụ wụ agala olivu-ọfịa che olivu hụ d'e sọn agala ndị họdụnị ri erere rị olivu hụ,

Ditrọnọmi 32:2

Nkuzi m jẹnkọ nwan d'e zue kẹ mirin, oku-ọnụ m jẹnkọ d'e ziẹn kẹ igirigi, nọkẹ mbụmbụ-mirin bụye elu irurue ọhụn, nọkẹ ezigbo mirin zueye elu ihiẹn pu nke ọhụn.

Ditrọnọmi 33:13

Nke Josẹfụ, Mozizi sị, “Osolobuẹ ya gọzi alị Josẹfụ, ngọzi okẹn-oyiye wụ mirin igwere, lẹ mirin rị imẹ alị;

Ditrọnọmi 33:28

Izrẹlụ e bi udọn lẹ ndọnkwa; Izrẹlụ, isi-mirin hụn Jekọpụ mụpụha, e bi alị ọka lẹ manya ọhụn jun, alị hụn igwere e ziẹnye igirigi.

Ditrọnọmi 7:13

Ihiẹn ụnụ k'a sụọ a, ọ gọzi ụnụ, mẹ ụnụ ba ụba. O k'e gi ụmụ gọzi ẹkpa-nwa ụnụ, gi ihiẹn-ugbo gọzi alị ụnụ — kẹ ọka kẹ manya ọhụn kẹ ofugbọn-olivu, gi ụmụ-efin gọzi igunrun efin ụnụ, gi ụmụ atụnrụn gọzi igunrun atụnrụn ụnụ, imẹ alị ahụn o kunni ndị nẹdi ụnụ kanị enwẹn ẹ n'o k'e ye ụnụ.

Hibru 11:20

Okukwe kẹ Aziki gi gọzi Jekọpụ lẹ Isọ, ku k'o k'a rịnị wẹ ihun.

Joshụa 5:6

Ndị Izrẹlụ wàhunmẹ imẹ atụ ọrọgbọ ahụa ọgụnnaị; wẹ wahunmẹ ọwahunmẹ hụ d'e ru ni ndị ahụn ile rugụ ogo agha ogẹn hụ wẹ gi gha alị Ijiptu pụha a nwụnhụnchanrịn, ndị ahụn ile nupụnị Osolobuẹ isi. Makẹni Osolobuẹ kun enwẹn ẹ sị nị ahụnkọ wẹ alị hụ o kun enwẹn ẹ kwe ndị nẹdi wẹ kanị nkwa n'o k'e ye ẹnyi ya, alị mirin-ẹran lẹ mirin-ẹnwụn jun, e hu.