Jẹnẹsisi 26:31 - Ika

³¹ Eki e fọn, wẹ nọ zọtẹnhin, kuntarị ihiẹn wẹ kun. Aziki nọ du wẹ ụla; wẹ nọ gi udọn lẹ ndọnkwa la.

Jẹnẹsisi 26:31 ပူးပေါင်းရင်းမြစ်များ

Jẹnẹsisi 14:22

Kanị Ebram nọ sị eze ndị Sodọm, “E weliọlẹ m ẹka m buzinmẹ Osolobuẹ, Chuku hụn kachanrịnnị, onyẹ hụn ke elu-igwee lẹ ụwa

Jẹnẹsisi 19:2

sị wẹ, “Ndị di-nwọnni m, dodo ni, banhangụ nị iwe odibo ụnụ d'a ranhịn uhinhinni, ụnụ a chanbelụa ụkụ ụnụ; eki fọn ụnụ a zọ ụzọ jẹnmẹ ebe ụnụ jẹnkọ; eki fọn ụnụ a zọ ụzọ jẹnmẹ ebe ụnụ jẹnkọ.” Wẹ nọ sị a, “Mba, ẹnyi k'a ranhịn ogbe ebeni.”

Jẹnẹsisi 21:14

Ya Ebraham nọ zọtẹnhin, buru ihiẹn-oriri lẹ ẹkpoko mirin, bu wẹ ye Haga. O bu wẹ che Haga isi uvun; ọ nọ sị ya lẹ nwa a pụ. Ya Haga nọ gha iwe Ebraham pụ, wahunmẹmẹ imẹ atụ Biẹshẹba.

Jẹnẹsisi 21:23

m chọ nwan n'i kunni m ẹfan Chuku nị y'e gikọ ẹkanaị sọn ẹnyi, kẹ mmẹ kẹ ụmụ m kẹ ụmụ-ụmụ m ile rị ihun, kama, n'ị k'e gizi ẹka ahụn rị mma m gi sọn i sọn mmẹ lẹ alịnị ị bịa d'e biri.”

Jẹnẹsisi 21:27

Ya Ebraham nọ we efin lẹ atụnrụn ye Abimẹlẹkị; wẹ ẹbụbụọ nọ kwetarị nkwa.

Jẹnẹsisi 22:3

Ya Ebraham nọ zọtẹnhin, kwademẹ jaki ẹ; ọ nọ weri madụ ẹbụọ imẹ ndị idibo ẹ, werizi Aziki nwa a; ọ nọ begiri nkụn wẹ k'e gi chụn ẹjan; ya wẹ nọ jẹnmẹ ebahụn teni hụn Chuku ghọsị a.

Jẹnẹsisi 25:33

Kanị Jekọpụ sị a, “Kungụnị m Osolobuẹ.” Ya kẹ Isọ wụ nwa-ibuzọ nọ kunni Jekọpụ Osolobuẹ gi re ọkwa nwa-ibuzọ ye ẹ.

Jẹnẹsisi 26:32

Ụhụọhịn ahụn daị, idibo Aziki nọ bịa d'a gwa Aziki oku ọmị wẹ gu, sị a, “Ẹnyi e gupuọlẹ mirin.”

Jẹnẹsisi 31:44

M chọ nwan nị mmẹ lẹ yụ kwetarị nkwa: ịya k'a wụrụ ọshẹri ẹgbata mmẹ lẹ yụ.”

Jẹnẹsisi 31:55

Eki e fọn ụzọ-ọtụntụn, Labanị nọ lihi, susu ụmụ-ụmụ a lẹ ụmụ a ikpoho ọnụ, gọzi wẹ. Ọ nọ la wẹ tọ, lama.

Hibru 6:16

Ihiẹn ka ịhịan kẹ ịhịan e kun; ịhịan kunhụ ihiẹn wẹ e kun, oku e bi.

Samuẹlụ Nke Ibuzọ 14:24

Ndị-agha Izrẹlụ nkẹ hụn ihiẹn ụhụọhịn ahụn, makẹni Sọlụ e yeọlẹ wẹ ẹfan Osolobuẹ kun, sị, “D'e ru ẹnyasị, d'e ru mgbe m mẹgwarịchanrịngụ ndị iṅẹnrẹn m, okẹnnyẹ ọwụlẹ hụn ri ihiẹn-oriri jẹnkọ d'e họnrin onyẹ wẹ bụ ọnụ!” Ufiri ẹ, onwọnni onyẹ ri ihiẹn anaị imẹ wẹ ile.

Samuẹlụ Nke Ibuzọ 20:3

Defidi nọ kun ẹfan Osolobuẹ, sị, “Nẹdi i a marịngụọ nị ihiẹn m sụọ ị; ọ sịgụọ nwan enwẹn ẹ, ‘Agwakọ m Jonatanị ihiẹnni, amamgbe m'a kpagi ẹ obi.’ Kanị ezioku-ezioku, ẹkẹrẹ sụọ họdụ n'o gbu m, ma Osolobuẹ lẹ isi i!”

Samuẹlụ Nke Ibuzọ 30:15

Defidi nọ sị a, “N'ị sa nwan ẹka we m d'e kunrun itu e gbu a kwarị ụnụ?” Ya ọ nọ sị, “Kungụnị m Chuku nị y'e gbukọ m, y'e wekọ m ye di-nwọnni m, m k'e we i d'e kunrun wẹ.”