Jẹnẹsisi 26:28 - Ika

²⁸ Ya wẹ nọ sị, “O wegụọ ẹnyi ẹnya nị Osolobuẹ nọyeni i; ya ẹnyi nọ sị nị ẹnyi bịa nị ẹnyi lẹ yụ hụn ụzọ kuntarị iyi, ẹnyi e kwetarị ibe ẹnyi nkwa —

Jẹnẹsisi 26:28 ပူးပေါင်းရင်းမြစ်များ

Jẹnẹsisi 24:3

n'i kunni m Osolobuẹ, Chuku hụn ke elu-igwee lẹ ụwa nị y'a lụhakọnị Aziki nwa m onyẹ Kenaanị, ndịnị m bi alị wẹ.

Jẹnẹsisi 24:41

Kanị i ruhụ ebọn ẹnyi, Osolobuẹ i kunni m egbukọ ị, ọsụọn'a nị eyeni wẹ i okpoho ahụn, o gbukọ ị.’

Jẹnẹsisi 31:44

M chọ nwan nị mmẹ lẹ yụ kwetarị nkwa: ịya k'a wụrụ ọshẹri ẹgbata mmẹ lẹ yụ.”

Jẹnẹsisi 39:3

Ogẹn Pọtifa di-nwọnn'ẹ gi hụn a nị Osolobuẹ nọyeni Josẹfụ, lẹ ni Osolobuẹ rị e mẹ ihiẹn ile a masị a ẹka,

Jẹnẹsisi 39:5

Gha ogẹn ahụn Pọtifa gi bu ikpụlọ a lẹ ihiẹn ile o nwọn che ẹka Josẹfụ jẹnmẹ, Osolobuẹ nọ gi ufiri Josẹfụ mẹ ihiẹn masịnị ikpụlọ onyẹ Ijiptu ahụn; ngọzi Osolobuẹ hụ e sọn ihiẹn ile o nwọn, kẹ ụlọ kẹ ugbo.

Ihiẹn Mẹni Nke Ẹbụọ 1:1

Solomọnụ nwa Defidi nọ gba mkpọgụn ọhụnma-ọhụnma imẹ alị-eze ẹ — makẹni Osolobuẹ wụ Chuku ẹ nọyen'ẹ anọyeni, bushi ẹ elu ọda-ọda.

Ihiẹn Mẹni Nke Ẹbụọ 15:9

Ọ nọ kpọkikomẹ ndị Juda lẹ Bẹnjamini ile lẹ ndị Izrẹlụ Ẹbamịn ugu ghasọnmẹ Ifrem lẹ Manasẹ lẹ Simiọnụ bịa hụn bi imẹ igunrun wẹ, makẹni ndị bu ọda a ghagụọ Izrẹlụ Ẹbamịn ugu lụaburuhẹ ẹ ogẹn wẹ gi hụn nị Osolobuẹ wụ Chuku ẹ nọyen'ẹ anọyeni.

Azaya 45:14

“Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 60:14

Ụmụ ndị te bịangbu ụnụ k'a bịa d'a kụnị ụnụ isi-alị; ndị ile e legberi ụnụ k'a kụzịkwọnị ụnụ isi alị; wẹ k'a kpọ ụnụ Obodo Osolobuẹ, Zayọnụ hụn wụ nke Onyẹ-nsọ alị Izrẹlụ.

Azaya 61:6

Wẹ k'a kpọ ụnụ ndị nchụn-ẹjan Osolobuẹ, kpọ ụnụ ndị-ọrụn Chuku ẹnyi. Ụnụ k'a gha e ri akụ-lẹ-ụba alị ichẹn-ichẹn, e gidẹ akụ-lẹ-ụba wẹ a nyan isi.

Azaya 61:9

Wẹ k'a nụ ẹfan ẹbozo wẹ imẹ alị ndị ọzọ; ẹfan ụmụ wẹ k'a kpọgbarị imẹ alị ichẹn-ichẹn. Ndị ile hụnnị wẹ k'a marịn nị wẹ wụ ndị Osolobuẹ gọzi.

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Ndị Kọrẹntị Ibuzọ 14:25

ihiẹn rị a obi a pụha ifọn. Ọ kụnị Osolobuẹ isi alị, ye Osolobuẹ ọghọ, sị, “Ezioku-ezioku, Osolobuẹ rị imẹ igunrun ụnụ!”

Hibru 13:5

Anịkwọlẹ ni egho a sụọ ụnụ; a nị nị ihiẹn ụnụ nwọn e jun ụnụ ẹfọ. Makẹni, Osolobuẹ e kuọlẹ, sị, “Ahapụkọ m ụnụ; alakọ m ụnụ tọ.”

Hibru 6:16

Ihiẹn ka ịhịan kẹ ịhịan e kun; ịhịan kunhụ ihiẹn wẹ e kun, oku e bi.

Joshụa 3:7

Osolobuẹ nọ sị Joshụa, “Tannị kẹ m k'e bushimẹ i elu idẹnya ndị Izrẹlụ ile, kẹni wẹ marịn nị m nọyen'i kẹ m dọn nọyeni Mozizi.

Samuẹlụ Nke Ibuzọ 11:1

Nahashi eze Amọnụ kịha ndị-agha a d'a lụsọn obodo Jabẹshi-Gilẹdị rị Izrẹlụ agha. Ndị Jabẹshi nọ sị a, “Dodo kwehụ ẹnyi nkwa n'o nwẹn ihiẹn i k'e mẹ ẹnyi, nị ẹnyi gwarị femẹ ụnụ.”

Samuẹlụ Nke Ibuzọ 18:28

Ogẹn o gi we eze ẹnya nị Osolobuẹ nọyeni Defidi lẹni ihiẹn Defidi sụọ Mikalụ nwa a,