Jẹnẹsisi 26:24 - Ika

²⁴ Uhinhin ahụn daị, Osolobuẹ nọ bịa d'e kunrun ẹ, sị a, “Mmẹ wụ Chuku Ebraham nẹdi i; atụlẹ egun, nị mmẹ lẹ yụ wị; m jẹnkọ d'a gọzi i, mẹ ụmụ ị barahị — m jẹnkọ d'e mẹ ihiẹn ndịnị makẹ ufiri odibo m wụ Ebraham.”

Jẹnẹsisi 26:24 ပူးပေါင်းရင်းမြစ်များ

Jẹnẹsisi 13:16

M k'e ye i ụmụ bu ọda nọkẹ ẹjan rị alị, omẹni a sa wẹ ẹka gụn ẹjan rị alị, ya wụ nị a sa wẹ ẹka gụnmarịn ụmụ ị.

Jẹnẹsisi 15:1

Ihiẹn ndịnị e mẹgụ, Ebram nọ hụn ọhụn ebe Osolobuẹ nọ sị a, “Ebram, atụlẹ egun; mmẹ wụ akpaịn ị hụn e che i nche; m k'a kụ ị ụgwọ higbu enwẹn ẹ ogbe.”

Jẹnẹsisi 17:7

M k'e tumẹ nkwanị m nkwe ẹgbata mmẹ lẹ yụ lẹ ụmụ ị, d'e rukwọrị agbọ wẹ ile rị ihun: nị m k'a wụrụ Chuku i, wụrụzịkwọ Chuku ụmụ ị.

Jẹnẹsisi 17:8

M sikọ d'e ye yụ lẹ mmụ ị alịnị ị wụ nwan abịamabịa; ebe ile alị Kenaanị gha k'a wụrụ nke ụnụ jẹnrin ejẹn. Mmẹ k'a wụrụ Chuku ụmụ ị.”

Jẹnẹsisi 21:17

Chuku nọ nụ olu nwa-ndu ahụn ebe ọ rị a kwan ẹkwan; ya mmọn-ozi Osolobuẹ nọ gha elu-igwee hị Haga oku, sị a, “Haga, k'ị rị a kwannị? Atụlẹ egun, makẹni Osolobuẹ a nụọlẹ olu nwata ahụn ebẹhụ ọ rị.

Jẹnẹsisi 22:17

m k'a gọzi i ọhụnma-ọhụnma, mẹ ụmụ ị bu ọda nọkẹ kokisẹ rị elu-igwere lẹ ẹjan rị mkpẹnrẹn ohimin; ụmụ ị k'e mẹri ndị-iṅẹnrẹn wẹ, kị wẹ;

Jẹnẹsisi 22:19

Ya Ebraham nọ kinhẹn azụụn d'e kunrun ikorọbịa ya lẹ wẹ wị, wẹ ile nọ lashi Biẹshẹba. Ya Ebraham nọ bibie Biẹshẹba.

Jẹnẹsisi 24:12

Ọ nọ mẹ ekpere, sị, “Euu Osolobuẹ, Chuku di-nwọnni m wụ Ebraham, dodo mẹ ijẹnni m bịa n'ọ gha — n'i gi ẹ ghọsị nị di-nwọnni m wụ Ebraham wụ onyẹ nke i.

Jẹnẹsisi 28:13

O legha Osolobuẹ k'o turu mkpọnụnụ obe ahụn. Osolobuẹ nọ sị a, “Mmẹ wụ Osolobuẹ, Chuku Ebraham nẹdi i kanị lẹ Chuku Aziki; m jẹnkọ d'e ye yụ lẹ ụmụ ị alịnị i dinẹ.

Jẹnẹsisi 28:15

Lee ẹnya, mmẹ lẹ yụ wị! M k'e chemẹ i ebe ọwụlẹ i k'e jẹn; m k'e wekinhẹnzi i alịnị. Onwọnni ogẹn m'e gi la ị tọ d'e ru n'e mẹzuchanrịn m ihiẹn m kwe i nkwa a.”

Jẹnẹsisi 28:3

Chuku hụn nwọn ikẹn ile ya gọzi i, mẹ i mụba, kẹni i wụrụ igunrun ịhịan.

Jẹnẹsisi 30:27

Ya Labanị nọ sị a, “Dodo, omẹni ihiẹn m a sụọghọ ị, duzi m nọdị, makẹni a mahụngụọ m'a nị ufiri i haịn Osolobuẹ gi rị a gọzi m.”

Jẹnẹsisi 31:5

Ọ nị sị wẹ, “A hụngụọ m'a nị nẹdi ụnụ arịzị e mẹ m k'o mẹ m mbụ, kanị Chuku hụn nẹdi m e fe nọyeni m anọyeni.

Jẹnẹsisi 39:2

Osolobuẹ nọyeni Josẹfụ anọyeni, ihiẹn ile a masị a ẹka ọda-ọda; iwe onyẹ Ijiptu ahụn nwọnn'ẹ k'o bi.

Jẹnẹsisi 39:3

Ogẹn Pọtifa di-nwọnn'ẹ gi hụn a nị Osolobuẹ nọyeni Josẹfụ, lẹ ni Osolobuẹ rị e mẹ ihiẹn ile a masị a ẹka,

Jẹnẹsisi 46:1

Jekọpụ nọ weri ihiẹn ile o nwọn, buli; ogẹn o gi ru alị Biẹshẹba, ọ nọ chụnyeni Chuku hụn nẹdi ẹ wụ Aziki fe ẹjan.

Ndị-nze Nke Ibuzọ 17:13

Ẹlaịja nọ sị a, “Atụlẹ egun. La d'e mẹ kẹ i dọn ku. Ka gha imẹ hụn ahụn i nwọn shigụnị m ẹkẹrẹ brẹdi, y'e wẹhẹni m'ẹ; y'e jẹn nwan d'e shi hụn yụ lẹ nwa ị jẹnkọ d'e ri.

Ọpụpụ 14:13

Mozizi nọ za wẹ, sị, “Atụlẹ ni egun! Turu ni; ụnụ jẹnkọ d'a hụn nzụọpụha Osolobuẹ jẹnkọ d'a zụọpụha ụnụ tannị. Nke ndị Ijiptuni ụnụ rị a hụn tannị, ụnụ ahụnkọzị wẹ.

Ọpụpụ 3:6

Ọ nọzị sị Mozizi, “Mmẹ wụ Chuku nẹdi i fe, Chuku Ebraham, Chuku Aziki lẹ Chuku Jekọpụ.” Ogẹn Mozizi gi nụ ihiẹnni, ọ nọ kpukin ihun ẹ, makẹni egun anịn'a bu ẹnya zinmẹ Osolobuẹ.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 44:2

Lee ihiẹn Osolobuẹ ku — Osolobuẹ hụn ken'i, hụn mẹmẹ i imẹ ẹfọ nnẹ i, hụn jẹnkọ d'e yen'i ẹka — ọ sị, “Odibo m Jekọpụ, atụlẹ egun. Jẹshurunu hụn m họrị, atụlẹ egun.

Azaya 51:12

“Mmẹ, mmẹ lẹ enwẹn, mmẹ a rọkọ ị obi. Onyẹ k'ị wụdẹ nwan i gi a tụ egun ịhịan mmaka ịhịan mmaka hụn a nwụnhụ kẹ ẹfịfịa?

Azaya 51:7

“Gọn ni m ntịn, ụnụ ndị marịn ihiẹn furuni, ụnụ ndị iwu m rị obi: Atụlẹ ni egun nkọrịanị ịhịan mọbụ mama piripiri ni wẹ rị a kpari ụnụ.

Ẹkwan 3:57

Y'a nọzụnhanghọ kẹ m kpọ ị, ị nọ sị, “Atụlẹ egun.”

Lẹvitikọsụ 26:42

m sikọ d'a nyanhan nkwerigbama mmẹ lẹ Jekọpụ lẹ nkwerigbama mmẹ lẹ Aziki lẹ nkwerigbama mmẹ lẹ Ebraham, a nyanhan m alị hụ.

Lẹvitikọsụ 26:45

Hụn nkẹ m'e gi gbupụchanrịn wẹ, m k'e gi ufiri wẹ nyanhan nkwerigbama mmẹ lẹ ndị nẹdi wẹ kanị hụn m gha alị Ijiptu wepụha idẹnya ndị alị rị ichẹn-ichẹn nị m hụn ụzọ wụrụ Chuku wẹ. Mmẹ wụ Osolobuẹ.”

Matiu 22:32

Ọ sị, ‘Mmẹ wụ Chuku Ebraham, Chuku Aziki, Chuku Jekọpụ.’ Osolobuẹ ẹlẹ Chuku ndị nwụnnị, kanị Chuku ndị rị ndụn k'ọ wụ.”

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Ọrụn Ndị-ozi 7:32

‘Mmẹ wụ Chuku ndị nẹdi i: Chuku Ebraham lẹ Aziki lẹ Jekọpụ.’ Ẹhụ nọ mama Mozizi nni, egun anịn'a lee ẹnya.

Ditrọnọmi 13:17

Ewerikwọlẹ ihiẹn ọwụlẹ Osolobuẹ sị o k'e tikpọ, kẹni Osolobuẹ bubehi olulu ahụn ọ rị e bu. Ogẹn hụ, o mẹni ụnụ ebere, o gi omikẹn sọn ụnụ, mẹ ụnụ ba ụba, gi e mẹzu nkwa o kun enwẹn ẹ kwe ndị nẹdi ụnụ,

Ditrọnọmi 31:6

Kakẹnmẹ ni; rikin ni obi! Atụlẹ ni egun, amalẹ ni ni piripiri, makẹni ụnụ lẹ Osolobuẹ wụ Chuku ụnụ wị jẹnkọ, ọ hapụkọ ụnụ mọbụ la ụnụ tọ.”

Hibru 11:16

Kanị, ẹnya wẹ rị alị ka mma, hụn rị elu-igwee. Ya haịn ifẹnrẹn gilẹni e mẹ Osolobuẹ ịza Chuku wẹ, makẹni o nwọnghọ obodo ọ kwademẹni wẹ nke-esi.

Hibru 13:6

Ya wụ, ẹnyi k'a saẹka dụ ẹka obi, sị, “Di-nwọnni-ẹnyi wụ onyẹ e yeni m ẹka, egun atụkọ m; kị ịhịan k'a saẹka mẹ m?”

Rẹvẹleshọnụ 1:17

Ogẹn m gi hụn a, m nọ fiẹnrin alị ụkụ a kẹ onyẹ nwụnhụnnị. Kanị, ọ nọ bu ẹka-nni ẹ kwasị m, sị, “Atụlẹ egun. Mmẹ wụ Ibuzọ lẹ Ikpanzụụn.

Rutu 3:11

Esọngbulẹ enwẹn i, nwa m; m jẹnkọ d'e mẹchanrịnn'ị ihiẹn ile ị rịọ m; ndị nke ẹnyi ile a marịnghọ n'ị wụ ezigbo okpoho.