Jẹnẹsisi 24:32 - Ika

³² Ya okẹnnyẹ ahụn nọ sọn ẹ lashi iwe wẹ. Labanị nọ tọtusọnmẹ ibu anyịnyan ndị ahụn bu, kpọnyeni anyịnyan ndị ahụn ẹfịfịa-ọkpọnkụn wẹ e gi dinẹ lẹ ẹfịfịa-oyiyi wẹ k'e ri; o kuyezi ẹ mirin kẹni ya lẹ ndị ya lẹ wẹ wị gi chanpụ ụkụ.

Jẹnẹsisi 24:32 ပူးပေါင်းရင်းမြစ်များ

Jẹnẹsisi 18:4

Nị wẹ kuhẹni ụnụ mirin mẹ ẹkẹrẹ, nị ụnụ gi chanchan ụkụ ụnụ, ụnụ e zu ikẹn okpuru osisi ebeni.

Jẹnẹsisi 19:2

sị wẹ, “Ndị di-nwọnni m, dodo ni, banhangụ nị iwe odibo ụnụ d'a ranhịn uhinhinni, ụnụ a chanbelụa ụkụ ụnụ; eki fọn ụnụ a zọ ụzọ jẹnmẹ ebe ụnụ jẹnkọ; eki fọn ụnụ a zọ ụzọ jẹnmẹ ebe ụnụ jẹnkọ.” Wẹ nọ sị a, “Mba, ẹnyi k'a ranhịn ogbe ebeni.”

Jẹnẹsisi 24:33

Ya wẹ nọ bupụhanị wẹ ihiẹn-oriri. Okẹnnyẹ ahụn nọ sị, “Erikọ m ihiẹn-oriri, mmanị m kugụ ihiẹn m bịanị.” Ya Labanị nọ sị a, “Kumẹ nwan.”

Jẹnẹsisi 29:13

Ogẹn Labanị gi nụ nị Jekọpụ nwa-nwẹnẹ ẹ bịa abịa, ọ nọ jẹnmẹ ozigbo d'e kunrun ẹ, dide Jekọpụ, susu ẹ ọnụ, wẹhẹ ẹ iwe ẹ. Ya Jekọpụ nọ gwachanrịn Labanị k'o jẹn.

Jẹnẹsisi 43:24

O wẹhẹ wẹ iwe Josẹfụ, ọ nọ kuyeni wẹ mirin gi chanpụ ụkụ, yezikwọ Jaki wẹ ihiẹn-oriri.

Luku 7:44

Ya Jesu nọ gbehutọ, bu ihun zinmẹ okpoho hụ, sị Saịmọnụ, “Y'a hụn okpohoni? A banhan m iwe i, y'e yeni m mirin chanchan ụkụ, kalẹ o gigụọ ẹnya-mirin ẹ chanchan m ụkụ, gi ntutu ẹ finkọrị a;

Timoti Ibuzọ 5:10

Ọ k'a wụrịrị onyẹ wẹ gi ọrụn ọma marịn: ya wụ, n'ọ zụnghọ ụmụ; n'ọ nabanhanghọ ndị ọbịa; n'o feghọ ndị nke Osolobuẹ, chanchanpụ wẹ unyin ụkụ; n'o yeghọnị ndị rị nsọngbu ẹka; n'o bughọ enwẹn ẹ che ọrụn ọma ụzọ ile.

Ndị Han Eṅẹn 19:21

Ya ọ nọ we wẹ shi iwe ẹ, ye jaki wẹ ihiẹn-oriri. A changụ wẹ ụkụ, wẹ nọ ri, ra.

Samuẹlụ Nke Ibuzọ 25:41

Abigẹlụ nọ hulụa, bu ihun kọma alị, sị, “E lee odibo i, a kwademẹgụọ m ifen'i lẹ ịchan idibo yụ wụ di-nwọnni m ụkụ!”