Jẹnẹsisi 24:10 - Ika

¹⁰ Ya odibo ahụn nọ buru anyịnyan-mkpukpuke iri imẹ nke di-nwọnn'ẹ, werizi ihiẹn ile rị mma nna buye ẹ w'e ye ịhịan; o nọ buli, jẹnmẹ alị Aram-Naharaịm. O ru ebẹhụ, ọ nọ shi obodo nwẹnẹ Ebraham wụ Nahọ.

Jẹnẹsisi 24:10 ပူးပေါင်းရင်းမြစ်များ

Jẹnẹsisi 11:26

Ogẹn Tẹra gi rị ahụa iri kwasị ọgụn-ẹtọ, ọ nọ mụma nwa. Ndịnị wụ ụmụ a: Ebram lẹ Nahọ lẹ Haranị.

Jẹnẹsisi 11:29

Ebram lẹ Nahọ lụrụsọnmẹ nwunyẹ: ẹfan nwunyẹ Ebram wụ Saraị; ẹfan nwunyẹ Nahọ wụ Mil'ka. Mil'ka wụ nwa Haranị nwa Tẹra. Haranị mụzị Iska.

Jẹnẹsisi 11:31

O mẹgụ, Tẹra nọ weri Ebram nwa a lẹ nwa-nwa a wụ Lọtụ lẹ Saraị nwunyẹ nwa a, nwunyẹ Ebram nwa a, wẹ nọ gha obodo Uru hụn rị alị ndị Kal'di wụ Babilọnụ pụ, kẹni wẹ kwashi alị Kenaanị. Kanị, e ru wẹ alị w'a kpọ Haranị, wẹ nọ biri ebahụn.

Jẹnẹsisi 11:32

Ahụa isẹn kwasị ọgụn-iri kẹ Tẹra tọ. Alị ahụn wụ Haranị kẹ Tẹra nọ nwụnhụn.

Jẹnẹsisi 22:20

Ogẹn ihiẹn ndịnị gi mẹgụ, ọ nọbe, ozi nọ bịanị Ebraham, sị, “Mil'ka a mụgụọnị Nahọ nwẹnẹ i ụmụ.”

Jẹnẹsisi 24:2

Ya kẹ Ebraham nọ sị odibo ẹ hụn kanị, hụn e lepụn'a ihiẹn ile o nwọn ẹnya, “Bu ẹka che m okpuru ọgbọdọgbọ,

Jẹnẹsisi 24:22

Ogẹn anyịnyan ndị ahụn gi ragụ mirin, okẹnnyẹ ahụn nọ we ọla-imi goru ṅanrannị lẹ ihiẹn-ẹka goru kadẹ ọhụn a ṅanran ye ẹ. Goru ọla-imi ahụn wụ ahanmahan shẹkẹlụ ohu nchaịn! Ihiẹn-ẹka ahụn wụ gram goru mmẹbụọ kwasị ọgụn ẹtọ nchaịn!!

Jẹnẹsisi 24:53

Ya odibo Ebraham nọ kpọnpụha ihiẹn-mma rị ichẹn-ichẹn, kẹ ihiẹn siliva kẹ ihiẹn goru, kpọnpụhazịkwọ ẹkwa, kpọn wẹ ye Rebika. Ọ nọ yezi nwẹnẹ Rebika hụn okẹnnyẹ lẹ nnẹ wẹ ihiẹn ichẹn-ichẹn a ṅanrannị.

Jẹnẹsisi 27:43

Nwa m, mẹ nwan ihiẹn m k'a gwa ị: gbashi alị Haranị ozigbo d'e kunrun nwẹnẹ m okẹnnyẹ wụ Labanị,

Jẹnẹsisi 29:1

Ya Jekọpụ nọ jẹnmẹ ebe o jẹnkọ. Ogẹn o gi ru alị ahụn rị ọwụwa-ẹnyanwụn,

Jẹnẹsisi 29:2

o lee ẹnya, ọ nị legha ọmị rị imẹ ogige ebẹhụ. Igunrun atụnrụn ẹtọ dinẹ ẹhụ ọmị ahụn, makẹni ọmị hụ kẹ wẹ gha a dọrị mirin e ye atụnrụn ndị ahụn. Ọmụma wẹ gi dọkin ẹ hi-ogbe ọda-ọda.

Ihiẹn Mẹni Nke Ibuzọ 19:6

Ogẹn ndị Amọnụ gi hụn a nị a kpasugụọ wẹ Defidi iwe ọda-ọda, eze ndị Amọnụ wụ Hanunu lẹ ndị Amọnụ nọ zi ẹkpa siliva uku nnụ-uku jẹnni ndị Aram-Naharaịm, ndị Aram-Maaka lẹ ndị Zoba, nị wẹ ye wẹ ụgbọ-ẹshin agha lẹ ndị e nyin ụgbọ-ẹshin a lụ agha.

Ọrụn Ndị-ozi 2:9

Kẹ ndị Patịa kẹ ndị Mẹdịa kẹ ndị Ẹlam; kẹ ndị bi Mẹsopotemịa lẹ Judia lẹ Kapadoshịa lẹ Pọntusu lẹ Eshịa

Ditrọnọmi 23:4

Makẹni ebuhẹnini wẹ ụnụ ihiẹn-oriri lẹ mirin kẹ ụnụ lala ogẹn ụnụ gi gha alị Ijiptu pụha, kama, e weridẹ wẹ Balaam nwa Bioru onyẹ Pẹtọ alị Aram-Naharaịm ọrụn n'ọ bụ ụnụ ọnụ,