Jẹnẹsisi 23:16 - Ika

¹⁶ Ya Ebraham nị kweyeni Ẹfrọnụ, kụ Ẹfrọnụ ọnụ-egho ahụn Ẹfrọnụ nọ idẹnya ndị Hẹti kpọ ẹfan, hụn wụ akpụrụ egho siliva nnụ; ihiẹn ndị-afịa gi a ma egho ogẹn ahụn k'o gi maye ẹ ya.

Jẹnẹsisi 23:16 ပူးပေါင်းရင်းမြစ်များ

Jẹnẹsisi 23:15

“Diọkpa, nsọngbu arịa, kaka; mmẹ lẹ yụ wụzị onyẹ ọzọ? Alị karịlẹni akpụrụ egho siliva nnụ! D'e li onyẹ nwụnnahịnnị ị.”

Jẹnẹsisi 43:21

Kanị, ogẹn ẹnyi gi ru ebe ẹnyi jẹnkọ d'a ranhịn ụzọ, ẹnyi nọ tọpụ ẹkpa ẹnyi, onyẹ-onyẹ imẹ ẹnyi nọ hụn a nị egho o gi ṅọn ihiẹn rịzị imẹ ẹkpa a. Egho ẹnyi ile hanchanrịndẹ k'ọ han. Ẹnyi wekinhẹn nwan egho ndị ahụn.

Jẹnẹsisi 49:29

Ya kẹ Jekọpụ nọ sị wẹ, “M'e d'a laburu ndị nke ẹnyi. Li ni m ye ebẹhụ wẹ liye ndị nẹdi m, imẹ okporo ahụn rị alị Ẹfrọnụ onyẹ Hẹti;

Jẹnẹsisi 50:13

buru ozun ẹ shi alị Kenaanị, li ẹ ye imẹ okporo ahụn rị Mak'pẹla, hụn nọkunmẹ Mamre, ili hụ Ebraham ṅọnnarịn Ẹfrọnụ onyẹ Hẹti ya lẹ ogige ọ rị imẹ ẹ, gi ẹ họnrin ebe w'e liye ozun.

Samuẹlụ Nke Ẹbụọ 14:26

Ọ gụnye, ọ kọ ntutu rị a isi. Ọ nyịnma a k'ọ nọ a kọ a; ọ kọ a, o lele k'ọ nyịnhan. Ọ ma a, ọ nyịnhan kẹ nneku-ọhụhụ (2kg).

Samuẹlụ Nke Ẹbụọ 24:24

Kanị Defidi nọ sị Araụna, “Mba. M chọ nị m ṅọn ẹ. A chụnyẹkọnị m Osolobuẹ wụ Chuku m ẹjan w'a dụn ọkụn nwọnlẹni ihiẹn o ri m.” Ya Defidi nọ ṅọnrin ebẹhụ wẹ nọ a kụkpọ ọka lẹ okẹn-efin ndị ahụn — akpụrụ siliva iri kwasị ọgụnnaị.

Jobu 28:15

W'a ra gidẹ goru kachanrịn mma ṅọn ẹ; onwọnni siliva ru ọnụ a.

Ọpụpụ 30:13

Ihiẹn onyẹ-onyẹ k'a kụ, wẹ gụngụ a, wụ nkirishi egho-shẹkẹlụ ohu. Shẹkẹlụ Ọdụ-nsọ hụn wụ nwa-shẹkẹlụ ọgụn kẹ w'e gi ma a. Nkirishi shẹkẹlụnị k'a wụ ụtụ ụnụ rị a tụnị Osolobuẹ.

Jerimaya 32:10

M deye ihiẹn ile imẹ ẹkụkwọ, biye ẹ ẹka, wẹhẹ ndị ọshẹri, gụn akpụrụ siliva hụ m gi ṅọnrin ẹ, weye ẹ.

Jerimaya 32:9

Ya m nọ ṅọnnarịn Hanamẹlụ nwa nwẹnẹ nẹdi m alị hụ rị Anatọtụ, kụ a akpụrụ siliva mmẹsa.

Izikẹlụ 45:12

Akpụrụ egho shẹkẹlụ k'a wụ akpụrụ-egho nta (gẹra) ọgụn. Shẹkẹlụ ọgụn cheni shẹkẹlụ isẹn-kwasị-ọgụn cheni shẹkẹlụ mmisẹn k'a wụ ẹkpa mina ohu.

Zẹkaraya 11:12

M nọ nwan sị wẹ, “Omẹni ọ hụghọ mma ẹnya ụnụ, kụ nị m ụgwọ ọrụn m; kanị, omẹni ọ rịnị mma ẹnya ụnụ, ụnụ a gharị.” Ya wẹ nọ ye m egho-ọrụn m, akpụrụ siliva iri kwasị ọgụn mmakalaka!

Matiu 7:12

“Ya wụ, imẹ ihiẹn ile, e mẹ ndị ọzọ ihiẹn i chọ nị wẹ mẹ i: ọnwan wegbama ihiẹn ile Iwu lẹ ndị-amụma ku.

Ọrụn Ndị-ozi 7:16

Omẹgụ, wẹ nọ bukin wẹ ile obodo Shẹkẹm, li wẹ ye imẹ ili ahụn rị Shẹkẹm hụn Ebraham gi egho ṅọnnarịn ụmụ Hamọ.

Ndị Rom 13:8

Ẹghẹẹ, kụpụ nị ịhịan ile ụgwọ ụnụ gi wẹ — mmanị ihiẹn-ọsụsụọ hụn wẹ ghalẹni e nwọnbehi. Makẹni, onyẹ rị e nwọn ihiẹn-ọsụsụọ ibe ẹ e mẹzuchanrịngụọ Iwu.

Ndị Filipi 4:8

Umunẹ m, igi mẹkin, m sị ụnụ, e bu ni obi e che ihiẹn ọwụlẹ wụ ezioku, ihiẹn ọwụlẹ w'a gbaye, ihiẹn ọwụlẹ furuni; ihiẹn ọwụlẹ eje-ihiẹn rịlẹni, ihiẹn ọwụlẹ a sụọ ịhịan ụsụọ ẹfọ, ihiẹn ọwụlẹ w'a ja mma; ihiẹn ọwụlẹ rịchanrịn mma, ihiẹn ọwụlẹ wẹ e ku oku ẹ ọhụnma.

Ndị Tẹsalonika Ibuzọ 4:6

ịhịan ewerikọ ihiẹn nwẹnẹ ẹ mọbụ mẹgbu nwẹnẹ ẹ imẹ ihiẹnni. Ẹnyi a gwagụọ ụnụ ya mbụ, gba ụnụ mkpịnsịn-ẹka, nị Di-nwọnni-ẹnyi e mẹgwarịkwọ ụdị ihiẹn ndịnị ile e mẹgwarị.