Jẹnẹsisi 22:18 - Ika

¹⁸ ẹka ụmụ ị kẹ alị ile rị elu-ụwa k'a gha nwọnrin ngọzi wẹ; o k'a rị ẹrịra makẹni y'e mẹọlẹ ihiẹn m ku.”

Jẹnẹsisi 22:18 ပူးပေါင်းရင်းမြစ်များ

Jẹnẹsisi 12:2

M k'e gi i mẹmẹ okẹn alị; m k'a gọzi i; m k'e mẹ wẹ nụ ẹfan ị — kẹni ị wụrụ ngọzi.

Jẹnẹsisi 12:3

M k'a gọzi ndị hụn gọzini i, kanị, onyẹ bụ ị ọnụ, a bụ m'a ọnụ. Ịyụ kẹ ebọn ile rị elu-ụwa k'a gha nwọnhẹn ngọzi.”

Jẹnẹsisi 18:18

Ezuemẹkọnị m'a ya, ebe o mẹ ni Ebraham k'a wụrụ okẹn alị nwọn ikẹn ọda-ọda lẹni alị ile rị elu-ụwa k'a gha ẹka a nwọnrin ngọzi.

Jẹnẹsisi 18:19

Mba, ezuemẹkọnị m'a ya makẹni a họrịọlẹ m'a kẹni ọ hụn ụzọ gwa mmụ a lẹ ikpụlọ a ihiẹn wẹ jẹnkọ d'e mẹ, sị wẹ e sọn ụzọ Osolobuẹ ghahanị imẹ ezi-omumẹ lẹ imẹ ihiẹn furuni, kẹni Osolobuẹ mẹzuni Ebraham nkwa o kwe ẹ.”

Jẹnẹsisi 22:10

Ya Ebraham nọ tịnpụ ẹka, weri ẹbeke, n'o gi gbu nwa a.

Jẹnẹsisi 22:3

Ya Ebraham nọ zọtẹnhin, kwademẹ jaki ẹ; ọ nọ weri madụ ẹbụọ imẹ ndị idibo ẹ, werizi Aziki nwa a; ọ nọ begiri nkụn wẹ k'e gi chụn ẹjan; ya wẹ nọ jẹnmẹ ebahụn teni hụn Chuku ghọsị a.

Jẹnẹsisi 28:14

Ụmụ ị k'e bu ọda kẹ ẹjan rị alị. Ị k'a bashi ụzọ ile, kẹ ọdịdan-ẹnyanwụn kẹ ọwụwa-ẹnyanwụn kẹ ẹbamịn-ugu kẹ ẹbamịn ndịdan-mirin. Ịyụ lẹ ụmụ ị kẹ ụwa ile sikọ d'a gha nwọnrin ngọzi.

Ẹbụ-ọma 72:17

Ẹfan eze ya agụlẹ kaka jẹnrin ejẹn; ẹfan a ya rịsọnmẹ, ẹnyanwụn e we gụ. Alị ile wẹ gi ẹ e nwọnrin ngọzi; alị ile wẹ kpọma a onyẹ wẹ gọzi.

Ọpụpụ 7:6

Mozizi lẹ Ẹrọnụ mẹchanrịn kẹ Osolobuẹ dọn gwa wẹ.

Jerimaya 4:2

omẹni ụnụ hụ e gi ezioku lẹ ẹka rị mma lẹ ezi-omumẹ a sị, ‘Ma Osolobuẹ’ ụnụ gi e kun ẹfan m ogẹn ahụn alị ndị ọzọ e gi ẹfan Osolobuẹ gọzimẹ ibe wẹ, gi Osolobuẹ nyanma isi.”

Jerimaya 7:23

kanị, ihiẹn m gwa wẹ wụ, ‘E mẹ ni ihiẹn m sị ụnụ e mẹ, nị m hụn ụzọ wụrụ Chuku ụnụ, ụnụ a wụrụ ndị nke m. E bini kẹ m sị ụnụ e bi kẹni ọ rịnị ụnụ mma.

Matiu 1:1

Ọnwan wụ ẹkụkwọ banyeni Jizọsị wụ Kraịstị hụn wụ nwa Defidi, nwa Ebraham.

Ọrụn Ndị-ozi 3:25

Ụnụ kẹ ozi ndị-amụma jẹnni, ya lẹ nkwa Osolobuẹ kwe ndị nẹdi ụnụ kanị: ọ sị Ebraham nẹdi ụnụ, ‘Ẹka onyẹ hụ k'a gha ị ẹhụ pụha kẹ ndị alị ile rị elu-ụwa k'a gha nwọn ngọzi.’

Ndị Rom 1:3

Oziọmanị rị e ku oku Nwa Osolobuẹ hụn gha ebọn Defidi bịa kẹ ịhịan.

Ndị Galeshịa 3:16

Ogẹn Osolobuẹ gi kwe Ebraham lẹ nwa a nkwa hụ, Ẹkụkwọ-nsọ asịnị “Ụmụ ị” ya wụ, hụn karị onyẹ ohu; kanị ọ sị “nwa ị” ya wụ onyẹ ohu sụọ — hụn wụ Kraịstị.

Ndị Galeshịa 3:18

Makẹni, omẹni idọnmẹ Iwu kẹ wẹ gi e nwọnhẹn ihiẹn Osolobuẹ kwe nkwa a, ya wụ nị ẹlẹzi nkwa a haịn wẹ gi e nwọnhẹn ẹ. Kanị, ezioku-ezioku, Osolobuẹ ye Ebraham ya ọfẹ gi ẹ mẹzu nkwa a.

Ndị Ẹfẹsọsụ 1:3

Ekele ya rịnị Osolobuẹ, hụn wụ Chuku lẹ Nẹdi Onyẹ-nwọnni-ẹnyi wụ Jesu Kristi, makẹni o yeọlẹ ẹnyi ngọzi imẹ-mmọn ile rị elu-igwee makẹni ẹnyi rị imẹ Kraịstị.

Samuẹlụ Nke Ibuzọ 2:30

“Makẹ ufiri ẹ, Osolobuẹ, hụn wụ Chuku ndị Izrẹlụ, sị, ‘E te kwegụọ m nkwa nị ikpụnọ ị lẹ ẹbozo nẹdi i jẹnkọ d'a wụsọnmẹ ndị nchụn-ẹjan m.’ Kanị m sị ị nwan nị emẹkọzị m'a! Ndị ye m ọghọ kẹ m k'e ye ọghọ; ndị lelịanị m, e lelịa m wẹ.