Jẹnẹsisi 22:17 - Ika

¹⁷ m k'a gọzi i ọhụnma-ọhụnma, mẹ ụmụ ị bu ọda nọkẹ kokisẹ rị elu-igwere lẹ ẹjan rị mkpẹnrẹn ohimin; ụmụ ị k'e mẹri ndị-iṅẹnrẹn wẹ, kị wẹ;

Jẹnẹsisi 22:17 ပူးပေါင်းရင်းမြစ်များ

Jẹnẹsisi 12:2

M k'e gi i mẹmẹ okẹn alị; m k'a gọzi i; m k'e mẹ wẹ nụ ẹfan ị — kẹni ị wụrụ ngọzi.

Jẹnẹsisi 13:16

M k'e ye i ụmụ bu ọda nọkẹ ẹjan rị alị, omẹni a sa wẹ ẹka gụn ẹjan rị alị, ya wụ nị a sa wẹ ẹka gụnmarịn ụmụ ị.

Jẹnẹsisi 15:5

Ọ nọ wepụha Ebram ihun-ezi, sị a, “Lee ẹnya elu-igwere, n'ị hụn ụzọ gụn kokisẹ ndị rị elu omẹni n'ị sa ẹka gụn wẹ.” Ọ nọzị sị a, “Ẹrịra kẹ ụmụ ị k'e bu ọda.”

Jẹnẹsisi 17:6

M k'e mẹ i barahị; m k'e mẹ i wụrụ alị bu ọda; ndị-nze k'a gha imẹ i pụha.

Jẹnẹsisi 24:60

Wẹ nọ gọzi Rebika n'o d'a lama, sị a, “Nwẹnẹ ẹnyi, i k'a mụ nnụ-nnụ lẹ ijẹri-ijẹri; ụmụ ị k'e mẹri ndị-iṅẹnrẹn wẹ, kị wẹ.”

Jẹnẹsisi 25:11

Kẹ Ebraham nwụnhụngụ, Osolobuẹ gọzi Aziki nwa a. Biẹ-Lahaị-rọị kẹ Aziki bi.

Jẹnẹsisi 26:24

Uhinhin ahụn daị, Osolobuẹ nọ bịa d'e kunrun ẹ, sị a, “Mmẹ wụ Chuku Ebraham nẹdi i; atụlẹ egun, nị mmẹ lẹ yụ wị; m jẹnkọ d'a gọzi i, mẹ ụmụ ị barahị — m jẹnkọ d'e mẹ ihiẹn ndịnị makẹ ufiri odibo m wụ Ebraham.”

Jẹnẹsisi 26:4

M k'e mẹ ụmụ ị barahị rịkẹ kokisẹ rị elu-igwere; m k'e we alị ndịnị ile ye ụmụ ị; alị ile rị elu-ụwa k'a gha ẹka nwa ị nwọnrin ngọzi wẹ —

Jẹnẹsisi 28:3

Chuku hụn nwọn ikẹn ile ya gọzi i, mẹ i mụba, kẹni i wụrụ igunrun ịhịan.

Jẹnẹsisi 28:4

Ya ye i ngọzi Ebraham, kẹ yụ kẹ ụmụ ị, kẹni alịnị ị nọ nwan wụ otumunyẹ hụn ụzọ wụrụ nke i, alị hụn Osolobuẹ ye Ebraham.”

Jẹnẹsisi 32:12

Kanị yụ wụ Osolobuẹ sị m, ‘M k'e mẹ i gha ihun; m k'e mẹ ụmụ ị bu ọda kẹ ẹjan rị mkpẹnrẹn ohimin hụn wẹ ghalẹni a s'ẹka a gụn.’ ”

Jẹnẹsisi 32:13

Ọ nọ nọdị ebẹhụ uhinhin ahụn; ọ nị gha ihiẹn ẹ họpụha ihiẹn o jẹnkọ d'e ye Isọ nwẹnẹ ẹ:

Samuẹlụ Nke Ẹbụọ 17:11

“Lee ndụnmọdụn m: Ndị Izrẹlụ ile gbegbegbe wẹ bịa d'e kunrun i, ghakwọrị ndị rị Danị d'e ru ndị rị Biẹshẹba, ẹrịra wẹ buhan ọda kẹ akp'ẹjan rị mkpẹnrẹn ohimin, ịyụ lẹ enwẹn i a kịrị wẹ shi agha.

Ndị-nze Nke Ibuzọ 4:20

Ogẹn Solomọnụ, ndị Juda lẹ ndị Izrẹlụ họdụnị e bukẹmẹkẹ ọda nọkẹ ẹjan rị mkpẹnrẹn ohimin; ihiẹn wẹ e ri lẹ ihiẹn w'a ra e jun, ẹfọ hụ a sụọ wẹ ụsụọ.

Ndị-nze Nke Ibuzọ 9:26

Eze wụ Solomọnụ rụnsọnmẹzi ụgbọ-mirin imẹ Eziọnụ-Gẹba, hụn nọkunmẹ Ẹlatị rị Ẹdọm, mkpẹnrẹn Ohimin-ufie.

Ihiẹn Mẹni Nke Ibuzọ 27:23

Defidi agụnnị ikẹnnyẹ kelẹni ru ahụa ọgụn makẹni Osolobuẹ e kwegụọ Izrẹlụ nkwa n'o k'e mẹ ẹ bu ọda kẹ kokisẹ rị elu-igwere.

Ihiẹn Mẹni Nke Ẹbụọ 1:9

Osolobuẹ wụ Chuku, mẹzu nwan nkwa hụ i kwe nẹdi m wụ Defidi, ebe o mẹni y'e tumẹgụọ m eze, nị m kị ndị alịnị bu ọda kẹ ẹjan rị alị.

Nehemiah 9:23

“Ị nọ mẹ ụmụ wẹ ba ụba, e bu wẹ ọda nọkẹ kokisẹ rị elu-igwere, wẹhẹ wẹ imẹ alị hụn ị gwa ndị mụnị wẹ banye d'e weri.

Ọpụpụ 32:13

Nyanhankwọ idibo i wụ Ebraham, Aziki lẹ Izrẹlụ, ndị i kunni enwẹn i, sị, ‘M k'e mẹ ụmụ ọnụ bu ọda kẹ kokisẹ rị igwere, ye ụmụ ụnụ alịnị ile m kwe nkwa a, ọ wụrụ nke wẹ jẹnrin ejẹn.’ ”

Azaya 48:19

Nkẹ ebọn ụnụ a nọ kẹ ẹjan rị alị, nkẹ ụmụ ụnụ e bu ọda kẹ ẹjan wẹ ghalẹni a s'ẹka a gụn; m'e ke wepụ ẹfan wẹ ẹnịna, mọbụ tikpọpụ wẹ ẹnịna ebe m rị.’

Jerimaya 32:22

Ị nọ ye wẹ alị-ọmanị i kun enwẹn i kwe ndị nẹdi wẹ nkwa n'i k'e ye wẹ, alịnị mirin-ẹran lẹ mirin-ẹnwụn jun, e hu.

Jerimaya 33:22

M k'e mẹ ebọn odibo m wụ Defidi lẹ ẹbozo Livaị hụn a nọdị ihun m a rụnnị m ọrụn barahị, mẹ wẹ bu ọda kẹ kokisẹ rị igwere lẹ ẹjan rị mkpẹnrẹn ohimin, ihiẹn ẹbụbụọ wẹ ghalẹni as'ẹka a gụnmarịn.’ ”

Hosia 1:10

“K'osilẹrị, o ru ihun, ndị Izrẹlụ k'a barahị kẹ ẹjan rị ohimin, hụn wẹ ghalẹni a s'ẹka a gụnmarịn mọbụ a ma. Ezioku-ezioku, uwẹ kẹ Osolobuẹ rị nwan a sị, ‘ụnụ ẹlẹ ndị nke m.’ Kanị o ru ogẹn ahụn, uwẹ k'o k'a sịzị, ‘Ụmụ Osolobuẹ, Chuku hụn rị ndụn, kẹ ụnụ wụ!’

Hosia 2:1

“Ogẹn ahụn, ụnụ k'a rị a kpọ umunẹ ụnụ ikẹnnyẹ ‘Ami’ ya wụ onyẹ nke Osolobuẹ; a kpọ umunẹ ụnụ ikpoho ‘Ruhama,’ ya wụ ‘onyẹ wẹ mẹni omikẹn.’

Maịka 1:9

Makẹni alị Sameria a rụgụọ eje ẹhụ nwọnlẹni ọgụn! Ihiẹn ohu ahụn e kunrungụọ Juda! O rugụọdẹ nwan ọnụ-mgbọn ndị nke m, o rugụọdẹ Jerusalẹm.

Ndị Rom 4:13

Nkwa Osolobuẹ kwe Ebraham lẹ nwa a nị ụwa ile k'a wụ nke ẹ ẹlẹ ghahanị Iwu kanị ghahanị ezi-omumẹ wẹ gi okukwe e nwọnhẹn.

Ndị Rom 9:27

Nke ndị Izrẹlụ, Azaya gi wẹ yi oro, sị, “Ọsụọn'a nị ndị Izrẹlụ bu ọda kẹ ẹjan rị mkpẹnrẹn ohimin, ndị Osolobuẹ k'a zụọpụha imẹ wẹ ebukọ ọda;

Ndị Kọrẹntị Ibuzọ 15:57

Kanị ekele ya rịnị Osolobuẹ, hụn e ye ẹnyi mmẹri ghahanị Di-nwọnni-ẹnyi wụ Jesu Kristi!

Ndị Ẹfẹsọsụ 1:3

Ekele ya rịnị Osolobuẹ, hụn wụ Chuku lẹ Nẹdi Onyẹ-nwọnni-ẹnyi wụ Jesu Kristi, makẹni o yeọlẹ ẹnyi ngọzi imẹ-mmọn ile rị elu-igwee makẹni ẹnyi rị imẹ Kraịstị.

Ditrọnọmi 1:10

Osolobuẹ wụ Chuku ụnụ e mẹgụọ ụnụ bukẹmẹ ọda, nke wụ nị, ụnụ e bugụọ nwan ọda kẹ kokisẹ rị igwere —

Ditrọnọmi 1:11

Osolobuẹ wụ Chuku ndị nẹdi ụnụ ya dodo mẹ ụnụ busọnmẹkwọ ụzọ nnụ ole-lẹ-ole, gọzikwọ ụnụ k'o dọn kwe nkwa!

Ditrọnọmi 10:22

Ndị nẹdi ụnụ rịhụ madụ iri kwasị ọgụn ẹtọ sụọ kẹ wẹ shi alị Ijiptu, kanị Osolobuẹ wụ Chuku ụnụ e mẹgụọ nwan ụnụ bu ọda kẹ kokisẹ rị elu-igwere.

Ditrọnọmi 13:17

Ewerikwọlẹ ihiẹn ọwụlẹ Osolobuẹ sị o k'e tikpọ, kẹni Osolobuẹ bubehi olulu ahụn ọ rị e bu. Ogẹn hụ, o mẹni ụnụ ebere, o gi omikẹn sọn ụnụ, mẹ ụnụ ba ụba, gi e mẹzu nkwa o kun enwẹn ẹ kwe ndị nẹdi ụnụ,

Ditrọnọmi 13:18

o mẹzu ẹ, makẹni ụnụ hụ e humẹni Osolobuẹ wụ Chuku ụnụ isi, e mẹchanrịn ihiẹn ile o ku hụn m rị a gwa ụnụ tannị, e mẹ ihiẹn rị a mma ẹnya.

Ditrọnọmi 21:19

nẹdi ẹ lẹ nnẹ ẹ sikọ d'e kwọndọn ẹ ẹka, w'ẹ d'e kunrun ndị-ichẹn ọgwa obodo ẹ.

Hibru 11:12

Ya okẹnnyẹ ohuni ẹhụ a nwụnhụngụ nọ mụ ụmụ bu ọda kẹ kokisẹ rị igwere lẹ ẹjan rị mkpẹnrẹn ohimin wẹ ghalẹni a saẹka a gụn.

Hibru 6:14

“M jẹnkọ d'a gọzirịrị ị, mẹ i mụba.”

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”