Jẹnẹsisi 22:12 - Ika

¹² Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.”

Jẹnẹsisi 22:12 ပူးပေါင်းရင်းမြစ်များ

Jẹnẹsisi 20:11

Ebraham nọ sị a, “M mẹ ẹ makẹni m sị enwẹn m, ‘W'a ra tụ egun Chuku ebeni kaka akpohu; o ru tan e gi wẹ ufiri nwunyẹ m gbu m.’

Jẹnẹsisi 22:13

Ya Ebraham nọ weshi isi elu, ọ nọ hụn ebulu mpịn a fatọ akụ-ọfịa rị ebẹhụ. Ọ nọ jẹn d'e buru ẹ, gi ẹ chụnyeni Osolobuẹ ẹjan wẹ dụn ọkụn hụn o te k'e gi nwa a chụn.

Jẹnẹsisi 22:16

sị Ebraham, “Mmẹ wụ Osolobuẹ e kungụọ enwẹn m, nị, ufiri ihiẹnni i mẹ, ufiri nị y'a jụnị nị y'e yekọ m nwa ị, akpụ nwa ohu i nwọn,

Jẹnẹsisi 22:2

Osolobuẹ a sị a, “Weri nwa ị, akpụ nwa ohu ahụn ị mụ, hụn ihiẹn ẹ a sụọ ị ọda-ọda, y'e shi alị Moria, n'i gi ẹ chụnnị m ẹjan w'a dụn ọkụn elu ugu m k'a ghọsị ị ebẹhụ.”

Jẹnẹsisi 26:5

makẹni Ebraham gi oku m dọn, mẹ ihiẹn m chọ lẹ ihiẹn m sị a mẹ, dọnmẹsọnmẹ iwu m lẹ uhi m.”

Jẹnẹsisi 42:18

Nke akp'ọhịn ẹtọ, Josẹfụ nọ sị wẹ, “Nị m gwa ụnụ ihiẹn ụnụ k'e mẹ makẹ wẹ gha e gbu ụnụ, makẹni egun Chuku a tụ m a tụ:

Nehemiah 5:15

Kanị, ndị gọvanọ bu m ụzọ kị buye wẹ okẹn ibu, d'e ru ebe wẹ nọ sị wẹ tụhamanị wẹ ihiẹn-oriri lẹ manya lẹ akpụrụ egho siliva ọgụnnaị ụhụọhịn-ụhụọhịn; ndị ọrụn ndị gọvanọ a kịgbudẹ wẹ a kịgbu. Kanị, emẹni m ẹrịra, makẹ egun Osolobuẹ.

Jobu 1:1

O nwọn okẹnnyẹ ohu bi alị Uzu; ẹfan a wụ Jobu. Okẹnnyẹni wụ onyẹ ezioku; onwọn nkọrịanị; ọ tụ egun Chuku; ara gi eje-ihiẹn mẹ ẹhụ.

Jobu 28:28

Ya ọ nọ sị ịhịan, ‘Ịtụ egun Osolobuẹ — ịya wụ amamihiẹn, ịjụ eje-ihiẹn — ịya wụ nghọta.’ ”

Jobu 5:19

Osolobuẹ k'a gbapụhadẹ i imẹ eje-ihiẹn isin — ọsụọn'a ẹsa, erukọ wẹ i ẹhụ.

Ẹbụ-ọma 1:6

Osolobuẹ rị onyẹ ezi-omumẹ azụụn ụzọ hụ ọ ghakọ, kanị ụzọ ndị-njọ shikọ ntikpọ.

Ẹbụ-ọma 111:10

Ịtụ egun Osolobuẹ wụ mbidọn amamihiẹn; ndị gi ẹ e bi e nwọnrin ezigbo nghọta. Ịja-mma k'a rịnị Osolobuẹ jẹnrin ejẹn.

Ẹbụ-ọma 147:11

Ihiẹn a sụọ Osolobuẹ wụ ndị hụn a tụ egun ẹ, ndị bu obi tụkwasị ihiẹn-ọsụsụọ a.

Ẹbụ-ọma 2:11

Gi ni egun fe Osolobuẹ; e gi ni egun Osolobuẹ a ghọghọ.

Ẹbụ-ọma 25:12

Onyẹ wụ nwan onyẹ ahụn a tụ egun Osolobuẹ? Osolobuẹ k'e zin ẹ k'o dọn gha ụzọ ọ họtọn'a.

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Ọpụpụ 20:20

Mozizi nọ sị wẹ, “Atụlẹ ni egun. Osolobuẹ bịa d'e lele ọnụ, kẹni egun Osolobuẹ tụma ụnụ, mẹ ọnụ gbanị njọ ọsọ.”

Itẹn 1:7

Ịtụ egun Osolobuẹ kẹ ịhịan gi e nwọnmẹ amamihiẹn; ndị-nzuzu e legberi amamihiẹn lẹ ọzụnzụn.

Ẹkịliziastisi 12:13

Ẹnyi a nụgụọ nwan ihiẹnni ile; lee nwan nkịkwama ihiẹn ile: Tụ egun Chuku; e mẹ ihiẹn o ku — ịya wụ ogbo ịhịan ile.

Jerimaya 19:5

A tụnsọnmẹgụọ wẹ ukpo wẹ nọ a rụa Baalụ, a nọ imẹ wẹ a kpọ ụmụ wẹ ọkụn, gi chụnyeni Baalụ ẹjan. Onwọnni ogẹn m gi sị wẹ mẹ ihiẹn nọ ẹnịna mọbụ kud'ẹ oku ẹ; uche m a gbatudẹn'ẹ.

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Matiu 16:24

Ya Jizọsị nọ sị ndị nsọnmazụụn a, “Onyẹ chọ n'o sọn m, ya jụkwọ enwẹn ẹ, buru obe ẹ, sọnmẹ m.

Matiu 19:29

Onyẹ gi ufiri m latọ ezi-lẹ-ụlọ mọbụ umunẹ-ikẹnnyẹ mọbụ umunẹ-ikpoho mọbụ nẹdi mọbụ nnẹ mọbụ ụmụ mọbụ alị o nwọn jẹnkọ d'e nwọnhẹn wẹ mmagi-mmagi ụzọ ọgụn-isẹn, nwọnhẹnzikwọ ndụn itẹbitẹ.

Matiu 5:16

Ẹrịra kẹ ụnụ k'a nịzị ukpẹ ụnụ e nwun hụn ịhịan e legha, kẹni wẹ a hụn ọrụn-ọma ụnụ, e gi ẹ a ja Nẹdi ụnụ rị elu-igwee mma.

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Ọrụn Ndị-ozi 9:31

Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.

Ndị Rom 5:8

Kanị, nke Osolobuẹ, ọ ghọsịgụọ ẹnyi n'o nwọn ihiẹn-ọsụsụọ ẹnyi ọda-ọda ebe Kraịstị nọ nwụnnị ẹnyi kẹ ẹnyi rịkwọ imẹ njọ!

Ndị Rom 8:32

Omẹni Osolobuẹ etuni nị Nwa a rọ, kama, o gi ufiri ẹnyi ile we ẹ ye, o yechanrịnkọ ẹnyi ihiẹn ndị ọzọ ile?

Ndị Kọrẹntị Ibuzọ 10:13

Onwọnni ọnwụnwan ka ịhịan hụn bịatuni ụnụ. Osolobuẹ furu wẹ e gi dọn ẹnya, ọ nịkọ hụn ka ụnụ ẹka kunrun ụnụ. Kama, n'ọ nọghọdẹ ọnwụnwan ile k'e kunrun ụnụ ghọsị ụnụ kẹ ụnụ a dọn dingbu ẹ.

Ndị Kọrẹntị Nke Ẹbụọ 8:12

Makẹni, omẹni ịhịan wepụha obi ẹ ile n'o ye, hụn o nwọn kẹ wẹ e lee ẹnya a narịn a ya, ẹlẹ hụn o nwọnlẹni.

Hibru 11:19

Ebraham sị enwẹn ẹ nị Osolobuẹ k'a sadẹ ẹka weli onyẹ nwụnhụnnị. Ya wụ nwan n'ọ ghaghọ ọnwụn nwọnhẹnzi Aziki nke-esi!

Hibru 12:28

Ebe o mẹ nwan nị ẹnyi rị e nwọnhẹn alị-eze wẹ ghalẹni a saẹka e zinzinpụ, nị ẹnyi kpanmịn nị Osolobuẹ, gi egun Osolobuẹ lẹ mgbaye fe Osolobuẹ ofufe ọ k'a nabanhan;

Jemisi 2:18

Kanị, o nwọn onyẹ k'a sị, “Nke i wụ okukwe, nke m wụ ọrụn.” Azịza m wụ, “Ghọsị m okukwe i ahụn i gilẹni rụn ọrụn. Mmẹ nwẹn, m jẹnkọ d'e gi ọrụn m ghọsị ị okukwe m.”

Rẹvẹleshọnụ 19:5

Olu nọ gha ukpo hụ sị, “Ja nị Chuku ẹnyi mma, ụnụ idibo ẹ ile lẹ ndị ile a tụ egun ẹ, kẹ onyẹ-uku kẹ onyẹ-nta!”

Samuẹlụ Nke Ibuzọ 15:22

Kanị Samuẹlụ nọ sị a, “Ẹjan w'a dụn ọkụn lẹ ẹjan mmaka kadẹ nwan Osolobuẹ a sụọ karị igi oku ẹ dọn ra? Lee ẹnya, ihumẹ-isi ka ịchụn-ẹjan mma; i mẹ ihiẹn wẹ sị ị mẹ ka iye ụtọrọ ebulu mma.