Jẹnẹsisi 21:6 - Ika

⁶ Ya Sẹra nọ sị, “Osolobuẹ e mẹgụọ m mụ ẹmụ; onyẹ ọwụlẹ nụ ihiẹnni k'e sọn m mụ ẹmụ!”

Jẹnẹsisi 21:6 ပူးပေါင်းရင်းမြစ်များ

Jẹnẹsisi 17:17

Ebraham nọ tụha enwẹn ẹ ye alị, bu ihun kpumẹ alị, mụ ẹmụ, sị enwẹn ẹ, “Nị okẹnnyẹ rị nwa ahụa ọgụn-isẹn saẹka mụ nwa? Nị Sẹra hụn rị nwa ahụa iri kwasị ọgụn-ẹnọ saẹka mụ nwa?”

Ẹbụ-ọma 113:9

O ye agan ezi-lẹ-ụlọ, gi ẹ họnrin nnẹ-ọmụmụ ẹfọ rị a sụọ ụsụọ. Ja nị Osolobuẹ mma.

Ẹbụ-ọma 126:2

Ẹmụ e jun ẹnyi nti, ẹbụ ịghọghọ e jun ẹnyi ọnụ! Ya kẹ alị ndị ọzọ nọ sị, “Osolobuẹ e mẹgụọnị ndịnị okẹn-ihiẹn!”

Azaya 49:15

Nị okpoho zọ nwa ọ rị e ye ẹran, o mẹni omikẹn nwa ẹfọ a? Ọsụọn'a nị okpoho k'a s'ẹka zọ nwa a, azọkọ m'ị!

Azaya 49:21

Ogẹn ahụn, ị k'a sị enwẹn i, ‘Onyẹ mụnị m ụmụ ndịnị wẹ?! Wẹ te gbunarịn ụmụ m ile, m nọ gbarị ẹka; wẹ te kpụnshi m alị ọzọ, jụ m. Onyẹ zụn nwan ndịnị wẹ? Mmẹ sụọ te họdụ. Elebe kẹ ndịnị wẹ gha nwan bịa?’ ”

Azaya 54:1

Ịyụ wụ agan, bụma ẹbụ — ịyụ hụn mụtulẹni nwa! Bụma ẹbụ, yimẹ oro ịghọghọ, ịyụ hụn imẹ mẹtulẹni! Makẹni, ụmụ okpoho nwẹn wẹ latọ jẹnkọ nwan d'e bu ọda karị nke okpoho ya lẹ di ẹ rịchanrịn. Ya kẹ Osolobuẹ ku.

Jerimaya 20:15

Ọnụ-ẹsọn ya rịnị onyẹ hụn gwa nẹdi m nị a mụ wẹ m, onyẹ hụn mẹ ẹ ghọghọma, onyẹ hụn sị a, ‘Y'a mụgụọ nwa — okẹnnyẹ rọ!’

Luku 1:14

Ụnụ jẹnkọ d'a ghọghọ, ẹfọ a sụọ ụnụ ụsụọ; ọmụmụ a k'e mẹ ndị bu ọda ghọghọ,

Luku 1:58

Ndị bikunmẹn'ẹ lẹ ndị nke wẹ a nụ nị Di-nwọnni-ẹnyi e mẹgụọn'a ọhụnma, wẹ nọ sọn ẹ ghọghọ.

Ndị Rom 12:15

Sọn ni ndị rị a ghọghọnị ghọghọ, ụnụ e sọn ndị rị a kwannị kwan.

Hibru 11:11

Okukwe kẹ Sẹra nkẹ gi saẹka mụ nwa, ọsụọn'a n'ọ karịgụọ hụn a mụ nwa, makẹni o gi ẹ dọn nị Chuku hụn kwe nkwa furu wẹ gi e dọn ẹnya.

Samuẹlụ Nke Ibuzọ 1:26

Hana nọ sị a, “Diọkpa, mmẹ nwa ị rọ! Ma isi i, mmẹ wụ okpohonẹi wuzo ebeni ogẹnnẹi e mẹ ekpere a rịọ Osolobuẹ.