Jẹnẹsisi 21:16 - Ika

¹⁶ Ya nwẹn nọ pụ ebẹhụ, shi ebe tekarị ebe ụta e ru d'a nọdị alị, ọ sị enwẹn ẹ, “Asa m ẹka e lee nwatanị ọ hụ a nwụn.” Ọ nọ gha ebẹhụ ọ rị azụụn hụn ẹbọ kwanshi ẹkwan elu.

Jẹnẹsisi 21:16 ပူးပေါင်းရင်းမြစ်များ

Jẹnẹsisi 21:15

Ogẹn mirin rị ẹkpoko wẹ gi gụ; ọ nọ la nwa-ndu ahụn tọ igungun rị akụ-ọfịa ebẹhụ.

Jẹnẹsisi 27:38

Isọ a sị nẹdi ẹ, “Euu Baba, ya wụ ngọzi ohu sụsụọ k'i nwọn? Euu Baba, gọzi m; gọzizi mmẹ nwẹn!” Ya Isọ nọ kwan ezigbo ẹkwan, a nụ wẹ olu ẹ.

Jẹnẹsisi 29:11

Ya Jekọpụ nị susu Rechẹlụ ọnụ, kwan ẹkwan, a nụ wẹ olu ẹ.

Jẹnẹsisi 44:34

Nanị m'a dọn laburu nẹdi m bụ ẹlẹ mmẹ lẹ nwa-nduni wị? Mba-o! Obi m echekọ eje-ọnọdị nẹdi m k'a rị!”

Ndị-nze Nke Ibuzọ 17:12

Kanị okpoho nwẹn nọ sị a, “Ma Osolobuẹ wụ Chuku i, enwọn m brẹdi, ọka wẹ gweriẹn k'e junhụ ọb'ẹka ohu sụọ kẹ m nwọn, ya lẹ ofugbọn-olivu mẹ ẹkẹrẹ họdụ imẹ ọgọ. M rịhụ a kparị ẹkẹrẹ nkụn m bulakọ, nị m d'e shini mmẹ lẹ nwa m ya — ẹnyi rigụ a, ẹnyi e cheri nị ẹgụn gbu ẹnyi.”

Ndị-nze Nke Ibuzọ 3:26

Ya okpoho hụn mụ nwa hụ rị ndụn nọ gi omikẹn nwa a rị e mẹn'ẹ, sị eze, “Di-nwọnni m, dodo, we nwa hụ rị ndụn ye ẹ! Egbulẹ ẹ!” Kanị hụn ẹbọ sị, “Kẹ mmẹ kẹ ịyụ, onwọnni hụn k'e wen'ẹ. Wẹ be ẹ ẹbụọ!”

Ẹsta 8:6

Nanị m'a dọn saẹka din ẹ omẹni eje-ihiẹn m hụngụ e kunrun ndị nke m? Nanị m'a dọn saẹka din ẹ omẹni e gbuchanrịn wẹ ndị nke m?”

Azaya 49:15

Nị okpoho zọ nwa ọ rị e ye ẹran, o mẹni omikẹn nwa ẹfọ a? Ọsụọn'a nị okpoho k'a s'ẹka zọ nwa a, azọkọ m'ị!

Jerimaya 6:26

“Heuu, ndị nke m, yiri ni ẹkwa-achọ, ụnụ e kperemẹ imẹ ntụn; kwan nị ụya kẹ onyẹ akpụ nwa-okẹnnyẹ ohu nwụnnahịn, makẹni onyẹ e tikpọnị lala idẹnmizi d'e tikpọ ẹnyi!”

Emọsụ 8:10

M k'a napụ ụnụ oriri ụnụ, ye ụnụ ẹkwan, napụ m ụnụ ẹbụ, ye ụnụ ịkwan-ụya. M k'e mẹ ụnụ ile yirisọnmẹ ẹkwa-achọ, mẹ ụnụ ile kpụnpụ ntutu. M k'e mẹ ẹ n'ọ rịkẹ ebe wẹ rị a kwan akpụ nwa-okẹnnyẹ ohu; eje-ogẹn e lu ilu k'o k'a wụ!”

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Luku 15:20

“Ya ọ nọ buli, buru nẹdi ẹ. Kanị, ebe ọ rị ebe teni, nẹdi ẹ nọ lechen'ẹ; omikẹn nwa a nọ mẹ nẹdi ẹ ọda-ọda, ọ nọ gbaburu nwa a, dide ẹ, susu ẹ ọnụ.

Ndị Han Eṅẹn 2:4

Ogẹn mmọn-ozi Osolobuẹ hụ gi gwagụ ndị Izrẹlụ ile ihiẹn ndịnị, wẹ nọ kwan ezigbo ẹkwan.

Rutu 1:9

Osolobuẹ ya yezi onyẹ-onyẹ imẹ ụnụ di, mẹ n'ọ rịnị ụnụ mma iwe di.” Ya kẹ Nahomi nọ dide wẹ, wẹ nọ kwan ezigbo ẹkwan hụn ịhịan a nụ.

Samuẹlụ Nke Ibuzọ 24:16

Mgbe Defidi gi kugụ ihiẹnni, Sọlụ nọ sị, “Defidi nwa m, ịyụ rị e ku? Sọlụ nọ kwanma ẹkwan, kwanshi elu.”

Samuẹlụ Nke Ibuzọ 30:4

Ya kẹ Defidi wẹ nọ kwanma, kwan a, ndụn ẹkwan a gụ wẹ.