Jẹnẹsisi 20:17 - Ika

¹⁷ Ebraham nọ nwan mẹ ekpere, kpọku Osolobuẹ, Osolobuẹ nọ zụọ Abimẹlẹkị, zụọzịkwọ nwunyẹ ẹ lẹ igbọn ẹ ikpoho, wẹ nọ mụma ụmụ —

Jẹnẹsisi 20:17 ပူးပေါင်းရင်းမြစ်များ

Jẹnẹsisi 12:17

Kanị, Osolobuẹ nọ tụ Fẹro lẹ ndị rị obi-eze ẹ emu ichẹn-ichẹn — makẹ ufiri Saraị nwunyẹ Ebram.

Jẹnẹsisi 20:7

Wekinni nwan okẹnnyẹ ahụn nwunyẹ ẹ, makẹni onyẹ-amụma k'ọ wụ; o k'e mẹni i ekpere, y'a rị ndụn. Kanị omẹni y'e wekinn'ẹ azụụn, marịnkwọ n'i sikọ d'a nwụnhụnrịrị, yụ lẹ ndị nke i ile.”

Jẹnẹsisi 29:31

Ogẹn Osolobuẹ gi hụn a nị ihiẹn Lia asụọnị Jekọpụ, ya ọ nị kpupụ ẹkpa-nwa Lia, kanị Rechẹlụ a wụrụ agan.

Ẹzra 6:10

kẹni w'a chụnyeni Osolobuẹ elu-igwee ẹjan hụn a sụọ a ụsụọ, e mẹni eze lẹ ụmụ a ekpere.

Jobu 42:8

Weri ni nwan okẹn-efin ẹsa lẹ ebulu ẹsa d'e kunrun odibo m wụ Jobu; gi ni wẹ chụnnị enwẹn ụnụ ẹjan w'a dụn ọkụn — odibo m wụ Jobu e mẹni ụnụ ekpere, e gi m ufiri Jobu nụ ekpere hụ, amamgbe m'e ye ụnụ afụnfụn makẹ nzuzu ụnụ zuzu — makẹni ụnụ ekuni ihiẹn ụnụ ku banyeni m ọhụnma, kẹ odibo m wụ Jobu dọn ku.”

Itẹn 15:29

Osolobuẹ a nọte anọte ebe ndị eje-omumẹ rị, kanị ọ nụ ekpere ndị ezi-omumẹ.

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Azaya 45:11

Lee ihiẹn Osolobuẹ ku, Osolobuẹ, Onyẹ-nsọ Izrẹlụ lẹ onyẹ hụn ken'ẹ, ọ sị: ‘N'i gidẹ nwan oku ihiẹn lalanị jụma m njụ banyeni ụmụ m, ra n'ị gwamadẹ m ihiẹn m k'e gi ihiẹn m ke mẹ?

Ọgụngụn 12:13

Ya Mozizi nọ kpọku Osolobuẹ, sị, “Osolobuẹ, dodo zụọ a!”

Ọgụngụn 21:7

Wẹ nọ bịa d'e kunrun Mozizi, sị, “Ẹnyi mẹ njọ ebe ẹnyi nọ kuja oku Osolobuẹ lẹ oku i. Dodo, mẹ ekpere nị Osolobuẹ wepụnị ẹnyi agwọ ndịnị.” Mozizi nọ mẹni wẹ ekpere.

Matiu 21:22

Ihiẹn ọwụlẹ ụnụ mẹ ekpere rịọ, kweri ni ụnụ k'e nwọnhẹn ẹ, ụnụ k'e nwọnhẹn ẹ.”

Matiu 7:7

“Rịọ nị, wẹ sikọ d'e ye ụnụ; chọ nị, ụnụ k'a hụn; dụ nị ẹka, wẹ k'a kpọpụnị ụnụ ụzọ.

Ọrụn Ndị-ozi 3:24

“Ndị-amụma ndị ọzọ ile zi ozi e kuzighọ oku ihiẹn ndịnị rị e mẹ ogẹnni, ghakwọrị Samuẹlụ d'e ru ndị amụma ndị ọzọ ile.

Ndị Filipi 4:6

Ehuelẹ ni uhue ihiẹn ọwụlẹ; imẹ ihiẹn ile, e gi ni ekpere lẹ arịrịọ lẹ iye-ekele a gwa Osolobuẹ ihiẹn rị ụnụ mkpa.

Ndị Tẹsalonika Ibuzọ 5:25

Umunẹ, e mẹ ni ni ẹnyi ekpere!

Jemisi 5:16

A gwaghọsị nị nwan ibe ụnụ njọ ụnụ mẹ, e mẹni ni ibe ụnụ ekpere, kẹni ụnụ hụn ụzọ dịnhịn. Ekpere onyẹ ezi-omumẹ nwọn ikẹn ọda-ọda; ọ rụnka.