Jẹnẹsisi 2:17 - Ika

¹⁷ ka amakwọlẹ ama ri mkpụrụ osisi ahụn wẹ gi a marịn ihiẹn rị mma lẹ ihiẹn rịlẹni mma. Makẹni, ụhụọhịn i ri ẹ kẹ y'a nwụnhụn.”

Jẹnẹsisi 2:17 ပူးပေါင်းရင်းမြစ်များ

Jẹnẹsisi 2:9

Osolobuẹ wụ Chuku nọ mẹ ụdị osisi ile rị mma ẹnya lẹ ndị rị mma w'e ri gha alị suepụha — kẹ osisi ahụn e ye ndụn hụn rị etintinnaị ugbo ahụn kẹ osisi ahụn wẹ gi a marịn ihiẹn rị mma lẹ ihiẹn rịlẹni mma.

Jẹnẹsisi 20:7

Wekinni nwan okẹnnyẹ ahụn nwunyẹ ẹ, makẹni onyẹ-amụma k'ọ wụ; o k'e mẹni i ekpere, y'a rị ndụn. Kanị omẹni y'e wekinn'ẹ azụụn, marịnkwọ n'i sikọ d'a nwụnhụnrịrị, yụ lẹ ndị nke i ile.”

Jẹnẹsisi 3:11

Ya kẹ Osolobuẹ nọ sị a, “Onyẹ gwa ị n'ị gba ọtọ? I ridẹ nwan mkpụrụ osisi ahụn m sị ị yụ erilẹ ra?”

Jẹnẹsisi 3:17

Ọ nọ nwan sị Adam, “Ufiri nị y'e giọlẹ oku nwunyẹ i dọn, ri mkpụrụ osisi ahụn m tin'i iwu, sị ị erilẹ, m rị nwan e gi ufiri i a bụ alị ọnụ: i k'a tama ezigbo afụnfụn rụn ugbo i kebe hụn ihiẹn i k'e ri y'e we nwụn.

Jẹnẹsisi 3:19

Ọbanje k'e sugụ ị i kebe hụn ihiẹn-oriri d'e ru mgbe i kin azụụn imẹ alị — makẹni alị kẹ m nọ weri i: ẹghẹẹ, ẹjan kẹ ị wụ; ẹjan kẹ y'a la.”

Ndị-nze Nke Ibuzọ 2:37

I ma-ama, fetu Ọdanmgbugbu Kidrọnụ, marịnkwọ n'ị k'a nwụnrịrị. Ya wụ yụ gbu enwẹn i, ẹdeke i a rị ị isi.”

Ndị-nze Nke Ibuzọ 2:42

eze nọ kpọ Shimei, sị a, “Ẹlẹ m mẹ i kun Osolobuẹ, gba ị mkpịnsịn-ẹka ẹnya, sị ị, ‘Ụhụọhịn ị k'a gha Jerusalẹm pụ, jẹn ebe ọwụlẹ, yụ marịnkwọ n'ị k'a nwụnrịrị’? Ya ị nọ sị m ụhụọhịn hụ, ‘Ihiẹn i ku hụ mma. M jẹnkọ d'e mẹ k'i dọn ku.’

Jerimaya 26:8

Hụn Jerimaya gihụ kugụ ihiẹn ile Osolobuẹ sị a gwa ịhịan ile rị ebahụn, ndị nchụn-ẹjan lẹ ndị-amụma lẹ ndị ọzọ ile rị ebẹhụ nọ kwọndọn ẹ, sị a, “I k'a nwụnrịrị!

Izikẹlụ 18:13

omẹni o zinye egho makẹni ọ chọkọ ọmụnịnwa mọbụ a nadẹ ọmụnịnwa kaka. Ọ rịkọ ndụn! Makẹni o mẹgụọ arụnị ile, wẹ k'e gburịrị a; ẹdeke ẹ k'a rị a isi.

Izikẹlụ 18:32

Osolobuẹ Nwọn Ihiẹn Ile sị, ‘Ara sụọ m nị ịhịan nwụn. Bihutọ nị nwan ẹka, kẹni ụnụ rị ndụn.’

Izikẹlụ 18:4

Makẹni mmẹ nwọn ndụn ịhịan ile, kẹ nke nẹdi kẹ nke nwa — mmẹ nwọn wẹ ile. Onyẹ hụn mẹ njọ nwọn nwụn.

Izikẹlụ 33:14

O mẹzikwọ nị m sị eje-ịhịan, ‘Ị k'a nwụnrịrị!!’ kanị o bihutọ ẹka, mẹmẹ ihiẹn furuni, mẹmẹ ezi-omumẹ —

Izikẹlụ 33:8

M sị eje-ịhịan, ‘Eje-ịhịan, ị k'a nwụnrịrị!!’ bụ y'a gwan'a kẹni ọ latọ eje-obibi ẹ, eje-ịhịan hụ k'e gi ufiri njọ a nwụn. Kanị ẹka ị kẹ m'a nọ chọ ẹdeke ẹ.

Ọgụngụn 26:65

Makẹni Osolobuẹ a gwatọgụọ ndị Izrẹlụ ahụn nị wẹ sikọ d'a nwụntọrịrị atụ; onwọnni nwan onyẹ họdụ imẹ wẹ karị Kalẹbụ nwa Jefunẹ lẹ Joshụa nwa Nọnụ.

Ndị Rom 1:32

A marịnghọ wẹ nị Osolobuẹ sị ndị e mẹ ihiẹn nọ ẹrịra furu hụn a nwụnhụnnị, kanị ẹlẹni w'e mẹ wẹ sụọ, w'a kwadọnzidẹ ndị e mẹni wẹ.

Ndị Rom 6:16

Ụnụ amarịn nị onyẹ ụnụ we enwẹn ụnụ ye nị ịya kẹ ụnụ e humẹni isi kẹ ụnụ wụ igbọn ẹ? Omẹni njọ rọ, o buhẹ ọnwụn; omẹni ihumẹ-isi rọ, o buhẹ ezi-omumẹ.

Ndị Rom 6:23

Makẹni, ụgwọ njọ wụ ọnwụn, kanị ihiẹn-ọfẹ Osolobuẹ e ye wụ ndụn itẹbitẹ hụn rị imẹ Jizọs Kraịstị Di-nwọnni-ẹnyi.

Ndị Rom 8:2

Makẹni, ọkịkị ahụn Mmọn-nsọ gi e ye ndụn imẹ Jesu Kristi a gbapụhagụọ ẹnyi ẹka ọkịkị ahụn njọ gi e buhẹ ọnwụn.

Ndị Kọrẹntị Ibuzọ 15:22

Makẹni, kẹ ịhịan ile dọn a nwụnhụn makẹni wẹ lẹ Adam wụ ohu, ẹrịra kẹ ịhịan ile a dọn gha ọnwụn lihi makẹni wẹ lẹ Kraịstị wụ ohu.

Ndị Kọrẹntị Ibuzọ 15:56

Ihiẹn ọnwụn gi e gbu wụ njọ; ikẹn njọ wụ Iwu.

Ndị Galeshịa 3:10

Ndị hụ gi idọnmẹ Iwu e dọn ẹnya a wụrụọlẹ ndị wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ ghalẹni e dọnmẹ ihiẹn ile wẹ de imẹ ẹhụhụọ Iwu e họnringụọ onyẹ wẹ bụ ọnụ!”

Ndị Ẹfẹsọsụ 5:14

makẹni ukpẹ nwunkpuhụ ihiẹn, o họnrin ukpẹ. Ya haịn Ẹkụkwọ-nsọ gi sị, “Onyẹ-ụran, tẹnhin! Gha ọnwụn lihi, kẹni Kraịstị nwunkpu i.”

Ditrọnọmi 27:26

“Ịbụ-ọnụ ya rịnị onyẹ hụn jụ n'o dọnmẹkọ ihiẹn ndị rị iwuni gi kwadọn wẹ.” Ịhịan ile sị, “Isẹẹ!”

Ditrọnọmi 30:15

Lee n'ẹ, m rị e butọnị ụnụ ndụn lẹ aghamihun tannị, e butọzịnị ụnụ ọnwụn lẹ ntikpọ.

Ditrọnọmi 30:19

M ri a kpọ elu-igwee lẹ elu-ụwa ọshẹri tannị nị e butọgụọnị m ụnụ ndụn lẹ ọnwụn, ngọzi lẹ ọnụ-ẹsọn. Hanrịn nị nwan ndụn nị ụnụ lẹ ụmụ ụnụ hụn ụzọ rị ndụn

Ndị Kolosị 2:13

Ụnụ te nwụnhụn anwụnhụn yeni mmẹfie lẹ obibi ndị wẹ kwalẹni ezigbo ugun wepụ onyẹ wẹ te wụ, kanị Osolobuẹ nọ mẹ ụnụ sọn Kraịstị rị ndụn, ọ gbagharị ẹnyi njọ ile ẹnyi mẹ.

Timoti Ibuzọ 5:6

Kanị, hụn rị e bi obibi ẹhụ-ufu anwụnhụngụọ, ọsụọn'a nị ọ rị ndụn.

Jemisi 1:15

Ihiẹn-ọlịlẹnya kẹnrẹngụ, ọ mụ njọ; njọ karagụ, ọ mụ ọnwụn.

Jọnụ Ibuzọ 5:16

Onyẹ hụn nwẹnẹ ẹ k'ọ rị e mẹ njọ, njọ hụn ghalẹni ẹ buhẹ ọnwụn, ya mẹn'ẹ ekpere, Chuku k'e ye nwẹnẹ ẹ hụ ndụn — ọnwan wụ nke ndị hụn mẹ njọ ghalẹni e buhẹ ọnwụn. Njọ e buhẹ ọnwụn rị arị: asịnị m ụnụ mẹni onyẹ mẹ ọhụn ekpere.

Rẹvẹleshọnụ 2:11

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ mẹri, ọnwụn nke ẹbụọ erukọ a ẹhụ.’

Rẹvẹleshọnụ 20:14

Ya wẹ nọ tụ Ọnwụn lẹ Alị-mmọn ye imẹ odiyiri ọkụn hụ. Odiyiri ọkụnnị wụ ọnwụn nke mgbe ẹbụọ.

Rẹvẹleshọnụ 20:6

Ndị k'a gha ọnwụn lihi olihi ibuzọnị e nwọnkẹ ngọzi; wẹ rị nsọ. Ọnwụn nke mgbe ẹbụọ erukọ wẹ ẹhụ, kama, wẹ k'a wụ ndị nchụn-ẹjan Osolobuẹ lẹ Kraịstị, wẹ k'e sọn Kraịstị kị ahụa nnụ-uku.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Ndị Han Eṅẹn 3:2

O mẹhụ ihiẹnni n'o gi kuzi ụmụ Izrẹlụ lụtulẹni agha kẹ wẹ dọn a lụ agha.

Samuẹlụ Nke Ibuzọ 14:39

Ma Osolobuẹ hụn gbapụha Izrẹlụ, onyẹ mẹ njọ hụ jẹnkọ d'a nwụnrịrị, ọ sụọn'a Jonatanị nwa m rọ!” Kanị onwọnni onyẹ agha ku ihiẹn ọwụlẹ.

Samuẹlụ Nke Ibuzọ 14:44

Sọlụ nọ sị, “Chuku ya mẹ m ihiẹn, mẹshidẹ m'ẹ ikẹn, omẹni ịyụ wụ Jonatanị a nwụnnị!”

Samuẹlụ Nke Ibuzọ 20:31

Omẹni nwa Jese ahụn anwụnnị, onwọnni mgbe yụ lẹ alị eze i e gi turu. Zi wẹ nwan d'e wẹhẹni m'ẹ, makẹni o k'a nwụnrịrị!”

Samuẹlụ Nke Ibuzọ 22:16

Kanị eze nọ sị a, “Ahimẹlẹkị, ị k'a nwụnrịrị, kẹ ịyụ kẹ ikpụlọ nẹdi i ile!”