Jẹnẹsisi 18:7 - Ika

⁷ Ọ nọzị gbashi ebe anụmanụ a rị; o weri nwa-efin ohu mẹ pọkọ-pọkọ, rị mma; ọ nọ we ẹ ye odibo ẹ ohu; odibo hụ nọzị jẹnmẹ d'e mẹmẹ anụ ahụn ozigbo.

Jẹnẹsisi 18:7 ပူးပေါင်းရင်းမြစ်များ

Jẹnẹsisi 18:6

Ya Ebraham nọ gbaban mmụlọ d'e kunrun Sẹra, sị a, “Ozigbo-ozigbo, marịn ọka-witi ahụn pụ-ichẹn wẹ gwe; gwọ a, n'i gi ẹ mẹmẹ brẹdi.”

Jẹnẹsisi 18:8

Ya Ebraham nọ bupụhanị wẹ mirin-ẹran anụ kpụkpụrụnị lẹ hụn kpụkpụrụlẹni lẹzi anụ nwa-efin ahụn wẹ mẹmẹgụ; ọ nọ nwan turuyeni wẹ okpuru osisi ebẹhụ ebe wẹ rị e ri ihiẹn-oriri ahụn.

Jẹnẹsisi 19:3

Kanị, ọ rịọkẹnmẹ wẹ; wẹ nọ kweri sọnmẹ ẹ shi iwe ẹ. Ọ nọ mẹmẹni wẹ ihiẹn-oriri hi ogbe, mẹmẹdẹni wẹ brẹdi yisti rịlẹni ozigbo-ozigbo. Wẹ nọ ri.

Emọsụ 6:4

O k'a jọ ụnụ njọ, ụnụ ndị rị e ri ụwa — e dinẹ bẹdi magbu enwẹn ẹ mma wẹ gi eze ẹnyi rụn, a danchanpụ elu oche wẹ rụn kẹ bẹdi, e ri anụ efin lẹ anụ atụnrụn wẹ zụntọ, e rijun ẹfọ;

Malakaị 1:14

“Ọ rịkọnị onyẹ-ntụ hụ mma, onyẹ hụn nwọn ebulu rị mma imẹ anụ a, kwe nkwa nị ịya k'o k'a chụnyeni Osolobuẹ, kanị ogẹn ru ọ chụnyen'ẹ hụn ẹhụ a zulẹni! Makẹni, okẹn Eze w'a gbaye ẹfan a imẹ alị ndị ọzọ kẹ m wụ. Ya kẹ Osolobuẹ ihiẹn ile rị okpuru ẹ ku.”

Matiu 22:4

O zizi idibo ọzọ, sị, ‘Gwa nị ndị hụ wẹ kpọ oriri, sị, “Lee n'ẹ, a kwademẹgụọ m oriri m; e gbuọlẹ m okẹn-efin m lẹ ụmụ-efin m zụntọ. A kwademẹgụọ m ihiẹn ile; bịa nị oriri-agbamẹkụkwọ hụ.” ’

Luku 15:23

Wepụha nị nwa-efin ahụn kachanrịn mma ẹnyi zụntọ nị ẹnyi gbu ẹ! Nị ẹnyi ri ni oriri, nị ẹnyi ghọghọ —

Luku 15:27

Odibo hụ nọ sị a, ‘Nwẹnẹ i bịa abịa; nẹdi i e gbugụọ nwa-efin ahụn kachanrịn mma ọ zụntọ, makẹni ọ lụaha udọn lẹ ndọnkwa, onwọnni ihiẹn mẹn'ẹ.’

Luku 15:30

Kanị, nwa ị nị gigụ ihiẹn i ile bu ịgbaraja a lụa nwan, y'e gbun'ẹ nwa-efin hụ kachanrịn mma ẹnyi zụntọ!!’

Samuẹlụ Nke Ibuzọ 28:24

Okpoho hụ nwọn nwa-efin ọ zụntọ ụlọ. Ọ nọ gbu ẹ ọgbahu-ọgbahu, kpọnrin ọka wẹ gwe, gwọ a, gi ẹ mẹmẹ brẹdi yisti rịlẹni.