Jẹnẹsisi 18:6 - Ika

⁶ Ya Ebraham nọ gbaban mmụlọ d'e kunrun Sẹra, sị a, “Ozigbo-ozigbo, marịn ọka-witi ahụn pụ-ichẹn wẹ gwe; gwọ a, n'i gi ẹ mẹmẹ brẹdi.”

Jẹnẹsisi 18:6 ပူးပေါင်းရင်းမြစ်များ

Jẹnẹsisi 18:5

Nị m wẹhẹni ụnụ ihiẹn-oriri ri, kẹni ndụn banzị ụnụ, ụnụ rigụ ụnụ kebe jẹnmẹ ebe ụnụ jẹnkọ, hụnnị ụnụ rụgụ nwan iwe m.” Ya wẹ nọ sị a, “Mẹ kẹ i dọn ku.”

Jẹnẹsisi 18:7

Ọ nọzị gbashi ebe anụmanụ a rị; o weri nwa-efin ohu mẹ pọkọ-pọkọ, rị mma; ọ nọ we ẹ ye odibo ẹ ohu; odibo hụ nọzị jẹnmẹ d'e mẹmẹ anụ ahụn ozigbo.

Jẹnẹsisi 19:3

Kanị, ọ rịọkẹnmẹ wẹ; wẹ nọ kweri sọnmẹ ẹ shi iwe ẹ. Ọ nọ mẹmẹni wẹ ihiẹn-oriri hi ogbe, mẹmẹdẹni wẹ brẹdi yisti rịlẹni ozigbo-ozigbo. Wẹ nọ ri.

Samuẹlụ Nke Ẹbụọ 13:6

Ya Amnọnụ nọ dinẹ, mẹ kẹ sị emu rị a kụ a. Mgbe eze gi bịa d'a hụn a, Amnọnụ nọ sị a, “K'ọ rị m Tama nwẹnẹ m a bịa d'a nọ idẹnya m mẹmẹni m brẹdi pụ ichẹn, nị m hụn ụzọ nọ ẹka a ri ẹ.”

Ẹbụ-ọma 119:60

M'e mẹ ihiẹn ndị i ku ozigbo-ozigbo, m'a ra lọkpụn.

Azaya 32:8

Kanị, ezigbo ịhịan e rosọnmẹ ezigbo-ihiẹn; ezigbo-ihiẹn k'ọ kwadọn.

Matiu 13:33

Jesu nọ tazịnị wẹ ilu, sị, “Alị-eze elu-igwee nọ kẹ ẹkẹrẹ yisti hụn okpoho buche gi gwọ ọka wẹ gweriẹn k'e jun adana ẹtọ hụn ọ chọ n'o gi shi brẹdi, ọ nọ ghagbarị ogbe brẹdi hụ ile.”

Ọrụn Ndị-ozi 16:15

Ogẹn wẹ gi mẹgụ ya lẹ ikpụlọ a mirin-Chuku, ọ nọ gi arịrịọ sị ẹnyi, “Omẹni ụnụ weri ẹ nị m kwerini Di-nwọnni-ẹnyi, bịa nị nwan iwe m d'a nọdị.” Ọ rịọ ẹnyi ọda-ọda, ẹnyi nọ kweri.

Ndị Rom 12:13

E yeni ni ndị nke Osolobuẹ ihiẹn rị a kọ ẹka. A nabanhan nị ndị ọbịa.

Ndị Galeshịa 5:13

Ụnụ nwẹn, Osolobuẹ kpọ ụnụ d'e weri enwẹn ụnụ, umunẹ m, ka egikwọlẹ ni nị ụnụ nwọn enwẹn ụnụ mẹmẹ k'ọ rị ụnụ; ka gi ni ihiẹn-ọsụsụọ e fetarị ibe ụnụ.

Hibru 13:2

Egikwọlẹ ni ịnabanhan ndị ọbịa gu egu, makẹni o nwọngụọ ndị gi ẹ nabanhan ndị mmọn-ozi, lee wẹ ọbịa, bụ a marịn wẹ nị ndị-mmọn ozi rọ.

Pita Ibuzọ 4:9

A nabanhan nị ibe ụnụ iwe ụnụ, endẹnwịnwịnlẹ ni.

Ndị Han Eṅẹn 6:19

Ya Gidiọnụ nọ ban imẹ ụlọ, shi nwa-ewu, weri ọka wẹ gweriẹn k'e jun mkpu-kọstadị uku isẹn lẹ nkirishi mẹmẹ brẹdi yisti rịlẹni. O bu anụ ewu hụ che imẹ ụkpalị, bu mirin anụ hụ che imẹ ugbẹgbẹ, bupụha wẹ d'a chụnye ẹjan okpuru osisi Okuu hụ.

Samuẹlụ Nke Ibuzọ 28:24

Okpoho hụ nwọn nwa-efin ọ zụntọ ụlọ. Ọ nọ gbu ẹ ọgbahu-ọgbahu, kpọnrin ọka wẹ gwe, gwọ a, gi ẹ mẹmẹ brẹdi yisti rịlẹni.