Jẹnẹsisi 18:19 - Ika

¹⁹ Mba, ezuemẹkọnị m'a ya makẹni a họrịọlẹ m'a kẹni ọ hụn ụzọ gwa mmụ a lẹ ikpụlọ a ihiẹn wẹ jẹnkọ d'e mẹ, sị wẹ e sọn ụzọ Osolobuẹ ghahanị imẹ ezi-omumẹ lẹ imẹ ihiẹn furuni, kẹni Osolobuẹ mẹzuni Ebraham nkwa o kwe ẹ.”

Jẹnẹsisi 18:19 ပူးပေါင်းရင်းမြစ်များ

Jẹnẹsisi 12:2

M k'e gi i mẹmẹ okẹn alị; m k'a gọzi i; m k'e mẹ wẹ nụ ẹfan ị — kẹni ị wụrụ ngọzi.

Jẹnẹsisi 12:3

M k'a gọzi ndị hụn gọzini i, kanị, onyẹ bụ ị ọnụ, a bụ m'a ọnụ. Ịyụ kẹ ebọn ile rị elu-ụwa k'a gha nwọnhẹn ngọzi.”

Jẹnẹsisi 17:9

Chuku nọzị sị Ebraham, “Nke i rịn'a wụ ọnwan: i k'e dọnmẹrịrị iwu m jẹnkọ d'e ti ẹgbata mmẹ lẹ ụnụ, kẹ ịyụ kẹ ụmụ ị sikọ d'e dọnmẹ ẹ d'e rukwọrị agbọ wẹ ile rị ihun.

Jẹnẹsisi 22:18

ẹka ụmụ ị kẹ alị ile rị elu-ụwa k'a gha nwọnrin ngọzi wẹ; o k'a rị ẹrịra makẹni y'e mẹọlẹ ihiẹn m ku.”

Jẹnẹsisi 35:2

Jekọpụ nọ sị ezi-lẹ-ụlọ a lẹ ndị ile sọnkọn'a, “Kpọnpụchanrịn nị mmọn ile ọnụ gi; dọnmẹ ni enwẹn ụnụ ọchan, ụnụ e weri ẹkwa ọzọ yiri.

Samuẹlụ Nke Ẹbụọ 22:22

Makẹni m hụ e sọn ụzọ Osolobuẹ; emẹni m eje-ihiẹn ghahanị ịgbakịtọ Chuku m azụụn.

Samuẹlụ Nke Ẹbụọ 7:20

“Kị Defidi k'a sazị nwan ẹka sị ị? Ịyụ wụ Osolobuẹ nwọn ihiẹn ile a marịnghọ odibo i.

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ẹbụọ 14:3

O wepụ ukpo ile wẹ nọ a chụn ẹjan hụn wụlẹni nke Osolobuẹ lẹ ụnọ-mmọn ile, kụkpọchanrịn ọmụma ndị wẹ zumẹ wẹ gi a rụa mmọn, gbutuchanrịn osisi ndị wẹ zumẹ wẹ nọ a rụa onyẹnnyẹ mmọn wụ Ashẹra.

Nehemiah 9:7

“Ịyụ wụ Osolobuẹ hụn wụ Chuku, onyẹ hụn họrị Ebram, gha alị Uru ndị Kal'di wepụha a, gụn a Ebraham.

Jobu 1:5

Ụmụ Jobu rigụ oriri ndị ahụn, Jobu e zi ozi kpọ wẹ, fepụ wẹ ẹhụ kẹ Osolobuẹ dọn ku. Ụz'ụtụntụn biribiri ọ chụnnị onyẹ-onyẹ imẹ wẹ ẹjan w'a dụn ọkụn — makẹni, o ru ọ sị enwẹn ẹ, “Onyẹ maị kẹ ụmụ m e mẹgụọ njọ, kpọ Chuku iyi imẹ obi wẹ.” Ẹnịna kẹ Jobu e mẹ ogẹn ile.

Ẹbụ-ọma 1:6

Osolobuẹ rị onyẹ ezi-omumẹ azụụn ụzọ hụ ọ ghakọ, kanị ụzọ ndị-njọ shikọ ntikpọ.

Ẹbụ-ọma 11:4

Mba! Osolobuẹ hụkwọ Ụlọ-NSỌ a — Osolobuẹ hụdẹ ukpo-eze ẹ rị elu-igwee, a kị. Ọ hụ e lee ịhịan, e lele wẹ;

Ẹbụ-ọma 34:15

Ẹnya Osolobuẹ rị ebe ndị ezi-omumẹ rị, ntịn a rị ẹkwan wẹ;

Itẹn 22:6

Kuzi nwa-ndu k'o furu n'o bi, o higụdẹ, ọ ghakọ a pụ.

Azaya 38:19

Ndị rị ndụn — ndị rị ndụn sụọ a ja ị mma — kẹ m dọn rị a ja ị mma tannị; nẹdi a gwa ụmụ a k'i mẹhan onyẹ wẹ gi e dọn ẹnya.

Lẹvitikọsụ 14:42

E weri wẹ blọkụ ichẹn nọkinsọnmẹ ẹnya ndị hụ wẹ wepụ, tedọnzi ụlọ hụ.

Emọsụ 3:2

Imẹ alị ile rị elu ụwa ụnụ sụọ kẹ m họrị; m sikọ nwan d'e yerịrị ụnụ afụnfụn makẹ njọ ile ụnụ mẹ.”

Matiu 25:17

Ẹrịra kẹ onyẹ o ye hụn jun ẹkpa ẹbụọ dọnzi nwọnhẹn ẹkpa ẹbụọ chen'ẹ.

Jọnụ 10:14

“Mmẹ wụ ezigbo onyẹ-ndu atụnrụn. A marịnghọ m atụnrụn m; atụnrụn m a marịnghọ m —

Jọnụ 21:17

Jesu nọ jụzị a ya hụn mẹ ẹ mgbe ẹtọ, “Saịmọnụ nwa Jọnụ, ihiẹn m a sụọghọ ị?” Ọ nọ fụ Pita nị Jesu jụ a mgbe ẹtọ, “Ihiẹn m a sụọghọ ị?” Pita nọ sị a, “Di-nwọnni-ẹnyi, y'a marịnghọ ihiẹn ile; y'a marịnghọ nị ihiẹn i a sụọghọ m.” Jesu nọ sị a, “Lepụ atụnrụn m ẹnya.

Ọrụn Ndị-ozi 27:31

Ya kẹ Pọlụ nọ sị onyẹ-isi agha nta lẹ ndị-agha a, “Mmanị ikẹnnyẹni nọdị imẹ ụgbọnị, ụnụ ile k'a nwụn.”

Ndị Ẹfẹsọsụ 6:4

Nẹdi lẹ nnẹ, atọlẹ ni akpasu ụmụ ụnụ iwe, ka e gi ni ọzụnzụn lẹ nkuzi Di-nwọnni-ẹnyi a zụn wẹ.

Ditrọnọmi 32:46

ọ nọ sị wẹ, “Bucharịnkwọ nị okuni ile m rị e ku tannị e kushi ikẹn che obi, nị ụnụ gwa ụmụ ụnụ dọnrin ẹnya sọnchanrịn oku ile rị imẹ iwuni.

Timoti Ibuzọ 3:12

Ndị-ọrụn ụka k'a wụrịrị ndị nwọn nwunyẹ ohu sụọ; ndị a kị ụmụ wẹ lẹ ikpụlọ wẹ ọhụnma.

Timoti Nke Ẹbụọ 1:5

M hụ a nyanhan okukwe i hụn gha akpakalị obi i pụha; okukwe ohu hụ bu ụzọ rị imẹ nnẹ i kanị wụ Lọịsị lẹ nnẹ i wụ Yunisi, hụn m marịn n'ọ rịzịkwọ nwan imẹ i.

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Timoti Nke Ẹbụọ 3:15

y'a marịngụọzị Ẹkụkwọ-nsọ gha ẹhụ nwa-ndu i lala, Ẹkụkwọ-nsọ hụn k'a saẹka ye i amamihiẹn y'e gi nwọn nzụọpụha ghahanị ikwerini Kraịstị wụ Jizọsị.

Joshụa 24:15

Kanị, omẹni ife Osolobuẹ a sụọnị ụnụ, hanrịn nị nwan tannị onyẹ ụnụ sikọ d'e fe: kẹ mmọn-lẹ-iyi ndị nẹdi ụnụ kanị fe nfetu Iyi Yufretisi kẹ ụnụ k'e fe ra mmọn-lẹ-iyi ndị Amọ hụn ụnụ bi alị wẹ. Kanị, nke mmẹ lẹ ezi-lẹ-ụlọ m, Osolobuẹ kẹ ẹnyi k'e fe.”

Ndị Han Eṅẹn 13:12

Manụa nọ sị, “Ihiẹn i ku mẹgụ, nanị kẹ nwata hụ a dọn bi; k'o k'a rụn?”