Jẹnẹsisi 18:14 - Ika

¹⁴ O nwọn ihiẹn karị Osolobuẹ ẹka omumẹ? O ru ogẹn ahụn m ku, m k'e kinhẹn, mgbeni akan-ile, Sẹra k'a mụ okẹnnyẹ.”

Jẹnẹsisi 18:14 ပူးပေါင်းရင်းမြစ်များ

Jẹnẹsisi 17:16

M k'a gọzi ẹ; m k'a gha ẹka a ye i okẹnnyẹ. Ẹghẹẹ, m k'a gọzi ẹ; alị ichẹn-ichẹn k'a gha ẹfọ a pụha; ndị-nze alị ichẹn-ichẹn k'a gha ẹfọ a pụha.”

Jẹnẹsisi 17:21

Kanị, Aziki kẹ m k'e mẹni ihiẹnni rị nkwerigbama m, Aziki hụn Sẹra k'a mụn'ị mgbeni akan-ile.”

Jẹnẹsisi 18:10

Onyẹ ahụn nọ sị, “O ru mgbeni akan-ile, m k'e kinhẹn, Sẹra nwunyẹ i a mụ okẹnnyẹ.” Sẹra rị ọnụmụzọ ogẹn ahụn, e gọn ntịn.

Jẹnẹsisi 18:13

Osolobuẹ nọ sị Ebraham, “Kị haịn Sẹra gi mụ ẹmụ, sị, ‘Nị m sa nwan ẹka mụ nwa hụnnị m kagụ ẹgẹdi?’

Jẹnẹsisi 18:15

Kanị Sẹra a ghọrị, sị, “Amụnị m ẹmụ”, makẹni egun rị a tụ a. Ọ nọ sị a, “Y'a mụghọ ẹmụ.”

Jẹnẹsisi 21:1

Osolobuẹ bịa d'a tụnị Sẹra ụya k'o dọn ku, ọ nọ mẹni Sẹra ihiẹn o kwe ẹ nkwa.

Jẹnẹsisi 21:2

Sẹra nọ tụrụ imẹ, mụnị Ebraham okẹnnyẹ ebe Ebraham kagụ ẹgẹdi. Ogẹn Chuku gwa Ebraham kẹ wẹ gi mụ a.

Ndị-nze Nke Ẹbụọ 4:16

Ya Ẹlaịsha nọ sị a, “Mgbeni akan-ile ị k'a pa nwa ị okẹnnyẹ ẹka.” Ya okpoho hụ nọ sị a, “Mba Diọkpa, odibo Osolobuẹ, atụlẹ odibo i ntụ!”

Jobu 36:5

Chuku e hikẹ ogbe kanị onwọnni onyẹ o legberi. O hikẹ ogbe ọ ghọtachanrịn ihiẹn ile.

Jobu 42:2

“A marịnghọ m nị ị k'a s'ẹka mẹ ihiẹn ile; onwọnni ihiẹn ị chọ n'i mẹ w'a s'ẹka a kụsị.

Ẹbụ-ọma 90:13

Osolobuẹ dodo, elee mgbe k'i k'e webehi iwe, n'i mẹni idibo i omikẹn!

Ẹbụ-ọma 93:1

Osolobuẹ wụ eze. Ọghọ jun ẹ ẹhụ! Osolobuẹ yi ọghọ rịkẹ ẹwuru-nze; ọ kpọ ikẹn ọkịkị nọ kẹ akpụkpọ-ukun zeni. Ụwa rị ebe o tumẹ ẹ, o mẹhunmẹkọ.

Ẹbụ-ọma 95:3

Makẹni, Chuku hi-ogbe kẹ Osolobuẹ wụ, Eze uku hụn kachanrịn mmọn ile!

Azaya 50:2

Kẹ m bịa, kị haịn o gilẹni nwọn onyẹ rịn'a? Kẹ m kpọ oku, kị haịn o gilẹni nwọn onyẹ zanị? Ẹka m e mẹkẹ nkpụrụ nị asa m ẹka zụọpụha ụnụ ra enwọn m ndụn m'e gi zụọpụha ụnụ? Bụ ọjụgbọ mmaka kẹ m gi e mẹ ohimin a tahị, e mẹ iyi ichẹn-ichẹn e họnrin alị ọkpọ-nkụn azụn rị imẹ wẹ a nwụnhụn, shinkpo, makẹni mirin arịa; ẹgụn-mirin e gbu wẹ!

Jerimaya 32:17

“Euu, Osolobuẹ ihiẹn ile rị okpuru ẹ, yụ gi ikẹn i hi-ogbe lẹ ẹka ị tịnpụ mẹmẹ igwere lẹ ụwa! Onwọnni ihiẹn a karị ị ẹka.

Jerimaya 32:27

“Mmẹ wụ Osolobuẹ, Chuku ịhịan ile. O nwọn ihiẹn a fụ m ọrụn omumẹ?

Daniẹlụ 6:20

O ru ẹhụ olu hụ, ọ nọ gi uhue rị e huen'ẹ kpọcheni Daniẹlụ, sị, “Daniẹlụ-o, odibo Chuku ahụn rị ndụn, Chuku i, hụn y'e fe ogẹn ile a saghọ ẹka gbapụha ị ẹka ẹwọrọ?”

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Zẹkaraya 8:6

Osolobuẹ ihiẹn ile rị okpuru ẹ sị: “Ọsụọn'a n'ọ fụka ọrụn ẹnya ndịnị họdụ imẹ alịnị, n'ọ fụzị mmẹ nwẹn ọrụn?!” Ya kẹ Osolobuẹ ihiẹn ile rị okpuru ẹ ku.

Ọgụngụn 11:23

Osolobuẹ nọ sị Mozizi, “Ẹka Osolobuẹ e mẹkẹ mkpụrụ? Ị jẹnkọ nwan d'a hụn kẹ ihiẹn m ku sikọ d'e mẹ ra o mẹkọ.”

Matiu 14:31

Jizọsị nọ tịnpụ ẹka ozigbo kwọndọn ẹ, sị, “Onyẹ okukwe nta! Kị nwọnni obi-ẹbụọ?”

Matiu 19:26

Kanị Jizọsị e lee wẹ ẹnya, ọ nọ sị wẹ, “Ebe ịhịan rị, ọ sakọ ẹka mẹ, kanị ebe Osolobuẹ rị, onwọnni ihiẹn ghalẹni a saẹka e mẹ.”

Matiu 3:9

atụkwọlẹ ni enwẹn ụnụ ntụ, a sị, ‘Ebraham wụ nẹdi ẹnyi nụ!’ Makẹni, m rị a gwakwọ ụnụ, Osolobuẹ k'a saẹka gi ọmụma ndịnị ye Ebraham ụmụ.”

Makị 10:27

Jesu e bu ẹnya tụma wẹ, sị, “Ẹka ịhịan, ọ nịkọ mẹ, kanị ẹlẹ ẹka Osolobuẹ, makẹni onwọnni ihiẹn Osolobuẹ ghalẹni asaẹka e mẹ.”

Luku 1:13

Mmọn-ozi hụ nọ sị a, “Zẹkaraya, atụlẹ egun! Osolobuẹ a nụgụọ ekpere i: Ẹlizabẹti nwunyẹ i jẹnkọ d'a mụn'ị okẹnnyẹ! I k'a kpọ a Jọnụ.

Luku 1:18

Zẹkaraya nọ sị mmọn-ozi hụ, “Nanị m'e dọn marịn n'o k'e mẹ? A kagụọ m ẹgẹdi, nwunyẹ m nkẹ a kagụọzị ẹgẹdi.”

Luku 1:37

Ya wụ nị, onwọnni ihiẹn Osolobuẹ ghalẹni a saẹka e mẹ!”

Luku 8:50

Jizọsị a nụ a, ọ nọ sị Jaịrọsụ, “Atụlẹ egun; nwọnhụ okukwe; o jẹnkọ d'a dịnhịn.”

Ndị Rom 4:21

O kwerichanrịn nị Osolobuẹ k'a s'ẹka mẹ ihiẹn Osolobuẹ kwe nkwa a.

Ndị Ẹfẹsọsụ 3:20

Nke Osolobuẹ, Onyẹ hụn k'a s'ẹka gi ikẹn ẹ rị ọrụn imẹ ẹnyi rụnkarị ihiẹn ile ẹnyi k'a saẹka rịọ mọbụ ro, rụnkarị a ọhụnma-ọhụnma,

Ditrọnọmi 30:3

Osolobuẹ wụ Chuku ụnụ sikọ d'e mẹ ndị gini ụnụ hatu ụnụ, mẹ omikẹn ụnụ, gha alị ndị ọzọ ile ọ kpụnshi ụnụ welụa ụnụ.

Ditrọnọmi 7:21

Atụkwọlẹ ni egun wẹ, makẹni Osolobuẹ wụ Chuku ụnụ, hụn rị imẹ igunrun ụnụ, wụ Chuku hi-ogbe, hụn e mẹ ihiẹn a tụ egun.

Ndị Filipi 3:21

O k'e nwọnhutọ ẹhụ ẹnyi ndịnị ụya e ri, a nọ wẹ kẹ ẹhụ a ọghọ jun; ikẹn ẹ ahụn o gi a saẹka e bu ihiẹn ile e che okpuru ẹ k'o sikọ d'e gi mẹ ẹ.

Ndị Filipi 4:13

M'a saẹka e mẹ ihiẹn ile ghahanị Onyẹ hụn e ye m ikẹn.

Hibru 11:19

Ebraham sị enwẹn ẹ nị Osolobuẹ k'a sadẹ ẹka weli onyẹ nwụnhụnnị. Ya wụ nwan n'ọ ghaghọ ọnwụn nwọnhẹnzi Aziki nke-esi!

Ndị Han Eṅẹn 13:3

Mmọn-ozi Osolobuẹ nọ pụha d'e kunrun okpoho hụ, sị a, “Ị wụ agan, y'a mụnị nwa; kanị i jẹnkọ d'a tụ imẹ, mụ okẹnnyẹ.

Samuẹlụ Nke Ibuzọ 14:6

Jonatanị nọ nwan sị okorọbịa hụ e bun'ẹ ihiẹn ọgụn, “Bịa nị ẹnyi fetu d'e kunrun ndị Filistia ndịnị kwalẹni ugun ghalẹni e fe Osolobuẹ. Ikẹnkwọ Osolobuẹ e mẹyeni ẹnyi. Makẹni, onwọnni hụn Osolobuẹ ghalẹni e gi a zụọpụha, kẹ ndị bu ọda kẹ ndị bulẹni ọda!”