Jẹnẹsisi 17:7 - Ika

⁷ M k'e tumẹ nkwanị m nkwe ẹgbata mmẹ lẹ yụ lẹ ụmụ ị, d'e rukwọrị agbọ wẹ ile rị ihun: nị m k'a wụrụ Chuku i, wụrụzịkwọ Chuku ụmụ ị.

Jẹnẹsisi 17:7 ပူးပေါင်းရင်းမြစ်များ

Jẹnẹsisi 15:18

Ụhụọhịn ahụn kẹ Osolobuẹ kwe Ebram nkwa, sị, “M rị e ye ụmụ ị alịnị, hụn gha iyi rị ebe alị Ijiptu ru d'e rukwọrị iyi uku wụ Yufretisi —

Jẹnẹsisi 17:13

Ẹghẹẹ, kẹ igbọn wẹ nọ iwe i mụ kẹ igbọn i gi egho ṅọnrin k'a kwarịrị ugun. Ẹrịra kẹ ụnụ k'e bu ahịma nkwerigbama m ẹhụ ụnụ jẹnrin ejẹn.

Jẹnẹsisi 17:19

Kanị Chuku nọ sị a, “Mba. Sẹra nwunyẹ i k'a mụn'ị okẹnnyẹ; ị k'a gụn a Aziki; m k'e tumẹ nkwerigbama m ẹgbata mmẹ lẹ ịya, nkwerigbama hụn k'e ru ụmụ a ẹka jẹnrin ejẹn.

Jẹnẹsisi 26:24

Uhinhin ahụn daị, Osolobuẹ nọ bịa d'e kunrun ẹ, sị a, “Mmẹ wụ Chuku Ebraham nẹdi i; atụlẹ egun, nị mmẹ lẹ yụ wị; m jẹnkọ d'a gọzi i, mẹ ụmụ ị barahị — m jẹnkọ d'e mẹ ihiẹn ndịnị makẹ ufiri odibo m wụ Ebraham.”

Jẹnẹsisi 28:13

O legha Osolobuẹ k'o turu mkpọnụnụ obe ahụn. Osolobuẹ nọ sị a, “Mmẹ wụ Osolobuẹ, Chuku Ebraham nẹdi i kanị lẹ Chuku Aziki; m jẹnkọ d'e ye yụ lẹ ụmụ ị alịnị i dinẹ.

Jẹnẹsisi 6:18

Kanị m k'e mẹmẹ nkwerigbama m ẹgbata mmẹ lẹ yụ; ị k'a banye ụgbọ ahụn pụ-ichẹn, yụ lẹ ụmụ ị lẹ nwunyẹ i lẹ inyẹnmẹ ụmụ ị.

Jẹnẹsisi 9:16

Ekọn-lẹ-ogugu pụha imẹ orukpu, m k'e legha a, gi ẹ nyanhan nkwa itẹbitẹ Chuku kwe ihiẹn ile rị ndụn rị elu-ụwa.”

Samuẹlụ Nke Ẹbụọ 7:24

Y'e gichanrịngụọ ndị nke i wụ Izrẹlụ họnrin ndị nke i jẹnrin-ejẹn; ịyụ lẹ enwẹn i wụ Osolobuẹ a wụrụgụọ Chuku wẹ.

Ihiẹn Mẹni Nke Ibuzọ 16:13

Mẹn'ẹ, ụmụ odibo ẹ Izrẹlụ; mẹn'ẹ, ụmụ Jekọpụ ndị ọ họrị.

Ihiẹn Mẹni Nke Ibuzọ 16:14

Ịya wụ Osolobuẹ, Chuku ẹnyi; ịya a hannị ụwa ile eṅẹn.

Ẹbụ-ọma 81:10

Mmẹ wụ Osolobuẹ, Chuku ụnụ, hụn gha alị Ijiptu wepụha ụnụ. Shịapụ nị ọnụ ọhụnma-ọhụnma; m k'e hujun ẹ.

Ọpụpụ 3:15

Chuku nọzị sị a, “Gwa ndị Izrẹlụ, ‘Osolobuẹ hụn wụ Chuku ndị nẹdi ụnụ, Chuku Ebraham, Chuku Aziki, Chuku Jekọpụ zihẹ m d'e kunrun ụnụ.’ Ọnwan wụ ẹfan m jẹnrin ejẹn, ẹfan agbọ ile jẹnkọ d'e gi a nyanhan m.

Ọpụpụ 3:6

Ọ nọzị sị Mozizi, “Mmẹ wụ Chuku nẹdi i fe, Chuku Ebraham, Chuku Aziki lẹ Chuku Jekọpụ.” Ogẹn Mozizi gi nụ ihiẹnni, ọ nọ kpukin ihun ẹ, makẹni egun anịn'a bu ẹnya zinmẹ Osolobuẹ.

Ọpụpụ 6:4

M mẹmẹzikwọ nkwerigbama ẹgbata mmẹ lẹ wẹ, kwe wẹ nkwa nị m jẹnkọ e ye wẹ alị Kenaanị hụn wẹ bi ogẹn ahụn rịkẹ abịamabịa.

Ọpụpụ 6:7

M k'e weri ụnụ che ẹhụ m nọkẹ ndị nke m, e mẹ m ụnụ kẹ Chuku ụnụ. Ogẹn hụ, ụnụ a marịn nị mmẹ wụ Osolobuẹ, Chuku ụnụ, hụn tọpụ ẹgbụn ndị Ijiptu kẹn ụnụ.

Azaya 61:8

Makẹni ezioku a sụọ mmẹ wụ Osolobuẹ ụsụọ; ohin lẹ mmẹgbu e ze m ize. M sikọ d'e mẹ hụn runi m kụ wẹ ụgwọ-ọrụn, e tumẹ m nkwerigbama k'e kwọngbama mmẹ lẹ wẹ jẹnrin-ejẹn.

Jerimaya 31:1

O ru ogẹn hụ, m jẹnkọ d'a wụrụ Chuku ebọn ile rị Izrẹlụ, wẹ nwẹn a wụrụ ndị nke m. Ya kẹ Osolobuẹ ku.

Izikẹlụ 28:26

Wẹ k'e biri ebẹhụ udọn-lẹ-ndọnkwa, tụnrụn ụlọ, rụnrụn ugbo; wẹ k'e biri udọn-lẹ-ndọnkwa ogẹn m'e gi mẹgụ ndị bikunmẹni wẹ hụn rị e legberini wẹ ihiẹn ile m k'e mẹ wẹ. Ogẹn hụ kẹ w'e gi marịn nị mmẹ wụ Osolobuẹ, hụn wụ Chuku wẹ.’ ”

Lẹvitikọsụ 11:45

Mmẹ wụ Osolobuẹ hụn gha alị Ijiptu wepụha ụnụ kẹni m hụn ụzọ wụrụ Chuku ụnụ e fe; rịnị nwan nsọ makẹni m rị nsọ.

Lẹvitikọsụ 25:38

Mmẹ wụ Osolobuẹ hụn wụ Chuku ụnụ, hụn gha alị Ijiptu wepụha ụnụ, kẹni m ye ọnụ alị Kenaanị lẹni m wụrụ Chuku ụnụ.

Lẹvitikọsụ 26:12

M k'a gha e jẹnhunmẹ imẹ igunrun ụnụ, a wụrụ m Chuku ụnụ, ụnụ a wụrụ ndị nke m.

Lẹvitikọsụ 26:44

“K'osilẹrị, ogẹn hụ wẹ k'e gi rị alị ndị iṅẹnrẹn wẹ, ajụkọ m wẹ tọgbọ mọbụ ze ize wẹ hụn m'e gi gbupụchanrịn wẹ ile, gi ẹ tikpọ nkwerigbama mmẹ lẹ wẹ. Mmẹ wụ Osolobuẹ hụn wụ Chuku wẹ.

Lẹvitikọsụ 26:45

Hụn nkẹ m'e gi gbupụchanrịn wẹ, m k'e gi ufiri wẹ nyanhan nkwerigbama mmẹ lẹ ndị nẹdi wẹ kanị hụn m gha alị Ijiptu wepụha idẹnya ndị alị rị ichẹn-ichẹn nị m hụn ụzọ wụrụ Chuku wẹ. Mmẹ wụ Osolobuẹ.”

Lẹvitikọsụ 26:9

“M k'e gi ẹnya rị mma lee ụnụ, mẹ ụnụ mụba, barahị; m k'e mẹzu nkwa m kwe imẹ nkwerigbama mmẹ lẹ ụnụ.

Maịka 7:20

I jẹnkọ d'e gi ezioku sọn odibo i wụ Jekọpụ; gi ihiẹn-ọsụsụọ sọn Ebraham kẹ i dọn kun enwẹn i kwe wẹ ndị nẹdi ẹnyi kanị nkwa ogẹn mbụ.

Matiu 22:32

Ọ sị, ‘Mmẹ wụ Chuku Ebraham, Chuku Aziki, Chuku Jekọpụ.’ Osolobuẹ ẹlẹ Chuku ndị nwụnnị, kanị Chuku ndị rị ndụn k'ọ wụ.”

Makị 10:14

Jesu a hụn a, iwe nọ we ẹ. Ọ nọ sị wẹ, “Nị nị ụmụẹka bịa d'e kunrun m; akụsịlẹ ni wẹ, makẹni Alị-eze Osolobuẹ wụ nke ndị nọ ẹnịna.

Ọrụn Ndị-ozi 2:39

Makẹni ụnụ kẹ Osolobuẹ kwe nkwanị n'o k'e zihẹ Mmọn-nsọ — ụnụ lẹ ụmụ ụnụ lẹ ndị rị ebe teni — onyẹ ọwụlẹ Di-nwọnni-ẹnyi wụ Osolobuẹ ẹnyi k'a kpọ oku.”

Ndị Rom 9:4

M rị e ku oku ndị Izrẹlụ: uwẹ kẹ Osolobuẹ gi họnrin ụmụ; uwẹ k'ọ ghọsị ọghọ a hụ; uwẹ k'o ye nkwerigbama ahụn o kwademẹ; uwẹ k'o ye Iwu hụ; uwẹ k'o tumẹni ofufe hụ rị imẹ Iwu; uwẹ nwọnhẹn nkwa ndị hụ Osolobuẹ kwe;

Ndị Ẹfẹsọsụ 2:2

Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.

Ditrọnọmi 29:13

gi ẹ ghọsịchanrịn tannị nị ụnụ wụ ndị nke ẹ, lẹni ya nwẹn wụ Chuku ụnụ, nọkẹ k'o dọn kwe ụnụ nkwa lẹ k'o dọn kun enwẹn ẹ gwa ndị nẹdi ụnụ wụ Ebraham, Aziki lẹ Jekọpụ.

Hibru 11:16

Kanị, ẹnya wẹ rị alị ka mma, hụn rị elu-igwee. Ya haịn ifẹnrẹn gilẹni e mẹ Osolobuẹ ịza Chuku wẹ, makẹni o nwọnghọ obodo ọ kwademẹni wẹ nke-esi.

Hibru 8:10

‘Di-nwọnni-ẹnyi sị, ọnwan wụ nkwerigbama hụ hụn m jẹnkọ d'e tumẹ ẹgbata mmẹ lẹ ndị Izrẹlụ, o mẹgụ: m jẹnkọ d'e bu iwu m che imẹ uche wẹ, de wẹ ye imẹ obi wẹ. M k'a wụ Chuku wẹ, a wụrụ wẹ ndị nke m.

Ndị Han Eṅẹn 2:1

O ru, mmọn-ozi Osolobuẹ nọ gha Gil'galụ bịa Bokim, sị ndị Izrẹlụ, “Mmẹ gha alị Ijiptu wepụha ụnụ, du ụnụ ye alị hụ m kun enwẹn m kwe nkwa nị m k'e ye ndị nẹdi ụnụ kanị. M sị, ‘Onwọnni ogẹn m'e gi tikpọ nkwerigbama rị ẹgbata mmẹ lẹ ụnụ,