Jẹnẹsisi 17:16 - Ika

¹⁶ M k'a gọzi ẹ; m k'a gha ẹka a ye i okẹnnyẹ. Ẹghẹẹ, m k'a gọzi ẹ; alị ichẹn-ichẹn k'a gha ẹfọ a pụha; ndị-nze alị ichẹn-ichẹn k'a gha ẹfọ a pụha.”

Jẹnẹsisi 17:16 ပူးပေါင်းရင်းမြစ်များ

Jẹnẹsisi 1:28

Chuku nọ gọzi wẹ: ọ sị wẹ, “Mụ nị ụmụ; mụba nị; jun ni elu-ụwa, ụnụ e bu elu-ụwa che okpuru ụnụ. We ni azụn rị imẹ mirin lẹ nnụnụ rị elu lẹ ihiẹn ile rị ndụn a kpa elu-ụwa che okpuru ụnụ.”

Jẹnẹsisi 12:2

M k'e gi i mẹmẹ okẹn alị; m k'a gọzi i; m k'e mẹ wẹ nụ ẹfan ị — kẹni ị wụrụ ngọzi.

Jẹnẹsisi 15:4

Kanị Osolobuẹ nọ sị Ebram, “Okẹnnyẹni akwakọ ukuu i! Nwa ẹfọ ị sikọ d'a kwa ukuu i.”

Jẹnẹsisi 17:15

Chuku nọzị sị Ebraham, “O mẹ nke Saraị nwunyẹ i, akpọzịl'a Saraị: ẹfan a k'a wụ Sẹra.

Jẹnẹsisi 17:19

Kanị Chuku nọ sị a, “Mba. Sẹra nwunyẹ i k'a mụn'ị okẹnnyẹ; ị k'a gụn a Aziki; m k'e tumẹ nkwerigbama m ẹgbata mmẹ lẹ ịya, nkwerigbama hụn k'e ru ụmụ a ẹka jẹnrin ejẹn.

Jẹnẹsisi 17:6

M k'e mẹ i barahị; m k'e mẹ i wụrụ alị bu ọda; ndị-nze k'a gha imẹ i pụha.

Jẹnẹsisi 21:1

Osolobuẹ bịa d'a tụnị Sẹra ụya k'o dọn ku, ọ nọ mẹni Sẹra ihiẹn o kwe ẹ nkwa.

Jẹnẹsisi 24:60

Wẹ nọ gọzi Rebika n'o d'a lama, sị a, “Nwẹnẹ ẹnyi, i k'a mụ nnụ-nnụ lẹ ijẹri-ijẹri; ụmụ ị k'e mẹri ndị-iṅẹnrẹn wẹ, kị wẹ.”

Jẹnẹsisi 25:23

Osolobuẹ nọ sị a, “Alị ẹbụọ rị ị ẹfọ; madụ ẹbụọ i jẹnkọ d'a mụ k'e kebe; ohu k'a ka ibe ẹ, onyẹ isi rịn'a k'a rị okpuru ejimẹ.”

Jẹnẹsisi 35:11

Chuku nọ sị a, “Mmẹ wụ Chuku Hụn nwọn ikẹn ile; mụba; alị k'a gha ẹhụ ị pụha — alị hụn nwọnsọnmẹ alị ichẹn-ichẹn; ndị-nze k'a gha ẹhụ ị pụha.

Jẹnẹsisi 36:31

Ndị-nze hụn kị alị Ẹdọm nị wẹ d'a hụnma ndị-nze imẹ alị Izrẹlụ wụ ndịnị:

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Ndị Rom 9:9

Makẹni, nkwa kẹ Osolobuẹ kwe ogẹn o gi sị, “Mgbeni akan-ile a bịazị m, Sẹra a mụ okẹnnyẹ.”

Ndị Galeshịa 4:23

Hụn nnẹ ẹ wụ igbọn bịa kẹ nwa dọn a bịa; kanị hụn nnẹ ẹ nwọn enwẹn ẹ bịa ghahanị nkwa Osolobuẹ kwe.

Pita Ibuzọ 3:6

Ẹrịra kẹ Sẹra dọn gbaye Ebraham, a kpọ a “nna m.” Ụmụ a ikpoho kẹ ụnụ wụ omẹni ụnụ e mẹsọnmẹ ihiẹn rị mma, nị ụnụ anịnị egun mẹri ụnụ.