Jẹnẹsisi 17:10 - Ika

¹⁰ Hụnnị wụ nwan iwu nkwerigbama ahụn, hụn yụ lẹ mmụ ị ndị rị ihun sikọ d'e dọnmẹni m: okẹnnyẹ ọwụlẹ rị imẹ igunrun ụnụ k'a kwarịrị ugun.

Jẹnẹsisi 17:10 ပူးပေါင်းရင်းမြစ်များ

Jẹnẹsisi 17:11

Ụnụ k'a kwa ugun, bepụ ọnụnụ ẹhụ-okẹnnyẹ ụnụ; ya k'a wụrụ ahịma nkwerigbama hụn rị ẹgbata mmẹ lẹ ụnụ.

Jẹnẹsisi 17:23

Ụhụọhịn ahụn daị, Ebraham nọ weri nwa a wụ Ishmẹlụ lẹ igbọn ile wẹ mụ iwe ẹ lẹ ndị hụn o gi egho ṅọn lẹzi ikẹnnyẹ ile rị iwe ẹ, kwa wẹ ugun, bepụchanrịn wẹ ile ọnụnụ ẹhụ-okẹnnyẹ, kẹ Chuku dọn gwa a.

Jẹnẹsisi 17:27

ikẹnnyẹ ile rị iwe Ebraham kwa ugun ụhụọhịn ahụn — kẹ igbọn ndị wẹ nọ iwe ẹ mụ kẹ igbọn ndị o gi egho ṅọnrin.

Jẹnẹsisi 21:4

Ebraham nọ kwa Aziki ugun ogẹn Aziki gi zu akpọhịn ẹsatọ nọkẹ kẹ Osolobuẹ dọn gwa a.

Jẹnẹsisi 34:15

Ebe ẹnyi a nọ kweri wụ omẹni ọnụ e kwerighọ nị ụnụ rị kẹ ẹnyi ghahanị ịkwachanrịn ikẹnnyẹ ụnụ ile ugun.

Jẹnẹsisi 34:22

Kanị edukọ wẹ ẹnyi biri hụn ẹnyi lẹ wẹ e gi wụrụ ohu sokpan ikẹnnyẹ ile rị alịnị kwa ugun kẹ wẹ.

Ọpụpụ 12:48

“Abịamabịa bi alị ụnụ hụn chọ n'o du ụnụ mẹni Osolobuẹ Mmẹmmẹ-Nghafe sikọ d'e burịrị ụzọ kwagụ ikẹnnyẹ ile rị ikpụlọ a ugun. Ogẹn hụ k'o gi saẹka du ụnụ mẹ Mmẹmmẹ hụ rịkẹ nwa-di-alị. Okẹnnyẹ ọwụlẹ kwalẹni ugun erikọ a.

Ọpụpụ 4:25

Kanị Zipora nwunyẹ ẹ nọ gi ọmụma tụ nkọ wẹ gi e be ihiẹn kwa nwa a ugun ozigbo. Ọ nọ we ihiẹn o bepụha mẹtụ Mozizi ụkụ, sị, “Di m gi ẹdeke gbarị k'ị wụ nwan.”

Jerimaya 4:4

Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jọnụ 7:22

Ụnụ nwẹn a kwadẹ okẹnnyẹ ugun Ụhụọhịn Ezumikẹn kẹni ụnụ dọnmẹ iwu ịkwa-ugun hụn Mozizi ye ụnụ. (Mozizi ye ụnụ ya, kanị ẹlẹ ni ịya bidọn ịkwa-ugun, ndị nẹdi ụnụ ibuzọ bidọn ẹ.)

Ọrụn Ndị-ozi 7:8

Chuku nọ tumẹ nkwerigbama hụn ahịma a wụ ịkwa-ugun, gi ẹ kwọngbama ya lẹ Ebraham. Ebraham a mụ Aziki, nke akpọhịn ẹsatọ, ọ kwa a ugun. Aziki a mụ Jekọpụ, Jekọpụ a mụ ndị nẹdi ẹnyi mmẹbụọ.

Ndị Rom 2:28

Makẹni, ẹlẹ ihiẹn ẹnya e legha kẹ ịhịan gi a wụ onyẹ Ju; ezigbo ugun ẹlẹ hụn wẹ kwahụ ẹhụ w'e legha ẹnya.

Ndị Rom 3:25

Makẹni, Osolobuẹ we Jesu ye, gi ẹ họnrin ẹjan wẹ e gi wepụ njọ jẹnni onyẹ hụn gi ẹdeke ẹ hụn wụ ọnwụn a dọn, kẹni o we ẹnya nị Osolobuẹ wụkwọ onyẹ ezi-omumẹ ghalẹni a kwadọn njọ ebe ọ nọ din ndidin fepụ ẹnya njọ ịhịan mẹ mbụ.

Ndị Rom 3:28

Ya wụ, ẹnyi gi ẹ dọn nị okukwe ịhịan kẹ Osolobuẹ gi e kuni ịhịan ọhụnma, ẹlẹ idọnmẹ Iwu.

Ndị Rom 3:30

ebe o mẹ ni Osolobuẹ wụ ohu sụọ. Ya k'o gi mẹ ni o k'e gi okukwe ndị Ju kuni wẹ ọhụnma, gizi okukwe ndị wụlẹni ndị Ju kuni wẹ ọhụnma.

Ndị Galeshịa 3:28

Ya wụ nị onwọnzini ihiẹn rị ichẹn ẹgbata ndị Ju lẹ ndị wụlẹni ndị Ju; ẹgbata igbọn lẹ onyẹ nwọn enwẹn ẹ; ẹgbata ikẹnnyẹ lẹ ikpoho: ẹnyi ile wụ ohu imẹ Kraịstị wụ Jizọsị.

Ndị Galeshịa 6:12

Ndị rị a chọ nị wẹ gi ihiẹn ẹnya e legha dụ ẹka obi, uwẹ rị nwan a chọ nị wẹ wa ịkwa-ugun ye ụnụ olu. Wẹ rị e mẹ ẹ amamgbe wẹ e gi ufiri obe Kraịstị kpokpo wẹ.

Ndị Ẹfẹsọsụ 2:11

Ebe ẹhụ rị, nyanhan nị nị ụnụ te wụ ndị alị ọzọ. Ndị Ju a kpọ ụnụ “ndị kwalẹni ugun,” a kpọ enwẹn wẹ “ndị kwa ugun” bụ ugun wẹ kwa ẹhụ mmaka rọ, ugun ịhịan kwa;

Ditrọnọmi 10:16

Kwa nị nwan obi ụnụ ugu, bubehi isi-ikẹn.

Ditrọnọmi 30:6

Osolobuẹ wụ Chuku ụnụ k'a kwa obi i lẹ obi ụmụ ị ugun, mẹ wẹ rị mma, n'ị hụn ụzọ gi obi i ile lẹ umẹ-ndụn ị ile lẹ ndụn ị ile nwọn ihiẹn-ọsụsụọ Osolobuẹ.

Ndị Filipi 3:3

Makẹni, ẹnyi nwẹn wụ ndị hụn kwa ezigbo ugun: ẹnyi ndị rị e fe Osolobuẹ ofufe imẹ-mmọn ghahanị Mmọn-nsọ, ẹnyi ndị gi Kraịstị wụ Jizọsị e dọn ẹnya, a nyan isi, ẹnyi ndị ghalẹni e gi ihiẹn ẹnya e legha e dọn ẹnya,

Joshụa 5:2

Ogẹn ahụn, Osolobuẹ nọ sị Joshụa, “Weri ọmụma sụọnpụ, n'ị gi wẹ kwazị ndị Izrẹlụ ugun.”

Joshụa 5:4

Ihiẹn haịn Joshụa gi kwa wẹ ugun wụ nị ndị ile gha alị Ijiptu pụha, ikẹnnyẹ ile ru ogo agha, nwụntọ imẹ atụ kẹ wẹ rị ụzọ, kẹ wẹ ghagụ alị Ijiptu pụha.