Jẹnẹsisi 17:1 - Ika

¹ Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 17:1 ပူးပေါင်းရင်းမြစ်များ

Jẹnẹsisi 12:1

Omẹgụ, Osolobuẹ nọ sị Ebram, “Hapụ alị ị lẹ ebọn ụnụ lẹ iwe nẹdi i, n'i jẹnmẹ alị m sikọ d'a ghọsị ị.

Jẹnẹsisi 12:7

Ya kẹ Osolobuẹ nọ we enwẹn ẹ ghọsị Ebram, sị, “M k'e ye nwa ị alịnị.” Ebram nọ rụnnị Osolobuẹ ukpo wẹ n'a chụn ẹjan ebahụn — Osolobuẹ hụn we enwẹn ẹ ghọsị a.

Jẹnẹsisi 16:16

Ebram rị ahụa isin kwasị ọgụn-ẹnọ ogẹn Haga gi mụn'a Ishmẹlụ.

Jẹnẹsisi 18:1

Omẹgụ, Osolobuẹ nọ bịa d'e kunrun Ebraham ẹhụ okẹn-osisi Mamre efinaị ohu anwụn rị a mụ, ebe Ebraham nọdị alị ọnụmụzọ ụlọ hụ w'a kpụkpọrị o bi.

Jẹnẹsisi 18:14

O nwọn ihiẹn karị Osolobuẹ ẹka omumẹ? O ru ogẹn ahụn m ku, m k'e kinhẹn, mgbeni akan-ile, Sẹra k'a mụ okẹnnyẹ.”

Jẹnẹsisi 24:40

Ya ọ nọ sị m, ‘Osolobuẹ hụn m rị e bini k'e zi ndị mmọn-ozi ẹ nị wẹ sọn i kẹni ijẹn i hụn ụzọ gha. Ebọn ẹnyi, iwe nẹdi m daị, kẹ y'a nọ lụhanị nwa m nwunyẹ.

Jẹnẹsisi 26:2

Ya Osolobuẹ nọ bịa d'e kunrun Aziki, sị a, “Ejẹnlẹ alị Ijiptu; ka nọdị alị m k'a ghọsị ị.

Jẹnẹsisi 28:3

Chuku hụn nwọn ikẹn ile ya gọzi i, mẹ i mụba, kẹni i wụrụ igunrun ịhịan.

Jẹnẹsisi 35:11

Chuku nọ sị a, “Mmẹ wụ Chuku Hụn nwọn ikẹn ile; mụba; alị k'a gha ẹhụ ị pụha — alị hụn nwọnsọnmẹ alị ichẹn-ichẹn; ndị-nze k'a gha ẹhụ ị pụha.

Jẹnẹsisi 43:14

Chuku Nwọn ikẹn ile ya mẹni ụnụ omikẹn, mẹ okẹnnyẹ ahụn kweri hatuni ụnụ nwẹnẹ ụnụ o kwọndọn lẹ Bẹnjamini, nị wẹ hụn ụzọ lụaha. O mẹ nke m, omẹni ọnwụn ụmụ e kunrungụọ m, o kunrungụọ m!”

Jẹnẹsisi 46:3

Ya Osolobuẹ nọ sị a, “Mmẹ wụ Chuku, Chuku hụn nẹdi i fe. Atụlẹ egun n'i jẹnkọ alị Ijiptu, makẹni m k'e gi i họnrin okẹn alị hi-ogbe ebẹhụ.

Jẹnẹsisi 48:15

Ọ nọ gọzimẹ Josẹfụ, sị, “Chuku ahụn ndị nẹdi m wụ Ebraham lẹ Aziki bi k'o dọn chọ, Chuku ahụn rị e lepụ m ẹnya kete m bịalẹ ụwanị d'e ru tannị,

Jẹnẹsisi 48:3

Ya Jekọpụ nọ sị Josẹfụ, “Chuku Nwọn ikẹn ile bịa d'e kunrun m ogẹn m gi rị Luzu hụn rị alị Kenaanị, nọ ebahụn gọzi m.

Jẹnẹsisi 5:22

Ogẹn Ẹnọkụ gi mụgụ Mẹtusẹla, Ẹnọkụ nọ sọnmẹ Osolobuẹ, sọn ẹ ọrọgbọ ahụa ọgụn-mmisẹn. Ọ mụzịghọ ụmụ ndị ọzọ ogẹn ahụn — kẹ ikẹnnyẹ kẹ ikpoho.

Jẹnẹsisi 5:24

Ẹnọkụ e sọnbe Osolobuẹ, ahụnzịnị w'a — makẹni Osolobuẹ weri ẹ.

Jẹnẹsisi 6:9

Ọnwan wụ akịkọ Nụa: Nụa wụ onyẹ ezi-omumẹ, ịya nwọnlẹni nkọrịanị ogẹn nke wẹ. Nụa e sọn Osolobuẹ.

Ndị-nze Nke Ibuzọ 2:4

lẹni Osolobuẹ hụn ụzọ mẹzu nkwa o kwe m, sị, ‘Ụmụ ị dọnrin ẹnya bi obibi rị mma, gi obi wẹ ile lẹ umẹ-ndụn wẹ ile bini m k'o furu nị wẹ bi, y'e nwọnbehikọ onyẹ ẹbozo ị k'a nọdị ukpo-eze Izrẹlụ.’

Ndị-nze Nke Ibuzọ 3:6

Solomọnụ nọ sị a, “Y'a ghọsịgụọ odibo i wụ Defidi nẹdi m okẹn ihiẹn-ọsụsụọ makẹni o gi obi ẹ ile sọn i, bi k'ị dọn chọ, gi obi kụrụ ọtọ sọn i. Ị hụkwọ nwan a ghọsị a okẹn ihiẹn-ọsụsụọ ebe ị nọ ye ẹ nwa rikin ẹ eze, nọkin ẹ ukpo ẹ tannị.

Ndị-nze Nke Ibuzọ 8:25

“Osolobuẹ, Chuku Izrẹlụ, dodo mẹzuni nwan odibo i wụ Defidi nẹdi m nkwa hụ i kwe ẹ ogẹn ahụn i gi sị, ‘Y'e nwọnbehikọ nwa ị k'a nọ ihun m a kịnị m elu ukpo-eze Izrẹlụ — o mẹkwọnị ụmụ ị e dọnrin ẹnya e mẹ ihiẹn ile kẹ m dọn chọ, nọkẹ k'i dọn mẹ.’

Ndị-nze Nke Ẹbụọ 20:3

“Euu, Osolobuẹ, dodo, nyanhankwọ kẹ m dọn rị e sọnchanrịn ị ọhụnma-ọhụnma lẹ kẹ m dọn wechanrịn obi m ile ye i, e mẹ ihiẹn rị mma ẹnya ị.” Hezikaya nọ kwan ẹkwan ọda-ọda.

Jobu 1:1

O nwọn okẹnnyẹ ohu bi alị Uzu; ẹfan a wụ Jobu. Okẹnnyẹni wụ onyẹ ezioku; onwọn nkọrịanị; ọ tụ egun Chuku; ara gi eje-ihiẹn mẹ ẹhụ.

Jobu 11:7

N'ị sa ẹka ghọtachanrịn Chuku? N'ị sa ẹka chọpụhachanrịn ihiẹn ile gbashịarị Onyẹ Hụ Nwọn Ikẹn Ile?

Ẹbụ-ọma 115:3

Bụ Chuku ẹnyi rị elu-igwee, e mẹ ihiẹn ọ chọ n'o mẹ.

Ẹbụ-ọma 116:9

M hụkwọ ndụn elu ụwanị, a ghahunmẹ ihun Osolobuẹ.

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Ọpụpụ 6:3

Kẹ m we enwẹn m ghọsị Ebraham lẹ Aziki lẹ Jekọpụ, m ghọsị wẹ nị m wụ Chuku Nwọn Ikẹn Ile, kanị, egini m ẹfan m wụ Osolobuẹ ghọsị wẹ enwẹn m.

Itẹn 10:9

Onyẹ e dọnmẹ ẹka a ọchan jẹnkọnị, obi e rusọnmẹ ẹ alị, kanị wẹ k'a nwụn onyẹ ghẹrẹ-ghẹrẹ-ghẹrẹ.

Azaya 38:3

“Euu Osolobuẹ, nyanhankwọ kẹ m dọn e bichanrịnnị ịyụ sụọ, e gi obi m ile e fe i, e mẹ ihiẹn rị ị mma ẹnya.” Hezikaya nọ kwan ezigbo ẹkwan.

Jerimaya 32:17

“Euu, Osolobuẹ ihiẹn ile rị okpuru ẹ, yụ gi ikẹn i hi-ogbe lẹ ẹka ị tịnpụ mẹmẹ igwere lẹ ụwa! Onwọnni ihiẹn a karị ị ẹka.

Daniẹlụ 4:35

Ndị ile bi elu-ụwa enwọn kẹ wẹ han ebe ọ rị. Ihiẹn sụọn'a k'o mẹ — kẹ ebe ikẹn ndị rị elu-igwee rị kẹ ebe ndị rị elu-ụwa rị. Onwọnni onyẹ a sa ẹka e gbọndọn ẹ mọbụ sị a: “K'i mẹni ihiẹnni?”

Maịka 6:8

Ịhịan, Osolobuẹ agwagụọ ị ihiẹn rị mma i k'e mẹ. Kị Osolobuẹ chọ ẹka ị karị iye ịhịan ihiẹn ẹ lẹ ihiẹn-ọsụsụọ lẹ iwelụa enwẹn i alị bini Chuku i?

Ọgụngụn 11:23

Osolobuẹ nọ sị Mozizi, “Ẹka Osolobuẹ e mẹkẹ mkpụrụ? Ị jẹnkọ nwan d'a hụn kẹ ihiẹn m ku sikọ d'e mẹ ra o mẹkọ.”

Ọgụngụn 24:16

amụma onyẹ hụn a nụ ọnụ Osolobuẹ lẹ enwẹn ẹ, onyẹ hụn gha ẹka Onyẹ Ahụn kachanrịnnị a marịn ihiẹn; onyẹ hụn Onyẹ Nwọn ikẹn ile a ghọsị ihiẹn; onyẹ hụn a dann'a alị hụn ẹnya a shịapụ:

Matiu 19:26

Kanị Jizọsị e lee wẹ ẹnya, ọ nọ sị wẹ, “Ebe ịhịan rị, ọ sakọ ẹka mẹ, kanị ebe Osolobuẹ rị, onwọnni ihiẹn ghalẹni a saẹka e mẹ.”

Matiu 5:48

Zu ni nwan oke kẹ Nẹdi ụnụ hụn rị elu-igwee dọn zu oke.

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Ọrụn Ndị-ozi 23:1

Pọlụ nọ bu ẹnya tụma Ndị-isi Nkịkwama hụ, sị, “Umunẹ m, e giọlẹ m obi rị ọchan bi elu m idẹnya Osolobuẹ d'e ru tannị.”

Ọrụn Ndị-ozi 24:16

Ufiri ẹ kẹ m gi a lịlịma ogẹn ile, kẹni m hụn a nị obi m rị ọchan ebe Osolobuẹ lẹ ịhịan rị.

Ndị Ẹfẹsọsụ 3:20

Nke Osolobuẹ, Onyẹ hụn k'a s'ẹka gi ikẹn ẹ rị ọrụn imẹ ẹnyi rụnkarị ihiẹn ile ẹnyi k'a saẹka rịọ mọbụ ro, rụnkarị a ọhụnma-ọhụnma,

Ditrọnọmi 10:17

Makẹni, Osolobuẹ wụ Chuku ụnụ wụ Chuku ka mmọn-lẹ-iyi ile, Nna ndị nna; Chuku ahụn hi ogbe, hụn e mẹ ihiẹn a tụ egun; ara gbeyeni ịhịan, ara na egho azụụn.

Ditrọnọmi 18:13

Enwọnkwọlẹ ni ihiẹn w'e gi kọrịanị ụnụ ebe Osolobuẹ wụ Chuku ụnụ rị.

Ditrọnọmi 30:20

lẹ ni ụnụ hụn ụzọ nwọn ihiẹn-ọsụsụọ Osolobuẹ wụ Chuku ụnụ, e gọn ẹ ntịn, kwọnkẹnmẹ ẹ. Makẹni Osolobuẹ wụ onyẹ e ye ụnụ ndụn, e mẹ isi e ru ụnụ ẹnyasị imẹ alị ahụn o kun enwẹn n'o k'e ye ndị nẹdi ụnụ kanị wụ Ebraham, Aziki lẹ Jekọpụ.

Ndị Filipi 4:13

M'a saẹka e mẹ ihiẹn ile ghahanị Onyẹ hụn e ye m ikẹn.

Hibru 12:28

Ebe o mẹ nwan nị ẹnyi rị e nwọnhẹn alị-eze wẹ ghalẹni a saẹka e zinzinpụ, nị ẹnyi kpanmịn nị Osolobuẹ, gi egun Osolobuẹ lẹ mgbaye fe Osolobuẹ ofufe ọ k'a nabanhan;

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.