Jẹnẹsisi 15:7 - Ika

⁷ Osolobuẹ nọzị sị a, “Mmẹ wụ Osolobuẹ hụn gha Uru rị alị ndị Kal'di Babilọnụ wepụha ị kẹni m ye i alịnị weri.”

Jẹnẹsisi 15:7 ပူးပေါင်းရင်းမြစ်များ

Jẹnẹsisi 12:1

Omẹgụ, Osolobuẹ nọ sị Ebram, “Hapụ alị ị lẹ ebọn ụnụ lẹ iwe nẹdi i, n'i jẹnmẹ alị m sikọ d'a ghọsị ị.

Jẹnẹsisi 12:7

Ya kẹ Osolobuẹ nọ we enwẹn ẹ ghọsị Ebram, sị, “M k'e ye nwa ị alịnị.” Ebram nọ rụnnị Osolobuẹ ukpo wẹ n'a chụn ẹjan ebahụn — Osolobuẹ hụn we enwẹn ẹ ghọsị a.

Jẹnẹsisi 28:4

Ya ye i ngọzi Ebraham, kẹ yụ kẹ ụmụ ị, kẹni alịnị ị nọ nwan wụ otumunyẹ hụn ụzọ wụrụ nke i, alị hụn Osolobuẹ ye Ebraham.”

Jẹnẹsisi 50:24

Ya Josẹfụ nọ sị umunẹ ẹ “M'e d'a nwụn; kanị Chuku jẹnkọ d'a bịarịrị d'e yeni ụnụ ẹka, gha alịnị wepụ ụnụ, bu ụnụ che alị hụ o kun enwẹn ẹ kwe ndị nẹdi ụnụ wụ Ebraham, Aziki lẹ Jekọpụ nkwa a.”

Ẹbụ-ọma 105:11

Ọ sị wẹ, “M k'e ye ụnụ alị Kenaanị, o k'a wụrụ ukuu ụnụ.”

Ẹbụ-ọma 105:42

Makẹni ọ nyanhan nkwa a ahụn rị nsọ, nkwa hụ o kwe odibo ẹ wụ Ebraham.

Ẹbụ-ọma 105:44

O we alị ndị alị ọzọ rị ichẹn-ichẹn ye wẹ, e weri wẹ ihiẹn ndị alị ahụn rụn.

Ọpụpụ 32:13

Nyanhankwọ idibo i wụ Ebraham, Aziki lẹ Izrẹlụ, ndị i kunni enwẹn i, sị, ‘M k'e mẹ ụmụ ọnụ bu ọda kẹ kokisẹ rị igwere, ye ụmụ ụnụ alịnị ile m kwe nkwa a, ọ wụrụ nke wẹ jẹnrin ejẹn.’ ”

Ọgụngụn 33:53

Weri ni alị ahụn biri, nị e yegụọ m ụnụ ya weri.

Ndị Rom 4:13

Nkwa Osolobuẹ kwe Ebraham lẹ nwa a nị ụwa ile k'a wụ nke ẹ ẹlẹ ghahanị Iwu kanị ghahanị ezi-omumẹ wẹ gi okukwe e nwọnhẹn.

Ditrọnọmi 3:18

M gwa ụnụ ndị Rubẹni lẹ ndị Gadị lẹ mgbube Manasẹ hụn wẹ ile wị oku ogẹn ahụn, sị, “Osolobuẹ wụ Chuku ụnụ e yegụọ ụnụ alịnị weri. Kanị ndị ile ka ẹhụ imẹ ụnụ sikọ d'e kọnrinrịrị agha, buruni umunẹ ụnụ ndị Izrẹlụ họdụnị ụzọ, wẹ fetukọnị Iyini d'e werisọnmẹ alị nke wẹ.

Ditrọnọmi 9:5

Ẹlẹ nị ụnụ wụ ndị ezi-omumẹ mọbụ nị ụnụ kụrụ ọtọ kẹ ụnụ gi bankọ d'e weri alị wẹ: kama, ufiri njọ ndị alị ndịnị wẹ kẹ Osolobuẹ wụ Chuku ụnụ k'e gi chụpụ wẹ, kẹn'o mẹzu ihiẹn ahụn o gi ufiri ẹ kun enwẹn ẹ kwe ndị nẹdi ụnụ kanị wụ Ebraham, Aziki lẹ Jekọpụ nkwa.