Jẹnẹsisi 15:5 - Ika

⁵ Ọ nọ wepụha Ebram ihun-ezi, sị a, “Lee ẹnya elu-igwere, n'ị hụn ụzọ gụn kokisẹ ndị rị elu omẹni n'ị sa ẹka gụn wẹ.” Ọ nọzị sị a, “Ẹrịra kẹ ụmụ ị k'e bu ọda.”

Jẹnẹsisi 15:5 ပူးပေါင်းရင်းမြစ်များ

Jẹnẹsisi 12:2

M k'e gi i mẹmẹ okẹn alị; m k'a gọzi i; m k'e mẹ wẹ nụ ẹfan ị — kẹni ị wụrụ ngọzi.

Jẹnẹsisi 13:16

M k'e ye i ụmụ bu ọda nọkẹ ẹjan rị alị, omẹni a sa wẹ ẹka gụn ẹjan rị alị, ya wụ nị a sa wẹ ẹka gụnmarịn ụmụ ị.

Jẹnẹsisi 16:10

Mmọn-ozi Osolobuẹ ahụn nọ sịzị a, “M k'e mẹ ụmụ ị ba ụba, nkesịnị onwọnni onyẹ k'a sa ẹka gụn wẹ.”

Jẹnẹsisi 17:2

kẹni m mẹmẹ nkwerigbama ẹgbata mmẹ lẹ yụ, mẹ i barahị.”

Jẹnẹsisi 22:17

m k'a gọzi i ọhụnma-ọhụnma, mẹ ụmụ ị bu ọda nọkẹ kokisẹ rị elu-igwere lẹ ẹjan rị mkpẹnrẹn ohimin; ụmụ ị k'e mẹri ndị-iṅẹnrẹn wẹ, kị wẹ;

Jẹnẹsisi 26:4

M k'e mẹ ụmụ ị barahị rịkẹ kokisẹ rị elu-igwere; m k'e we alị ndịnị ile ye ụmụ ị; alị ile rị elu-ụwa k'a gha ẹka nwa ị nwọnrin ngọzi wẹ —

Jẹnẹsisi 28:14

Ụmụ ị k'e bu ọda kẹ ẹjan rị alị. Ị k'a bashi ụzọ ile, kẹ ọdịdan-ẹnyanwụn kẹ ọwụwa-ẹnyanwụn kẹ ẹbamịn-ugu kẹ ẹbamịn ndịdan-mirin. Ịyụ lẹ ụmụ ị kẹ ụwa ile sikọ d'a gha nwọnrin ngọzi.

Jẹnẹsisi 32:13

Ọ nọ nọdị ebẹhụ uhinhin ahụn; ọ nị gha ihiẹn ẹ họpụha ihiẹn o jẹnkọ d'e ye Isọ nwẹnẹ ẹ:

Ndị-nze Nke Ibuzọ 3:8

E lee nwan mmẹ wụ odibo i imẹ igunrun ndị nke i hụn ị họrị, ndị bugbu enwẹn wẹ ọda, wẹ ghalẹni a s'ẹka a gụngụ!

Ihiẹn Mẹni Nke Ibuzọ 27:23

Defidi agụnnị ikẹnnyẹ kelẹni ru ahụa ọgụn makẹni Osolobuẹ e kwegụọ Izrẹlụ nkwa n'o k'e mẹ ẹ bu ọda kẹ kokisẹ rị elu-igwere.

Nehemiah 9:23

“Ị nọ mẹ ụmụ wẹ ba ụba, e bu wẹ ọda nọkẹ kokisẹ rị elu-igwere, wẹhẹ wẹ imẹ alị hụn ị gwa ndị mụnị wẹ banye d'e weri.

Jobu 35:5

Lee ẹnya igwere n'ị hụn; bu ẹnya zinmẹ orukpu igwere hụn jẹnnahịn ị elu.

Ẹbụ-ọma 147:4

Ịya marịn kokisẹ ole rịnị, marịndẹ ẹfan wẹ ile.

Ọpụpụ 32:13

Nyanhankwọ idibo i wụ Ebraham, Aziki lẹ Izrẹlụ, ndị i kunni enwẹn i, sị, ‘M k'e mẹ ụmụ ọnụ bu ọda kẹ kokisẹ rị igwere, ye ụmụ ụnụ alịnị ile m kwe nkwa a, ọ wụrụ nke wẹ jẹnrin ejẹn.’ ”

Azaya 51:2

Leri ni nẹdi ụnụ wụ Ebraham lẹ Sẹra nnẹ mụnị ụnụ. Ogẹn m gi kpọ Ebraham, onyẹ ohu k'ọ wụ. Kanị, a gọzi m'ẹ, mẹ ẹ mụba.

Jerimaya 33:22

M k'e mẹ ebọn odibo m wụ Defidi lẹ ẹbozo Livaị hụn a nọdị ihun m a rụnnị m ọrụn barahị, mẹ wẹ bu ọda kẹ kokisẹ rị igwere lẹ ẹjan rị mkpẹnrẹn ohimin, ihiẹn ẹbụbụọ wẹ ghalẹni as'ẹka a gụnmarịn.’ ”

Ndị Rom 4:18

Ebraham e kweri, ọsụọn'a n'o nwọnni ihiẹn o kwọndọn ẹka, ọ tọ a tụ ẹnya n'o jẹnkọ d'a wụrụ “Nẹdi alị bu ọda,” kẹ Osolobuẹ dọn gwa a mbụ ogẹn o gi sị a, “Ẹrịra kẹ ụmụ ị k'e buhan ọda.”

Ditrọnọmi 1:10

Osolobuẹ wụ Chuku ụnụ e mẹgụọ ụnụ bukẹmẹ ọda, nke wụ nị, ụnụ e bugụọ nwan ọda kẹ kokisẹ rị igwere —

Ditrọnọmi 10:22

Ndị nẹdi ụnụ rịhụ madụ iri kwasị ọgụn ẹtọ sụọ kẹ wẹ shi alị Ijiptu, kanị Osolobuẹ wụ Chuku ụnụ e mẹgụọ nwan ụnụ bu ọda kẹ kokisẹ rị elu-igwere.

Hibru 11:12

Ya okẹnnyẹ ohuni ẹhụ a nwụnhụngụ nọ mụ ụmụ bu ọda kẹ kokisẹ rị igwere lẹ ẹjan rị mkpẹnrẹn ohimin wẹ ghalẹni a saẹka a gụn.

Joshụa 24:3

Kanị m nọ gha nfetu Iyi Yufretisi wepụha nẹdi ụnụ wụ Ebraham, duru ẹ ghahunmẹchanrịn alị Kenaanị ile, ye ẹ ụmụ bu ọda. E ye m'ẹ Aziki;