Jẹnẹsisi 14:17 - Ika

¹⁷ Ebram a lụaha ebe ọ nọ mẹri Kẹdọlama lẹ ndị-nze ya lẹ wẹ wị, ya kẹ eze Sodọm nọ jẹn d'e kunrun ẹ imẹ Ọdanmgbugbu Shavẹ (hụn wụ Ọdanmgbugbu Eze).

Jẹnẹsisi 14:17 ပူးပေါင်းရင်းမြစ်များ

Jẹnẹsisi 14:1

Ogẹn Amrafẹlụ gi wụ eze Shina wụ Babilọnụ, Arịọkụ wụ eze Ẹlasa, Kẹdọlama wụ eze Ẹlam, Tidalụ wụ eze Goi.

Jẹnẹsisi 14:10

Ogẹn ahụn, Ọdanmgbugbu Sidim mẹ mkpọkọ-olu, mkpọkọ-olu. Ebe ndị-nze alị Sodọm lẹ alị Gomora lẹ ibe wẹ gbakọ makẹni agha a karịgụọ wẹ ẹka, ụfọdụ nọ danbansọnmẹ imẹ olu ndị ahụn, ndị họdụnị a gbashi elu-ugu nọkunmẹ ọdanmgbugbu ahụn.

Jẹnẹsisi 14:5

Hụn mẹ ẹ ahụa mmẹnọ, Kẹdọlama lẹ ndị-nze ya lẹ wẹ wị nọ bịa; e mẹrikwama wẹ ndị Rẹfa rị Ash'tarọtụ-Kanaim lẹ ndị Zuzu rị Ham lẹ ndị Ẹm rị Shavẹ-Kiriataim

Samuẹlụ Nke Ẹbụọ 18:18

Ogẹn Absalọm gi rị ndụn, o zumẹgụọlẹ ọmụma ohu ye Ọdanmgbugbu-Eze kẹni w'e gi ẹ a nyanhan a, makẹni ọ sị enwẹn ẹ, “Amụnị m okẹnnyẹ hụn w'e gi a nyanhan ẹfan m.” Ya ọ nọ gụn ọmụma hụ ẹfan a. Ihiẹn w'a kpọkwọ a nwan d'e ru tannị wụ “Ịnyanhan Absalọm.”

Itẹn 14:20

Ndị bikunmẹ ndị igbẹnnyẹ a gbaladẹni wẹ agbalanị, kanị ndị ịdanfịn nwọn ndị ọwụ bu ọda.

Itẹn 19:4

Akụ-lẹ-ụba e wẹhẹ ọwụ bu ọda, kanị ịhịan dan ogbẹnnyẹ, ndị ọwụ a a gba a tọ.

Hibru 7:1

Mẹkizẹdẹkịnị ẹnyi rị e ku wụ eze alị Salẹm; ọ wụzịkwọ onyẹ nchụn-ẹjan Osolobuẹ, Chuku Kachanrịnnị. O kunrun Ebraham kẹ Ebraham kinla ogẹn Ebraham gi mẹrigụ ndị-nze hụ imẹ agha, ọ nọ gọzi Ebraham.

Ndị Han Eṅẹn 11:34

Ogẹn Jẹfta gi lụaha iwe ẹ rị Mizpa, e lee nwa a okpoho k'ọ pụha d'e kunrun ẹ, tẹnkọ egu, kụkọ ẹgede-chakachaka! Ịya sụọ k'ọ mụ. Okpoho ọzọ arịa; okẹnnyẹ arịa.

Samuẹlụ Nke Ibuzọ 18:6

Ogẹn ikẹnnyẹ Izrẹlụ gi lakọ agha, kẹ Defidi gbugụ Golịatị onyẹ Filistia hụ, ikpoho nọ gi ẹbụ lẹ itẹn-egu ghasọnmẹ obodo ile rị Izrẹlụ pụha d'a sị eze wụ Sọlụ a lụa, wẹ hụ a bụ ẹbụ-ịghọghọ, a kụ ẹgede-chakachaka, a kpọ ụbọ.