Jẹnẹsisi 14:10 - Ika

¹⁰ Ogẹn ahụn, Ọdanmgbugbu Sidim mẹ mkpọkọ-olu, mkpọkọ-olu. Ebe ndị-nze alị Sodọm lẹ alị Gomora lẹ ibe wẹ gbakọ makẹni agha a karịgụọ wẹ ẹka, ụfọdụ nọ danbansọnmẹ imẹ olu ndị ahụn, ndị họdụnị a gbashi elu-ugu nọkunmẹ ọdanmgbugbu ahụn.

Jẹnẹsisi 14:10 ပူးပေါင်းရင်းမြစ်များ

Jẹnẹsisi 11:3

Wẹ nọ tụgbama iroro, sị ibe wẹ, “Bịa nị; nị ẹnyi kpụ nị ẹjan, ẹnyi e gi ọkụn kikọ a n'ọ kọrọhị.” Ya wẹ nọ gi ẹjan ahụn wẹ kpụ, kikọ, nọkin ẹnya ọmụma wẹ te gi a tụn ụlọ, gizi korota nọkin ẹnya simẹnti wẹ te gi a nyangbama ọmụma.

Jẹnẹsisi 14:11

Ya kẹ ndị-iṅẹnrẹn nọ kwarị ihiẹn ile wụ nke ndị Sodọm lẹ ndị Gomora, buruzikwọ ihiẹn-oriri ile wẹ nwọn, jẹnmẹ ebe wẹ jẹnkọ;

Jẹnẹsisi 14:17

Ebram a lụaha ebe ọ nọ mẹri Kẹdọlama lẹ ndị-nze ya lẹ wẹ wị, ya kẹ eze Sodọm nọ jẹn d'e kunrun ẹ imẹ Ọdanmgbugbu Shavẹ (hụn wụ Ọdanmgbugbu Eze).

Jẹnẹsisi 14:21

Omẹgụ, Eze Sodọm nọ sị Ebram, “Ye m ịhịan ndịnị, ka weri ibu rịn'a.”

Jẹnẹsisi 14:3

Ndị-nze isẹnni nọ kịha ndị-agha wẹ ile Ọdanmgbugbu Sidim hụn wụ Ohimin Nnu.

Jẹnẹsisi 14:9

Kẹdọlama eze Ẹlam, Amrafẹlụ eze Shina, Tidalụ eze Goi lẹ Arịọkụ eze Ẹlasa agha. Ndị-nze ẹnọ a lụsọn ndị-nze isẹn agha.

Jẹnẹsisi 19:17

E wepụhagụ wẹ wẹ imẹ obodo, mmọn-ozi ohu nọ sị wẹ, “Gbama nị ọsọ, makẹ isi ụnụ gha a tọ a! Elekwọlẹ ni ẹnya azụụn mọbụ kụsị ebe ọwụlẹ imẹ alị-aradannị! Ka gbashi ni elu òke, amamgbe isi ụnụ a tọ a!”

Jẹnẹsisi 19:30

Omẹgụ, Lọtụ nọ gha Zụa pụ, shi elu òke, ya lẹ ụmụ a ikpoho ẹbụọ ahụn, makẹni egun a nịn'a nọdị Zụa; e ru wẹ ebẹhụ, wẹ nọ nwan biri imẹ okporo ugu.

Ẹbụ-ọma 83:10

ndị hụn i tikpọ la iwi imẹ Ẹndọ, ozun wẹ e retọ alị nọkẹ nsịn.

Azaya 24:18

Onyẹ hụn isi gbanahịn ihiẹn-egun ahụn, ọ danye imẹ mgbugbu; onyẹ hụn isi gha imẹ mgbugbu hụ nyinpụha, ọnyan a nwụn a. Ụzọ mirin rị elu-igwere a gụnpụsọnmẹgụọ, iyetọ ụwa hụ e zinzin.

Jerimaya 48:44

Onyẹ gbanahịn ihiẹn-egun ahụn, ọ danye imẹ mgbugbu hụ; onyẹ hụn isi nyinpụha imẹ mgbugbu hụ, ọ danban ọnyan hụ. Makẹni, m welanị alị Mụabụ ogẹn o gi ta afụnfụn furun'ẹ. Mmẹ wụ Osolobuẹ e kugụọ a.

Joshụa 8:24

Ogẹn ndị agha Izrẹlụ gi gbuchanrịngụ ndị Aị imẹ atụ wẹ chụjẹn wẹ, ogẹn wẹ gi gigụ ọpịa-agha gbukwama wẹ, ndị agha hụ ile nọ kin azụụn shi imẹ Aị, gbukwamazị ndị rị imẹ ẹ.