Jemisi 5:7 - Ika

⁷ Umunẹ m, e nwọn ni nwan ndidin d'e ru ni Di-nwọnni-ẹnyi a bịa. Lee ni kẹ onyẹ-ugbo e che ihiẹn-ugbo rịgbu enwẹn ẹ mkpa, e din ndidin ni mirin ahụa lẹ mirin ikpanzụụn zueyegụ a.

Jemisi 5:7 ပူးပေါင်းရင်းမြစ်များ

Jerimaya 5:24

W'a ra sịdẹ enwẹn wẹ, ‘Nị ẹnyi gbaye ni Osolobuẹ wụ Chuku ẹnyi, hụn e zihẹ mirin ogẹn ẹ: kẹ mirin ẹnyi gi a kụn ihiẹn-ugbo kẹ hụn ihiẹn-ugbo gi e mẹ ọhụnma; hụn e mẹ ẹnyi a hụnsọnmẹ mkpụrụ a ghọrị ogẹn ịghọ-mkpụrụ.’

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Juwẹlụ 2:23

Ẹfọ ya sụọma ụnụ ụsụọ, ndị Zayọnụ; ghọghọma nị makẹ Osolobuẹ wụ Chuku ụnụ, makẹni o yegụọ ụnụ mirin-ahụa gi tụnị ụnụ ụya; o mẹgụọ mirin zue ni ụnụ ọda-ọda, kẹ mirin-ahụa kẹ mirin ikpanzụụn kẹ o dọn e mẹ mbu.

Zẹkaraya 10:1

Rịọ nị Osolobuẹ mirin ogẹn udu-mirin, Osolobuẹ hụn e mẹ mirin e ru, e zue ọda-ọda, Onyẹ hụn e mẹ ihiẹn wẹ kụn ugbo e sue.

Matiu 16:27

“Ẹghẹẹ, Nwa nke Ịhịan k'e gi ọghọ Nẹdi ẹ bịa, ya lẹ ndị mmọn-ozi ẹ k'a wị; ogẹn hụ, o k'a kụ onyẹ ọwụlẹ ụgwọ ihiẹn o mẹ.

Matiu 16:28

M rị a gwa ụnụ ezioku, o nwọnghọ ndị rị ebeni jẹnkọlẹni d'a nwụnhụn d'e ru ni a hụn wẹ Nwa nke ịhịan k'ọ lala kẹ eze.”

Matiu 24:27

Makẹni, kẹ amụma dọn a gha ọwụwa-ẹnyanwụn e be, a hụn w'a ọdịdan-ẹnyanwụn, ẹrịra kẹ ọbịbịa Nwa nke Ịhịan jẹnkọ d'a rị.

Matiu 24:44

Ụnụ nwẹn, kwademẹkwọ nị, makẹni mmẹ wụ Nwa nke Ịhịan lala ogẹn ụnụ tụlẹni ẹnya.”

Luku 18:8

“M rị a gwa ụnụ, o jẹnkọ d'e mẹ wẹ ye wẹ ihiẹn runi wẹ, mẹdẹ ẹ ngwa. Kanị Nwa nke Ịhịan bịa, n'ọ hụn ndị nwọn okukwe imẹ ụwa?”

Luku 21:27

Ogẹn hụ kẹ wẹ jẹnkọ d'e gi hụn Nwa nke Ịhịan k'ọ rị imẹ orukpu o gi lala, ya lẹ ikẹn lẹ ọghọ hi-ogbe.

Luku 8:15

“Ezigbo alị hụ mkpụrụ ndị hụ danye wụ ndị ahụn nụ oku-Chuku, gi obi wẹ ile nabanhan a, kwọnkẹnmẹ ẹ, din ndidin, mị mkpụrụ.

Jọnụ 21:22

Jizọsị nọ sị a, “Omẹni m chọ n'ọ rị ndụn d'e ru mgbe m bịa, ele hụn biri i? Sọnmẹ m!”

Jọnụ 21:23

Ya okuni nọ kpọgbama imẹ igunrun ndị e sọn Jesu, nị onyẹ nsọnmazụụn a nị anwụnkọ. Kanị, Jizọsị ekuni n'ọ nwụnkọ, ihiẹn o ku wụ, “Omẹni, m chọ n'ọ rị ndụn d'e ru mgbe m bịa, ele hụn biri i?”

Ndị Rom 15:4

Wẹ de ihiẹn ile wẹ de imẹ Ẹkụkwọ-nsọ ẹdẹi kẹni wẹ gi ẹ kuzi ẹnyi, kẹni ẹnyi hụn ụzọ e din ndidin, e gi ya lẹ nkasị-obi Ẹkụkwọ-nsọ e ye nwọnsọnmẹ olilẹnya ẹnyi.

Ndị Rom 2:7

Nke ndị e mẹsọnmẹ mma makẹni wẹ rị a chọ nị Osolobuẹ ye wẹ ọghọ lẹ mgbaye lẹ ndụn nwọnlẹni ọgụgụ, Osolobuẹ k'e gi ndụn itẹbitẹ kụ wẹ ụgwọ.

Ndị Kọrẹntị Ibuzọ 1:7

Onwọnzini nwan oyiye Mmọn-nsọ akọnị ụnụ kẹ ụnụ dọn rị e che ọbịbịa Onyẹ-nwọnni-ẹnyi wụ Jizọs Kraịstị.

Ndị Galeshịa 5:5

Kanị, okukwe lẹ ikẹn Mmọn-nsọ kẹ ẹnyi nwẹn rị e gi che nị Osolobuẹ kuni ẹnyi ọhụnma ahụn ẹnyi rị a tụ ẹnya a.

Ndị Galeshịa 6:9

Ya wụ, ndụn imẹ-mma y'a gụkwọlẹ ẹnyi. Makẹni, omẹni ẹnyi anịnị ndụn gụ ẹnyi, ogẹn ru, ẹnyi jẹnkọ d'e ri erere ẹ.

Ditrọnọmi 11:14

Osolobuẹ sị, “M k'e zi mirin zueye alị ụnụ udu-mirin, kẹ mirin ibuzọ wụ mirin ahụa kẹ mirin ikpanzụụn, kẹni ụnụ hụn ọka, manya lẹ ofigbọn-olivu.

Ndị Kolosị 1:11

Ya gi ikẹn ẹ hụ hi-ogbe hụn e ye ẹ ọghọ mẹ ụnụ kẹnrẹn ụzọ ile, kẹni ụnụ saẹka e kwọnkẹnmẹ okukwe ụnụ, e gi ịghọghọ e dingbu ihiẹn ile,

Ndị Tẹsalonika Ibuzọ 1:3

Ẹnyi hụ a nyanhan ụnụ ihun Osolobuẹ ẹnyi wụ Nẹdi ẹnyi: ihiẹn ile ụnụ rị e gi okukwe ụnụ a rụn, kẹ ụnụ dọn rị a lịlịma makẹni ụnụ nwọn ihiẹn-ọsụsụọ lẹzi kẹ ụnụ dọn rị e gi olilẹnya ụnụ nwọn imẹ Di-nwọnni-ẹnyi wụ Jesu Kristi e dingbu ihiẹn ile.

Ndị Tẹsalonika Ibuzọ 2:19

Ẹghẹẹ: ẹlẹ ụnụ wụ olilẹnya ẹnyi? Kị wụzị nwan ịghọghọ ẹnyi? Kị wẹ k'e gi tu ẹnyi ugọn? Onyẹ kẹ ẹnyi k'e gi nyan isi ihun Di-nwọnni-ẹnyi wụ Jesu ogẹn o k'e gi bịa? Ẹlẹ ụnụ?

Ndị Tẹsalonika Ibuzọ 3:13

kẹni obi ụnụ zekẹnmẹ ebe ịrị-nsọ rị, ụnụ a wụrụ ndị nwọnlẹni nkọrịanị ihun Chuku Nẹdi ẹnyi ogẹn Di-nwọnni-ẹnyi Jesu lẹ ndị nsọ a e gi bịa.

Hibru 6:15

Ebraham nọ din ndidin cheri; o mẹgụ, ọ nọ nwọnhẹn ihiẹn hụ Osolobuẹ kwe ẹ nkwa a.

Jemisi 4:11

Umunẹ m, ekujakwọlẹ ni oku ibe ụnụ, makẹni onyẹ hụn kuja oku ibe ẹ mọbụ kin ẹ ikpe rị e kuja oku Iwu Osolobuẹ ye, e kin Iwu Osolobuẹ ikpe. Ị gha e kin Iwu ikpe, y'ẹlẹzi onyẹ e dọnmẹ Iwu, y'a wụrụgụọ ọka-ikpe!

Jemisi 5:10

Umunẹ m, leri ni okẹn-ndidin ndị-amụma mbụ gi ẹfan Di-nwọnni-ẹnyi ku oku gi sọn afụnfụn wẹ ta.

Jemisi 5:3

Goru ụnụ lẹ siliva ụnụ a gbagụọ nchara! Ncharanị wẹ gba k'a shịagbu ụnụ ẹri; o jẹnkọ d'e ripụ ụnụ uru-ẹhụ kẹ ọkụn dọn e ri ihiẹn, ụnụ gi kpatọ akụ-lẹ-ụba ogẹn ikpanzụụnnị.

Pita Nke Ẹbụọ 3:4

a sị, “Elebe kẹ nkwa nwẹn o kwe n'ọ lala alala rị? Ndị nẹdi ẹnyi wẹ e bigụọ nwụnhụn kete-ele-mgbe; ihiẹn ile nọhụ kẹ wẹ rị kete wẹ kelẹ ụwa!!”