Jemisi 5:16 - Ika

¹⁶ A gwaghọsị nị nwan ibe ụnụ njọ ụnụ mẹ, e mẹni ni ibe ụnụ ekpere, kẹni ụnụ hụn ụzọ dịnhịn. Ekpere onyẹ ezi-omumẹ nwọn ikẹn ọda-ọda; ọ rụnka.

Jemisi 5:16 ပူးပေါင်းရင်းမြစ်များ

Jẹnẹsisi 19:29

Ẹrịra k'o gi mẹ ni ogẹn Osolobuẹ gi tikpọ obodo ndị ahụn rịsọnmẹ alị aradan Ọdanmgbugbu Jọdanị, ebẹhụ Lọtụ jẹn d'e biri, ọ nyanhan Ebraham, gi ufiri ẹ wepụ Lọtụ imẹ ndị wẹ tikpọ.

Jẹnẹsisi 20:17

Ebraham nọ nwan mẹ ekpere, kpọku Osolobuẹ, Osolobuẹ nọ zụọ Abimẹlẹkị, zụọzịkwọ nwunyẹ ẹ lẹ igbọn ẹ ikpoho, wẹ nọ mụma ụmụ —

Jẹnẹsisi 20:7

Wekinni nwan okẹnnyẹ ahụn nwunyẹ ẹ, makẹni onyẹ-amụma k'ọ wụ; o k'e mẹni i ekpere, y'a rị ndụn. Kanị omẹni y'e wekinn'ẹ azụụn, marịnkwọ n'i sikọ d'a nwụnhụnrịrị, yụ lẹ ndị nke i ile.”

Jẹnẹsisi 32:28

Ọ nọ sị a, “Ẹfan ị ẹlẹzi Jekọpụ, kanị Izrẹlụ — makẹni y'e sọngụọ Osolobuẹ lẹ ịhịan zụọ, ọ ghan'ị.”

Samuẹlụ Nke Ẹbụọ 19:19

sị a, “Di-nwọnni m, dodo, egilẹ njọ m mẹ sọn m. Anyanhanlẹ eje-ihiẹn odibo i mẹ ụhụọhịn hụ eze nwọnni pụkọ Jerusalẹm. Eze ya dodo ebulẹ che obi.

Ndị-nze Nke Ibuzọ 13:6

Ya eze wụ Jerobụam nọ sị onyẹ-ozi Osolobuẹ, “Rịọ Osolobuẹ wụ Chuku i; mẹni m ekpere, kẹni ẹka m rị mma.” Ya onyẹ-ozi Osolobuẹ hụ nọ rịọ Osolobuẹ, ẹka eze hụ nọ dịnhịn, rịzị k'ọ rị mbụ.

Ihiẹn Mẹni Nke Ẹbụọ 30:20

Osolobuẹ nụ ekpere Hezikaya, gbagharị wẹ.

Jobu 42:8

Weri ni nwan okẹn-efin ẹsa lẹ ebulu ẹsa d'e kunrun odibo m wụ Jobu; gi ni wẹ chụnnị enwẹn ụnụ ẹjan w'a dụn ọkụn — odibo m wụ Jobu e mẹni ụnụ ekpere, e gi m ufiri Jobu nụ ekpere hụ, amamgbe m'e ye ụnụ afụnfụn makẹ nzuzu ụnụ zuzu — makẹni ụnụ ekuni ihiẹn ụnụ ku banyeni m ọhụnma, kẹ odibo m wụ Jobu dọn ku.”

Ẹbụ-ọma 34:15

Ẹnya Osolobuẹ rị ebe ndị ezi-omumẹ rị, ntịn a rị ẹkwan wẹ;

Ọpụpụ 17:11

Hụn ahụn ile ẹka Mozizi ẹbụbụọ rị elu, ndị Izrẹlụ hụ e mẹri; kanị, o wetu ẹka, ndị Amalẹki e mẹrimẹ.

Ọpụpụ 9:33

Ya Mozizi nọ na eze tọ, gha imẹ obodo pụ. Ọ nọ kịshi ẹka enu zinmẹ Osolobuẹ; akpara lẹ ẹkwan-igwere nọ kụsị; mirin rị e zueni nọ zuebehi alị ahụn.

Itẹn 15:29

Osolobuẹ a nọte anọte ebe ndị eje-omumẹ rị, kanị ọ nụ ekpere ndị ezi-omumẹ.

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Itẹn 28:9

Onyẹ sị o gọnkọ ntịn Iwu-Osolobuẹ, ekpere ẹ wụdẹ arụ ebe Osolobuẹ rị.

Jerimaya 15:1

Osolobuẹ nọ sị m: “Ọsụọn'a nị Mozizi lẹ Samuẹlụ turu ihun m a rịọ m, omikẹn ndịnị emẹkọ m. Sị wẹ gha m ihun pụ! Wẹ jẹnmẹ!

Jerimaya 33:3

‘Kpọku m, m k'a za ị, gwa ị okẹn-ihiẹn zuerini, hụn ị marịnlẹni.

Jerimaya 42:2

Wẹ nọ sị Jerimaya, “Dodo kẹ ẹnyi rị a rịọ ị, mẹ ekpere rịọnị ẹnyi Osolobuẹ wụ Chuku i; yeni ẹnyi ndị họdụnị ẹka — yụ lẹ enwẹn i a hụngụọ nị ẹnyi ebuzini ọda kẹ ẹnyi buhan mbụ.

Ọgụngụn 11:2

Mgbe wẹ gi kwanburu Mozizi, ọ nọ rịọ Osolobuẹ; ọkụn ahụn nọ tinyụn.

Matiu 21:22

Ihiẹn ọwụlẹ ụnụ mẹ ekpere rịọ, kweri ni ụnụ k'e nwọnhẹn ẹ, ụnụ k'e nwọnhẹn ẹ.”

Matiu 3:6

Wẹ hụ e ku njọ wẹ mẹ, ọ hụ e mẹ wẹ mirin-Chuku imẹ Iyi Jọdanị.

Makị 1:5

Ndị ile rị ẹgbẹrẹ Judia lẹ ndị Jerusalẹm ile hụ e jẹn d'e kunrun Jọnụ, wẹ hụ e ku njọ wẹ, ọ hụ e mẹ wẹ mirin-Chuku imẹ Iyi Jọdanị.

Luku 9:6

Ndị nsọnmazụụn hụ nọ jẹnmẹ, a ghasọnmẹ wẹ ụmụ-alị ichẹn-ichẹn, e zi oziọma, a zụọ ọrịa ebe ile wẹ ru.

Jọnụ 9:31

Ẹnyi a marịnghọ nị Osolobuẹ ara gọn onyẹ-njọ ntịn, nị onyẹ e fen'ẹ lẹ onyẹ e mẹ uche ẹ k'o gọn ntịn.

Ọrụn Ndị-ozi 10:38

kẹ Jizọsị onyẹ Nazarẹtị hụn Osolobuẹ tumẹ, gi Mmọn-nsọ lẹ ikẹn gbajun, dọn jẹnhunmẹ, e mẹ ihiẹn rị mma, a zụọ ndị ile Ekwensụ rị e kpokpo, makẹni Osolobuẹ nọyen'ẹ.

Ọrụn Ndị-ozi 19:18

Ndị bụ ọda hụ e kwerini Jesu, a pụha idẹnya ịhịan ile, kọma ọnụ eje-ihiẹn ndị wẹ te rị a rụn.

Ọrụn Ndị-ozi 8:24

Saịmọnụ nọ sị Pita lẹ Jọnụ, “Dodo ni, mẹ ni ni m ekpere, rịọ Di-nwọnni-ẹnyi, makẹ ihiẹnni ụnụ ku gha e mẹ m.”

Ndị Rom 3:10

Ya kẹ Ẹkụkwọ-nsọ ku nị, “Onyẹ ezi-omumẹ arị, kaka akpụ-ohu;

Ndị Rom 5:19

Makẹni, kẹ ndị bu ọda dọn họnrin ndị njọ makẹni okẹnnyẹ ohu hụ wụ Adam nupụ isi, ẹrịra kẹ Osolobuẹ k'e dọn nwan mẹ ndị bu ọda wụrụ ndị ezi-omumẹ makẹni okẹnnyẹ ohu hụ wụ Jizọsị humẹ isi.

Ndị Kolosị 1:9

Ya haịn o gi mẹ ni, kete ẹnyi a nụl'a, ẹnyi eke mẹbehikwọnị nwan ụnụ ekpere, a rịọ Chuku n'o mẹ ụnụ marịn uche ẹ ọhụnma-ọhụnma, nwọn amamihiẹn lẹ nghọta imẹ-mmọn, nwọn wẹ mmagi-mmagi,

Ndị Tẹsalonika Ibuzọ 5:17

E mẹ ni ekpere ogẹn ile.

Ndị Tẹsalonika Ibuzọ 5:23

Osolobuẹ lẹ enwẹn ẹ, onyẹ hụn udọn gha ẹka a bịa, ya dodo dọn ụnụ nsọ ụzọ ile: ya anịlẹ ụnụ nwọn nkọrịanị ọwụlẹ imẹ mmọn ụnụ mọbụ umẹ-ndụn ụnụ mọbụ ẹhụ ụnụ ogẹn Di-nwọnni-ẹnyi wụ Jesu Kristi k'e gi bịa.

Ndị Tẹsalonika Ibuzọ 5:25

Umunẹ, e mẹ ni ni ẹnyi ekpere!

Hibru 11:4

Okukwe kẹ Ebẹlụ gi chụnyeni Osolobuẹ ẹjan ka nke Keni mma, hụn Osolobuẹ gi kun'ẹ ọhụnma, kpọ a onyẹ ezi-omumẹ, shịan'a ẹri n'o ye ihiẹn rị mma. Okukwe k'o gi mẹni ọ nwụnhụngụ, ọ hụkwọ e ku oku.

Hibru 11:7

Makẹni Nụa nwọn okukwe, ogẹn Osolobuẹ gi gwatọ a ihiẹn mẹtulẹni jẹnkọ d'e mẹni, o gi ẹ dọn, gi egun Osolobuẹ rụn ụgbọ-mirin ahụn pụ-ichẹn, hụn Osolobuẹ gi nwan zụọpụha ezi-lẹ-ụlọ a. Nụa gi ihiẹnni o mẹ shịagbu ụwa ẹri, gi okukwe ẹ họnrin onyẹ ezi-omumẹ.

Hibru 12:13

Gha nị nwan ụzọ rị mma, kẹni ụkụ rịlẹni ikẹn hụn ụzọ dịnhịn, amamgbe ọ kwapụ.

Hibru 13:18

E mẹni ni ẹnyi ekpere, makẹni ẹnyi a marịnghọ nị obi ẹnyi rị ọchan lẹni ẹnyi achọnị nị ẹnyi mẹ ihiẹn ọwụlẹ ẹnyi e gi fa Osolobuẹ.

Joshụa 10:12

Ụhụọhịn hụ Osolobuẹ we ndị Amọ che ndị Izrẹlụ ẹka nị wẹ mẹri, Joshụa nọ idẹnya ndị Izrẹlụ gwa Osolobuẹ oku, sị, “Ẹnyanwụn, wuzo ụzọ ohu imẹ Gibiọnụ! Ifọn, wuzo Ọdanmgbugbu Aịjalọnụ.”

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Jọnụ Ibuzọ 3:22

ẹnyi e nwọnhẹnzi ihiẹn ẹnyi rịọ a, makẹni ẹnyi hụ e dọnmẹ iwu ẹ, e mẹ ihiẹn a sụọn'a.

Samuẹlụ Nke Ibuzọ 1:12

Ẹlaị hụ e lee ẹ ebẹhụ ọ rị e mẹ ekpere.

Samuẹlụ Nke Ibuzọ 12:17

Ẹlẹ ogẹn ọka-witi mirin gilẹni e zue wụ ọnwan? Kanị m sikọ nwan d'a kpọku Osolobuẹ n'o mẹ ihiẹn ghalẹni e mẹ zihẹ akpabọ lẹ mirin gi ghọsị ẹka a. Nị ụnụ hụn ụzọ marịn kẹ ihiẹn ụnụ mẹ jọhan njọ ẹnya Osolobuẹ ebe ụnụ nọ sị wẹ ye ọnụ eze.”

Samuẹlụ Nke Ibuzọ 12:18

Ya Samuẹlụ nọ kpọku Osolobuẹ, Osolobuẹ nọ zihẹ akpabọ lẹ mirin ụhụọhịn ohu hụ. Egun Osolobuẹ lẹ Samuẹlụ nọ tụ wẹ ọda-ọda.