Jemisi 5:13 - Ika

¹³ Onyẹ nwọn nsọngbu imẹ ụnụ? Ya mẹ ekpere. Onyẹ kẹ ẹfọ rị a sụọ ụsụọ? Ya bụma ẹbụ ịja-mma.

Jemisi 5:13 ပူးပေါင်းရင်းမြစ်များ

Ihiẹn Mẹni Nke Ibuzọ 16:9

Bụnịn'a ẹbụ; bụnịn'a ẹbụ ịja-mma; ku ni oku ọrụn-atụmẹnya ile ọ rụn.

Jobu 33:26

O mẹ ekpere jẹnni Chuku, Chuku e mẹn'ẹ ọhụnma, ọ hụn ihun Chuku, yi oro ịghọghọ; Chuku e mẹ ihiẹn rịzịn'a mma k'ọ rị mbụ.

Ẹbụ-ọma 105:2

Bụ nị n'a ẹbụ; kpọ nị n'a egu ịja-mma; ku ni oku ọrụn-atụmẹnya a.

Ẹbụ-ọma 118:5

Kẹ m rị imẹ nsọngbu, a kpọku m Osolobuẹ, Osolobuẹ nọ za m, wepụha m eje-ọnọdị!

Ẹbụ-ọma 18:6

A nọ m imẹ nsọngbu m kpọku Osolobuẹ; a hị m Chuku m n'o yeni m ẹka. Ọ nọ imẹ Ụlọ-NSỌ a nụ olu m; ẹkwan m e ru ebe ọ rị, ru ẹ ntịn.

Ẹbụ-ọma 50:15

kpọku m ogẹn nsọngbu, m k'a zụọpụha ị, y'a ja m mma.

Ẹbụ-ọma 91:15

O k'a kpọku m, a za m'a, m k'a nọyen'ẹ ogẹn nsọngbu; m k'a zụọpụha a, ye ẹ ọghọ.

Ẹbụ-ọma 95:2

Nị ẹnyi gi ni nkpanmịn bịa d'e kunrun ẹ; nị ẹnyi weshi olu elu bụn'a ẹbụ.

Azaya 65:14

Lee n'ẹ, idibo m k'a bụ ẹbụ-ịghọghọ makẹni obi rị a sụọ wẹ ụsụọ, Kanị ụnụ k'a gha e yi oro makẹni elu rị a fụ ụnụ; ụnụ k'a rị e goo yeni obi rị a gbawanị ụnụ.

Daniẹlụ 5:4

Wẹ hụ a ra manya hụ, wẹ hụ a ja mmọn rị ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma.

Hosia 6:1

Wẹ k'a sị, “Nị ẹnyi kinni azụụn ebe Osolobuẹ rị! Ọ dọkịkagụọ ẹnyi, kanị, o k'a zụọ ẹnyi; ọ rụgụọ ẹnyi ẹhụ, kanị, o k'e kẹnmẹ ẹtẹ ẹnyi.

Jona 2:2

“Kẹ m rị imẹ nsọngbu, m nọ kpọku Osolobuẹ, ọ nọ za m; imẹ-imẹ alị mmọn kẹ m ghadẹ kpọku i, ị nọ za m.

Jona 2:7

“Ogẹn ndụn m gi lakọ, m nọ nyanhan ị, Osolobuẹ, m nọ mẹ ekpere rịọ ị; ekpere m nọ ru ebe ị rị imẹ Ụnọ-NSỌ ị.

Maịka 4:5

Ndị alị ọzọ ile nwọn ikẹn gi ẹfan mmọn wẹ e bi, ẹnyi nwẹn k'e gi ẹfan Osolobuẹ wụ Chuku ẹnyi bi jẹnrin ejẹn.

Matiu 26:30

Wẹ nọ bụ ẹbụ. A bụgụ wẹ, wẹ nọ shi Ugu Olivu.

Luku 22:44

Ọ nọ gi okẹn-ụfụ ọ rị mẹkẹnmẹ ekpere; ọbanje ẹ nọ kẹ ẹdeke rị a tantuni.

Luku 23:42

Ya ọ nọ sị Jesu, “Jesu, ogẹn y'e gi bịa rịkẹ eze, dodo nyanhankwọ m!”

Ndị Kọrẹntị Ibuzọ 14:15

Kị m'e mẹ nwan? M k'e gi mmọn m kpe ekpere, e gizi m uche m kpe ekpere m k'a ghọta; m k'e gi mmọn m bụ ẹbụ, e gizi m uche m bụ hụn m k'a ghọta.

Ndị Kọrẹntị Ibuzọ 14:26

Umunẹ m, kị ẹnyi e mẹ nwan? Ụnụ zu, onyẹ-onyẹ nwọn ihiẹn ọ k'a s'ẹka mẹ: ikẹnkwọ ẹbụ rọ; ikẹnkwọ nkuzi, ikẹnkwọ ihiẹn Osolobuẹ ghọsị ịhịan, ikẹnkwọ ịsụ-asụsụ ọzọ, ikẹnkwọ ịnaye oku: e mẹ ni ihiẹn ile k'o dọn buli okukwe ịhịan elu.

Ndị Ẹfẹsọsụ 5:19

ụnụ e gi ẹbụ rị imẹ ẹkụkwọ Ẹbụ-ọma lẹ ẹbụ-ofufe lẹ ẹbụ ndị ọzọ rị nsọ a gwa ibe ụnụ oku, a bụ nị Di-nwọnni-ẹnyi ẹbụ a sụọ ụsụọ imẹ obi ụnụ;

Hibru 5:7

Ogẹn Jizọsị gi rị elu ụwanị, o mẹ ekpere, a rịọ Osolobuẹ arịrịọ; e gi okẹn ẹkwan lẹ ẹnya-mirin a kpọku Osolobuẹ hụn k'a saẹka zụọpụha a imẹ ọnwụn, Osolobuẹ nọ nụ ekpere ẹ makẹni ọ lachanrịn enwẹn ẹ tọnị Osolobuẹ.

Jemisi 5:10

Umunẹ m, leri ni okẹn-ndidin ndị-amụma mbụ gi ẹfan Di-nwọnni-ẹnyi ku oku gi sọn afụnfụn wẹ ta.

Rẹvẹleshọnụ 14:3

Mmadụ nnụ ọgụn mmẹsatọ ahụn hụ a bụ ẹbụ ọhụn ihun ukpo-eze ahụn lẹ ihiẹn ẹnọ ahụn rị ndụn lẹ ndị-isi ahụn. Onwọnni onyẹ saẹka mụnrụn ẹbụ hụ wezụka mmadụ nnụ ọgụn-mmẹsatọ hụ wẹ gha imẹ ụwa gbapụha.

Rẹvẹleshọnụ 7:10

Wẹ hụ e gi okẹn olu e yi oro, a sị, “Nzụọpụha wụ nke Chuku ẹnyi, Onyẹ hụn nọdị ukpo-eze lẹ nke Nwa-ebulu hụ.”