Jemisi 5:10 - Ika

¹⁰ Umunẹ m, leri ni okẹn-ndidin ndị-amụma mbụ gi ẹfan Di-nwọnni-ẹnyi ku oku gi sọn afụnfụn wẹ ta.

Jemisi 5:10 ပူးပေါင်းရင်းမြစ်များ

Ihiẹn Mẹni Nke Ẹbụọ 36:16

Kanị wẹ hụ e gi ndị ozi Osolobuẹ a mụ ẹmụ, e legberi oku Osolobuẹ, a mụ ndị-amụma a ẹmụ — d'e ru ebe Osolobuẹ nọ gi olulu bunụmanị ndị nke ẹ, d'e runi nwanahịn arịzị a.

Azaya 39:8

Hezikaya nọ sị Azaya, “Ihiẹnni ị sị nị ya kẹ Osolobuẹ ku hụ mma.” Hezikaya za ẹnịna makẹni ọ sị enwẹn ẹ “Ya wụ nị udọn lẹ ndọnkwa jẹnkọ d'a rị ogẹn nke m.”

Jerimaya 2:30

Afụnfụn ile m ye ndị nke i la iwi; egini wẹ mkpịnsịn m fịan wẹ bihutọ ẹka. Ụnụ e gigụọ ọpịa-agha gbu ndị-amụma wẹ zihẹni ụnụ kẹ eje-ẹwọrọ e gburi anụ.

Jerimaya 23:22

Omẹni e te nọdịọlẹ wẹ ọgwa m, nkẹ e zi wẹ ndị nke m ozi m, e mẹ wẹ wẹ bibehi eje-obibi wẹ, mẹ wẹ latọ eje-ihiẹn ndị wẹ rị e mẹ.

Jerimaya 26:16

Ya kẹ ịhaịmẹ lẹ ndị ile rị ebẹhụ nọ sị ndị nchụn-ẹjan lẹ ndị-amụma, “Okẹnnyẹni efuruni w'a ma ikpe-ọnwụn! Makẹni Osolobuẹ wụ Chuku ẹnyi ya zi ẹ ozini o zi ẹnyi.”

Luku 13:34

“Heuu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpọnkikomẹ ndị rị imẹ i kẹ nneku-ọhụhụ dọn e kpọnkikomẹ ụmụ a e ye okpuru nku ẹ, kanị y'a nịnị m!

Luku 6:23

“A ghọghọ nị, a tụshi elu ogẹn ọwụlẹ wẹ mẹ ụnụ ya! Makẹni ụgwọ ọrụn hi-ogbe rị e che ụnụ imẹ elu-igwee. Makẹni, ẹrịra kẹ ndị nẹdi wẹ mẹ ndị-amụma mbụ ya.

Ọrụn Ndị-ozi 3:21

hụn k'a rịgụdẹ elu-igwee d'e ru ogẹn Osolobuẹ k'e gi dọnzichanrịn ihiẹn ile, nọkẹ kẹ Osolobuẹ dọn ku mbụ-mbụ ghahanị ọnụ ndị-amụma a rị nsọ.

Ọrụn Ndị-ozi 7:52

Elee onyẹ-amụma kẹ ndị nẹdi ụnụ kpokpolẹni? Uwẹ gbu ndị hụn ku oku ọbịbịa Kraịstị Onyẹ Ezi-omumẹ, ụnụ nwẹn wụ nwan ndị ren'ẹ lẹ ndị gbun'ẹ!

Hibru 13:7

Nyanhan nị ndị-ndu ụnụ, hụn gwa ụnụ oku Osolobuẹ; lekpọ nị elu wẹ bi lẹ ihiẹn gha imẹ ẹ pụha; leri nị okukwe wẹ.

Jemisi 4:11

Umunẹ m, ekujakwọlẹ ni oku ibe ụnụ, makẹni onyẹ hụn kuja oku ibe ẹ mọbụ kin ẹ ikpe rị e kuja oku Iwu Osolobuẹ ye, e kin Iwu Osolobuẹ ikpe. Ị gha e kin Iwu ikpe, y'ẹlẹzi onyẹ e dọnmẹ Iwu, y'a wụrụgụọ ọka-ikpe!

Jemisi 5:13

Onyẹ nwọn nsọngbu imẹ ụnụ? Ya mẹ ekpere. Onyẹ kẹ ẹfọ rị a sụọ ụsụọ? Ya bụma ẹbụ ịja-mma.

Jemisi 5:7

Umunẹ m, e nwọn ni nwan ndidin d'e ru ni Di-nwọnni-ẹnyi a bịa. Lee ni kẹ onyẹ-ugbo e che ihiẹn-ugbo rịgbu enwẹn ẹ mkpa, e din ndidin ni mirin ahụa lẹ mirin ikpanzụụn zueyegụ a.

Jemisi 5:9

Umunẹ m, edẹnwịnnwịnkwọlẹni ni ibe ụnụ, makẹ Osolobuẹ gha a ma ụnụ ikpe: Ọka-ikpe e rugụọdẹ ọnụmụzọ!