Jemisi 4:9 - Ika

⁹ Goo ni! Kwan nị! Kwan nị ẹnya-mirin! Gi ni ẹkwan nọkin ẹnya ẹmụ ụnụ, ụnụ a la ịghọghọ tọ, rọnmẹ ihun!

Jemisi 4:9 ပူးပေါင်းရင်းမြစ်များ

Nehemiah 8:9

Ya kẹ Nehimaya hụn wụ Gọvanọ, Ẹzra onyẹ nchụn-ẹjan lẹ onyẹ nkuzi-iwu lẹzi ndị Livaị hụn rị a kọwanị wẹ ya nọ sị wẹ ile, “Tannị rị Osolobuẹ wụ Chuku ụnụ nsọ: anọlẹ ni kẹ ndị eje-ihiẹn mẹ; akwanlẹ ni ẹkwan.” Wẹ gwa wẹ ẹrịra makẹni ndị hụ ile rị a kwan ẹkwan ogẹn wẹ gi rị a nụ oku ndị rị imẹ Iwu.

Jobu 30:31

Ẹbụ-ụya ẹbụ-ụya kẹ ụbọ m rị nwan a kpọ; olu-ẹkwan olu-ẹkwan kẹ ẹkpịrị m rị nwan a han.

Ẹbụ-ọma 119:136

Ẹnya-mirin m hụ e hu nọkẹ iyi, makẹni a rị wẹ e dọnmẹ iwu i.

Ẹbụ-ọma 119:67

K'i kelẹni ye m afụnfụn, m te kpahukọ akpahukọ; kanị, m'e mẹ nwan ihiẹn i ku.

Ẹbụ-ọma 119:71

Afụnfụn m ta hụghọ m mma kẹni m mụnrụn iwu i.

Itẹn 14:13

Ọnụ nwọn ikẹn rị a mụ ẹmụ bụ obi hụ a kwan; ẹkwan nwọnzikwọ ikẹn bini ịhịan ịghọghọ.

Ẹkịliziastisi 2:2

M nọ sị, “Ẹmụ wụ nzuzu. Kị ihiẹn a sụọ ụsụọ e wẹhẹdẹ nwan?”

Jerimaya 31:13

“Ịgbagba k'a rị e tẹn egu, a ghọghọ; ẹrịra kẹ ikorọbịa lẹ ndị-ichẹn k'e mẹzikwọ. M jẹnkọ d'a napụ wẹ ẹkwan, ye wẹ ịghọghọ. M jẹnkọ d'a napụ wẹ ụya wẹ rị e ri, rọkọ wẹ obi, mẹ ẹfọ sụọ wẹ ụsụọ.

Jerimaya 31:9

Wẹ k'e gi ẹkwan lụaha; wẹ k'a rị a rịọ m m welụakọnị wẹ. M k'e wejẹnsọnmẹ wẹ mkpẹnrẹn mirin rị mma, we wẹ ghasọnmẹ ụzọ riẹnni makẹ wẹ gha a kpọgburu, makẹni mmẹ wụ nẹdi Izrẹlụ; Ifrem wụ nwa ibuzọ m.”

Ẹkwan 5:15

Ịghọghọ arịzị ẹnyi obi; ẹkwan a narịngụọ ẹnyi egu ẹnyi rị e tẹn.

Izikẹlụ 16:63

M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”

Izikẹlụ 7:16

“Ndị k'a hụn isi gbapụ k'a gbashi elu ugu, a rịa lekẹ nduru rị ọdanmgbugbu, onyẹ-onyẹ hụ a kwannị njọ a.

Matiu 21:41

Wẹ nọ za, sị, ‘O jẹnkọ d'e gbu ndị-ẹti hụ, gbu wẹ la iwi, we ugbo-vaịnị hụ ye ndị ọzọ hụn jẹnkọ d'a rụnn'a, e ye ẹ ihiẹn-ugbo ẹ ogẹn ihiẹn-ugbo.’

Matiu 5:4

Ngọzi wụ nke ndị hụn rị a kwannị, makẹni wẹ jẹnkọ d'a rọkọ wẹ obi.

Luku 16:25

“Ebraham nọ sị a, ‘Nwa m, nyanhan nị k'ị rị ndụn, ị hụ e nwọnhẹn ihiẹn rị mma, kanị Lazarọsụ hụ e nwọnhẹn ihiẹn ile jọ njọ. Ẹhụ fu ẹ nwan ebeni, yụ nwẹn hụ a ta afụnfụn.

Luku 6:21

Ngọzi wụ nke ụnụ, ndị ẹgụn rị a gụn ogẹnni, makẹni ẹfọ k'e jun ụnụ! Ngọzi wụ nke ụnụ ndị rị a kwan ẹkwan ogẹnni, makẹni ụnụ sikọ d'a mụ ẹmụ.

Luku 6:25

Nsọngbu rị e che ụnụ ndị ẹfọ jun ogẹnni, makẹni ẹgụn sikọ d'a gụn ụnụ! Nsọngbu rị e che ụnụ, ndị rị a mụ ẹmụ ogẹnni, makẹni ụnụ jẹnkọ d'a gha a kwan, e goo!