Jemisi 4:8 - Ika

⁸ Nọkunmẹ ni Osolobuẹ kẹni Osolobuẹ nọkunmẹ ụnụ. Kwọpụ nị ẹka ụnụ, ndị njọ! Chanchanpụ nị obi ụnụ, ndị obi-ẹbụọ!

Jemisi 4:8 ပူးပေါင်းရင်းမြစ်များ

Jẹnẹsisi 18:23

Ya Ebraham nọ nwan nọkunmẹkẹnmẹ Osolobuẹ, sị, “N'ị tikpọgbama ndị ezi-omumẹ lẹ ndị-njọ ezioku-ezioku?

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ẹbụọ 15:2

Azaria nọ jẹn d'e kunrun Asa, sị a, “Asa lẹ ndị Juda lẹ ndị Bẹnjamini ile, gọn ni m ntịn. Osolobuẹ a nọyeghọnị ụnụ omẹni ụnụ a nọdịyen'ẹ. Ụnụ chọ a, ụnụ k'a hụn a, kanị ụnụ gbakitọ a azụụn, ọ gbakitọ ụnụ azụụn.

Jobu 16:17

bụ onwọnni eje-ihiẹn rị m ẹka, m hụzịkwọ e gichanrịn obi m ile e mẹ ekpere.

Jobu 17:9

K'osilẹrị, ndị ezi-omumẹ k'e kwọnkẹnmẹ hụn wẹ gi, ndị ẹka wẹ rị ọchan k'e zewaye.

Jobu 9:30

Ọsụọn'a nị m gi ncha wụ enwẹn m, gidẹ ncha ka ncha kwọchanpụ ẹka m,

Ẹbụ-ọma 119:113

Ndị gi obi-ẹbụọ e sọn i e ze m ize, kanị iwu i a sụọ m asụọ.

Ẹbụ-ọma 145:18

Osolobuẹ a nọkunmẹ ndị ile a kpọkun'ẹ, ndị ile gi ezioku a kpọku ẹ.

Ẹbụ-ọma 18:20

ezi-omumẹ m haịn o gi mẹni m'ẹ; ẹka m rị ọchan haịn o gi mẹni m'ẹ.

Ẹbụ-ọma 24:4

Onyẹ ẹka a lẹ obi ẹ rị ọchan, hụn ghalẹni e we enwẹn ẹ a kwanị mmọn mọbụ e kun ẹfan Osolobuẹ a tụ ntụ.

Ẹbụ-ọma 26:6

A kwọpụ m ẹka ihiẹn m marịnlẹni, Osolobuẹ, e jẹnhunmẹ ukpo nchụn-ẹjan ị,

Ẹbụ-ọma 51:10

Dodo Osolobuẹ, ke obi rị ọchan ye imẹ m, y'e yezi m obi m gi a s'ẹka e turu.

Ẹbụ-ọma 73:13

Ya wụ nị m rị e dọnmẹ obi m ọchan mmaka, e dọnmẹ ẹka m ọchan mmaka;

Ẹbụ-ọma 73:28

O mẹ nke m, ọ rịka mma nị m nọkunmẹ Chuku; e gbọnni m'i, Osolobuẹ wụ Chuku; m k'e kusọnmẹ ihiẹn ile ị rụn!

Azaya 13:15

Wẹ nwụn ịhịan ụhụọkịn hụ, e gi wẹ ọpịa zugbu ẹ; ọpịa-agha kẹ wẹ k'e gi gbu ndị ile ẹka wẹ dụ.

Azaya 29:13

Ya haịn Onyẹ-nwọnni-ẹnyi gi sị, “Ọnụ kẹ ndịnị gihụ a nọkunmẹ m, e gihụ ọnụnụ-ire a gbaye m, kanị obi wẹ e tekẹ ebe m rị. Iwu ịhịan kuzi wẹ kẹ wẹ gihụ e fe m ofufe.”

Azaya 58:2

Makẹni, wẹ hụ e fe m ụhụọhịn-ụhụọhịn, e mẹ kẹ sị w'a chọka nị wẹ marịn m, nọkẹ sị wẹ wụ alị e mẹ ihiẹn rị mma, alị hụn latọlẹni ihiẹn Chuku ẹ sị a mẹ. Wẹ hụ a sị m gwa wẹ ihiẹn furu wẹ k'e mẹ, e mẹ nọkẹsị a chọka wẹ nị Chuku nọkunmẹ wẹ.

Jerimaya 4:11

O ru ogẹn ahụn, wẹ k'a sị ndịnị lẹ Jerusalẹm: “Ufere rị a nụ ọkụn k'a ghasọnmẹ ebe jẹn elu imẹ atụ fehẹ ebe ndị nke m rị, kanị ẹlẹkwọ hụn k'a fụchannị wẹ ọka mọbụ mẹ wẹ nwunchan,

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Ẹkwan 3:57

Y'a nọzụnhanghọ kẹ m kpọ ị, ị nọ sị, “Atụlẹ egun.”

Izikẹlụ 18:31

Ma nị nwan eje-ihiẹn ile ụnụ rị e mẹ tuhu; nwọnrin ni obi ọhụn lẹ mmọn ọhụn. Kị ụnụ k'a nwụnnị, ụnụ ndị Izrẹlụ?!’

Zẹkaraya 1:3

Sị nwan ndị nke ụnụ, ‘Osolobuẹ ihiẹn ile rị okpuru ẹ sị: Kinhẹn ni nwan ebe m rị, nị m kinhẹn ebe ụnụ rị. Ya kẹ Osolobuẹ ihiẹn ile rị okpuru ẹ ku.’

Malakaị 3:7

makẹni gha ogẹn ndị nẹdi ụnụ lala kẹ ụnụ latọma iwu m, ụnụ edọnmẹni wẹ. Bihutọ nị nwan ẹka buruhẹ m, kẹni m buruhẹzi ụnụ. Ya kẹ Osolobuẹ ihiẹn ile rị okpuru ẹ ku. “Kanị ụnụ hụ a jụ, ‘Elee ẹka kẹ ẹnyi k'e bihutọ?’

Matiu 12:33

“I mẹmẹ osisi n'ọ rị mma, mkpụrụ a a rị mma; i mẹmẹ osisi n'ọ jọ njọ, mkpụrụ a a jọ njọ. Makẹni, mkpụrụ osisi kẹ wẹ gi a marịn a.

Matiu 15:2

“Kị haịn ndị nsọnmazụụn ị gilẹni a gbaye ọdịnalị ndị nẹdi ẹnyi kanị? W'a ra kwọ ẹka ri ihiẹn-oriri.”

Matiu 27:24

Ogẹn Paịleti gi hụn nị arị wẹ e kweri nke ẹ, hụnzị a nị isusu e d'e bidọn, ọ nọ weri mirin kwọpụ ẹka idẹnya igunrun hụ, sị, “Ẹdeke onyẹni arị m ẹka; ẹka ụnụ k'ọ rị nwan!”

Ọrụn Ndị-ozi 15:9

Onwọnni ihiẹn ọ sị n'ọ rị ichẹn ẹgbata ẹnyi lẹ wẹ, makẹni o gigụọ okukwe chanchan obi wẹ.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Timoti Ibuzọ 2:8

Ya wụ, m chọ nị ikẹnnyẹ rị ebe ọwụlẹ hụn a nị wẹ e mẹ ekpere, a kịshi ẹka rị nsọ elu, ẹlẹ ẹka olulu lẹ ndọndọ.

Hibru 10:22

Nị ẹnyi gichanrịn ni nwan obi ẹnyi lẹ okukwe obi ẹbụọ rịlẹni buruhẹ Osolobuẹ, ẹnyi lẹ obi o fepụgụ ihiẹn ile obi gi e gbu ẹnyi mgbu, lẹ ẹhụ o gi mirin nwunni wụchanpụ.

Hibru 7:19

(makẹni Iwu mbụ enwọn ihiẹn o dọnzi ru alị); Osolobuẹ e webanhangụọ nwan olilẹnya ka mma ẹnyi e gi s'ẹka nọkunmẹ Osolobuẹ.

Jemisi 1:8

makẹni onyẹ obi-ẹbụọ k'ọ wụ: ihiẹn ile o mẹ wụ obi-ẹbụọ obi-ẹbụọ.

Jemisi 3:17

O mẹ nke amamihiẹn ahụn gha elu-igwee bịa, nke ibuzọ wụ nị ya lẹ obi rị ọchan wị, udọn k'ọ chọ, ara mẹ ikẹn-ikẹn; o kweyezini ndị ọzọ, omikẹn lẹ mkpụrụ rị mma jun ẹ, ara gbeyeni ịhịan, ntụ arịa.

Pita Ibuzọ 1:22

Ebe o mẹ ni ụnụ a chanchangụọ nwan obi ụnụ ghahanị ịgbaye ezioku Osolobuẹ, ụnụ sikọ d'a saẹka e nwọn ezigbo ihiẹn-ọsụsụọ ibe ụnụ. E gi ni nwan obi ụnụ ile, obi rị ọchan, e nwọn ihiẹn-ọsụsụọ ibe ụnụ —

Pita Ibuzọ 3:21

Wẹ gi ọnwan gwatọ ẹnyi kẹ mirin-Chuku dọn nwan a zụọpụha ịhịan kikẹnni: ẹlẹ wẹ rị e gi mirin-Chuku a wụpụ unyin rị ịhịan ẹhụ, kama, ịhịan gi ẹ a ghọsị Osolobuẹ n'o gi obi ẹ ile bịa d'e kunrun ẹ, ghahanị olihi Jesu Kristi gha ọnwụn lihi.

Jọnụ Ibuzọ 3:3

Ndị ile nwọn olilẹnyanị imẹ obi wẹ e dọnmẹ enwẹn wẹ ọchan kẹ ya lẹ enwẹn ẹ dọn rị ọchan.

Samuẹlụ Nke Ibuzọ 14:35

Sọlụ nọ rụnnị Osolobuẹ ukpo nchụn-ẹjan ebẹhụ; ọhụn wụ ukpo nchụn-ẹjan ibuzọ ọ rụn.