Jemisi 4:6 - Ika

⁶ Kanị Osolobuẹ e ye ẹka ọda-ọda; ya haịn Ẹkụkwọ-nsọ gi sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Jemisi 4:6 ပူးပေါင်းရင်းမြစ်များ

Ihiẹn Mẹni Nke Ẹbụọ 32:26

Hezikaya nọ rogharị, latọ nhọnrọn ọ rị a họnrọn, ya lẹ ndị Jerusalẹm. Ufiri ẹ, Osolobuẹ egizini ọnụma sọn wẹ ogẹn Hezikaya.

Ihiẹn Mẹni Nke Ẹbụọ 33:12

Ọ nọ nwan nọ imẹ ụya ahụn ọ rị rịọma Osolobuẹ wụ Chuku ẹ, wetu enwẹn ẹ alị ọhụnma-ọhụnma ihun Chuku ndị nẹdi ẹ.

Ihiẹn Mẹni Nke Ẹbụọ 33:19

Ekpere ẹ lẹzi kẹ arịrịọ a dọn mẹtụ Chuku, lẹzi njọ a lẹ ihiẹn ile o gi latọ Osolobuẹ; ebe ile ọ rụntọ ụlọ-mmọn, zumẹsọnmẹ osisi onyẹnnyẹ-mmọn wụ Ashẹra lẹ mmọn-lẹ-iyi ndị hụ ọ kpụ n'o d'e welụa enwẹn ẹ alị, wẹ ile rị ebe ndị-amụma detọ ihiẹn mẹni.

Ihiẹn Mẹni Nke Ẹbụọ 33:23

Kanị, o welụanị enwẹn ẹ alị ihun Osolobuẹ kẹ Manasẹ nẹdi ẹ dọn welụa enwẹn ẹ alị ikpanzụụn. Amọnụ emẹkẹnmẹkẹ ihiẹn ikpe gi ma a.

Ihiẹn Mẹni Nke Ẹbụọ 34:27

Makẹni ị nị ihiẹn ị nụ mẹtụ ị, welụa enwẹn i alị ihun Chuku ogẹn i gi nụ ihiẹn o ku n'o ke mẹ ebeni lẹ ndị rịn'a lẹzi makẹni i welụa enwẹn i alị ebe m rị, dọka ẹwuru i, kwan ẹkwan idẹnya m, mmẹ wụ Osolobuẹ sị n'a nụgụọ m olu i.

Jobu 22:29

Wẹ wetu ịhịan alị, nị y'a sị, ‘Weli wẹ!’ Chuku a zụọ onyẹ ahụn wẹ welụa alị.

Ẹbụ-ọma 138:6

Ọsụọn'a nị Osolobuẹ rị elu-igwee, ọ nyanhanzị ndị e welụa enwẹn wẹ alị; kanị, ọ ghadẹ ebe teni a hụnchanrịn ndị nhọnrọn kẹ wẹ nọ.

Ẹbụ-ọma 9:12

Makẹni Onyẹ hụn e gbugwarị ndị e gbu ọchụn k'ọ wụ; ọ nyanhan anyanhan — a ra zọ ẹkwan ndị wẹ rị a bịangbu.

Ọpụpụ 18:11

A marịngụọ m nwan nị Osolobuẹ ka mmọn ile w'e fe efee, makẹni imẹ ihiẹn ndị ahụn te rị e bu wẹ isi k'ọ nọ nwan karị wẹ ẹka.”

Itẹn 15:33

Egun Osolobuẹ e zin ịhịan amamihiẹn, onyẹ welụagụ enwẹn ẹ alị kẹ wẹ e ye ọghọ.

Itẹn 18:12

Ịhịan pachemẹ, ọ dan kanị ịhịan welụama enwẹn ẹ alị ọghọ a bịan'a.

Itẹn 22:4

Iwelụa-enwẹn ịhịan alị lẹ ịtụ-egun Osolobuẹ e wẹhẹ akụ-lẹ-ụba, ọghọ lẹ ndụn.

Itẹn 29:23

Mpache ịhịan e budan a, kanị onyẹ e welụa enwẹn ẹ alị k'e nwọnrin ọghọ.

Itẹn 3:34

Olelịa kẹ Osolobuẹ e lelịa ndị-nlelịa, kanị o mẹyeni ndị e welụa enwẹn wẹ alị.

Azaya 2:17

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn,

Azaya 54:7

M jụ ị hụ ẹkẹrẹ ogẹn, kanị m jẹnkọ d'e gi okẹn omikẹn wekinhẹn i.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Matiu 13:12

Makẹni onyẹ hụn nwọnni kẹ wẹ e yecheni, kẹni o nwọn mmagi-mmagi; kanị wẹ k'a narịndẹ onyẹ hụn nwọnlẹni hụn o te nwọn.

Matiu 23:12

Onyẹ bushi enwẹn ẹ elu, e wetu w'ẹ alị; kanị onyẹ welụa enwẹn ẹ alị, e bushi w'ẹ elu.

Luku 1:52

O wetugụọ ndị-ọkịkị ukpo wẹ, bushi ndị nwọnlẹni ihiẹn wẹ wụ elu.

Luku 14:11

“Makẹni onyẹ weshi enwẹn ẹ elu, e welụa w'ẹ alị; onyẹ welụa enwẹn ẹ alị, e weshi w'ẹ elu.”

Luku 18:14

“Jesu nọ sị: M rị a gwa ụnụ nị onyẹ ụgwọ-isi hụ kẹ Osolobuẹ kuni ọhụnma n'o d'a lama iwe ẹ, ẹlẹ onyẹ Itu-Farisi hụ. Makẹni, onyẹ bushi enwẹn ẹ elu, e welụa w'ẹ alị; onyẹ welụa enwẹn ẹ alị, e bushi wẹ ẹ elu.”

Jemisi 4:10

Welụa nị enwẹn ụnụ alị ihun Di-nwọnni-ẹnyi kẹni o bushi ụnụ elu.

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Samuẹlụ Nke Ibuzọ 2:3

Nyanbehi isi hụ; ekukarịzịlẹ enwẹn i! Osolobuẹ wụ Chuku hụn marịn ihiẹn ile; ịya e lele ihiẹn ịhịan rị e mẹ.