Jemisi 4:11 - Ika

¹¹ Umunẹ m, ekujakwọlẹ ni oku ibe ụnụ, makẹni onyẹ hụn kuja oku ibe ẹ mọbụ kin ẹ ikpe rị e kuja oku Iwu Osolobuẹ ye, e kin Iwu Osolobuẹ ikpe. Ị gha e kin Iwu ikpe, y'ẹlẹzi onyẹ e dọnmẹ Iwu, y'a wụrụgụọ ọka-ikpe!

Jemisi 4:11 ပူးပေါင်းရင်းမြစ်များ

Ẹbụ-ọma 140:11

Onyẹ kuja oku ịhịan y'a ghalẹ ihun imẹ alịnị; eje-ihiẹn ya chụ eje-ịhịan, nwụndọn ẹ.

Luku 6:37

“Ekinlẹ ịhịan ikpe, makẹ Chuku gha e kin i ikpe; amalẹ ịhịan ikpe makẹ Chuku gha a ma ị ikpe; gbagharị, kẹni Osolobuẹ gbagharị ị.

Ndị Rom 2:1

Onwọnni nwan ihiẹn yụ nwẹn k'e kin, onyẹ hụn rị a ma ikpe! Makẹni, ebe ị nọ ma ndị ọzọ ikpe k'ị nọ ma enwẹn i ikpe. Makẹni, yụ nwẹn rị a ma wẹ ikpe rịzị e mẹ ihiẹn ị rị a manị wẹ ikpe.

Ndị Rom 2:13

Makẹni ẹlẹ ndị a nụhụ ihiẹn Iwu ku kẹ Osolobuẹ e kuni ọhụnma kanị ndị e mẹ ihiẹn Iwu ku.

Ndị Rom 7:7

Kị ẹnyi e kuzi nwan? Nị ẹnyi sị nwan nị Iwu Mozizi e buhẹ njọ? Mba nụ! Makẹni, omẹni ẹlẹ Iwu, m'e ke marịn ihiẹn njọ wụ. Omẹni Iwu asịnị, “Anịlẹ ihiẹn la ị ẹnya,” m'e ke marịn ihiẹn ọ wụ nị ihiẹn a la ịhịan ẹnya.

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Ndị Kọrẹntị Nke Ẹbụọ 12:20

Egun rị a tụ m nị ikẹnkwọ, m bịa, ahụnkọ m ụnụ kẹ m dọn chọ, ụnụ nwẹn ahụnkọ m kẹ ụnụ dọn chọ; egun rị a tụ m nị, ikẹnkwọ, ikpe lẹ ẹnya-ụfụ lẹ eje-olulu jẹnkọ d'a rị; nị ụfọdụ imẹ ụnụ k'a gha e ro enwẹn wẹ sụọ; nị ikuja oku ịhịan, oku-azụụn, mpache lẹ isusu jẹnkọ d'a rị.

Ndị Ẹfẹsọsụ 4:31

Wepụ nị iwe ile, ịkpọ-ọnụma, olulu, oro, ikuja oku ịhịan lẹ eje-ihiẹn ile ịhịan gi e sọn ibe ẹ imẹ ụnụ.

Timoti Ibuzọ 3:11

Ẹrịra k'ọ rịzịkwọ ikpoho, wẹ k'a wụrịrị ndị furu w'a gbaye; awụkọ wẹ ndị e kuja oku ịhịan. Wẹ k'a wụrịrị ndị ẹnya dọn, e wetu obi alị; wẹ k'a wụrịrị ndị wẹ gi e dọn ẹnya imẹ ihiẹn ile.

Timoti Nke Ẹbụọ 3:3

Wẹ k'a wụ ndị ẹfọ-njọ, ndị oku ghalẹni a gụ ẹfọ, ndị e kuja oku ịhịan, ndị ghalẹni e kwọndọn enwẹn wẹ, ndị obi wẹ rị azụụn, ndị ihiẹn rị mma ghalẹni a sụọ;

Taịtọsụ 2:3

Kuzizi ikpoho-ọba nị w'e bi obibi ndị nsọ; w'e mẹlẹ ndị e kuja oku ịhịan, w'e mẹlẹ igbọn manya kanị ndị a kuzi ihiẹn rị mma,

Jemisi 1:16

Ezigbo umunẹ m, anịkwọlẹ ni wẹ dufie ụnụ.

Jemisi 1:19

Ezigbo umunẹ m, ọnwan ya we ụnụ ẹnya: onyẹ ọwụlẹ ya a nụkpọ oku; y'e kukẹnrinlẹ oku; y'e bukẹnrinlẹ olulu —

Jemisi 1:25

Kanị omẹni ịhịan hụ e lee iwu hụ zu oke ịhịan gi e nwọnrin enwẹn ẹ, e lesọnmẹ, nị ẹlẹ onyẹ a nụgụ, a zọ, kanị ọ hụ e gi ẹ e bi, o sikọ d'a narịn ngọzi makẹni ọ hụ e mẹ ẹ.

Jemisi 2:8

Omẹni ụnụ e dọnmẹghọ iwu hụ Eze ye kẹ wẹ dọn de ẹ imẹ Ẹkụkwọ-nsọ, sị, “Ihiẹn ibe i ya sụọ ị kẹ ihiẹn i dọn a sụọ ị,” nkẹ ọ rịka mma.

Jemisi 5:10

Umunẹ m, leri ni okẹn-ndidin ndị-amụma mbụ gi ẹfan Di-nwọnni-ẹnyi ku oku gi sọn afụnfụn wẹ ta.

Jemisi 5:7

Umunẹ m, e nwọn ni nwan ndidin d'e ru ni Di-nwọnni-ẹnyi a bịa. Lee ni kẹ onyẹ-ugbo e che ihiẹn-ugbo rịgbu enwẹn ẹ mkpa, e din ndidin ni mirin ahụa lẹ mirin ikpanzụụn zueyegụ a.

Jemisi 5:9

Umunẹ m, edẹnwịnnwịnkwọlẹni ni ibe ụnụ, makẹ Osolobuẹ gha a ma ụnụ ikpe: Ọka-ikpe e rugụọdẹ ọnụmụzọ!

Pita Ibuzọ 2:1

Latọ nị nwan ịchọ-njọ ile, ẹro ile, ihunnaị, iwe-ẹnya lẹ ikuja oku ịhịan.